انا شفت النهارده واحده لونها بتنجانى كان شكلها وهم وكانت بفرش ابيض هاى لاين وفتحه سقف
انا مش عارف صاحبها جابها كده منين ؟ ماشاء الله ربنا يباركله فيها
على فكره صاحب العربيه دى معاه بى ام فئه 5 وجاى من امريكا
عرض للطباعة
انا شفت النهارده واحده لونها بتنجانى كان شكلها وهم وكانت بفرش ابيض هاى لاين وفتحه سقف
انا مش عارف صاحبها جابها كده منين ؟ ماشاء الله ربنا يباركله فيها
على فكره صاحب العربيه دى معاه بى ام فئه 5 وجاى من امريكا
لو سمحت ممكن تقولنا اول فئة اللي هى يدوى مميزاتها ايه
الف مبروك يا استاذ غازى وربنا يباركلك فيها والتقييم فعلا اكتر من رائع
Mabroooooooook Ya Basha We Rabena Ye7fazak We Ye7fazhalak
لو سمحت الموديل اللي اقل منها علي طول مميزاته ايه
مبروك يا باشا عليك وربنا يكفيك شرها
انا برده استلمت ال ex بتاعتي وداخل على 950 كيلو وكان عندي كذا استفسار لو سمح وقتك .........
- العفشه عندي ناشفه جدا و الجنوط عندي 16 (هل ده لي حل في التوكيل لما اعمل صيانه الالف كيلو ؟) مع العلم اني اول ماركبت العربيه حسيت بده ورحت تاني يوم كشفت على الكاوتش لقيته كان معمول على 40 !! تخيييل و ظبطه على 32 بقت احسن لكن مازالت العفشه ناشفه
- عايز اركب انذار بره التوكيل تنصحني باي نوع و اركبه فين ؟
- ايه اخبار مركز الصيانه بتاع محمد زكي اللي في القطاميه هل في فرق بينه و بين ابو رواش ؟
- قبل ما تروح صيانه الألف حجزت و للا روحت على طول , و انت اللي طلبت يغسلولك العربيه بره و جوه و للا ده مع غسيل الموتور بالفوم ؟
بسم الله ما شاء الله
تقرير ممتااااااااااااااز
ربنا يبارك لك فيها ولا تنسى ان تستخدمها فى مشاوير خير او بنية خير (صلة رحم - مساعدة..................)
مش عارف انا قلقان من موضوع العفشة فتقريبا جميع أعضاء المنتدي اشتكوا من العفشة حتى اللى معاه الجنط ال 16
بصراحة مش عارف هل ده عيب يخلى الواحد يعيد النظر تانى فى العربية ولا ايه
هو فين الأستاذ غازي سيبنا ليه من مدة لعل المانع خير ان شاء الله
بصراحة محتاج تعليقه على موضوع العفشة جدا بعد الأطمئنان عليه الأول طبعا
اعتقد ان في بدائل عن الCerato ال EX لنفس الفئة من السعر و اعتقد ايضا انها افضل(مثل MAZDA 3) و ماخبيش عليكم انا نفسي كانت عجباني جدا و كنت عايز اغير عربيتي بيها و سألت الزملاء في المنتدي و كان الكلام العام انها ليست الأفضل في هذه الفئة و لمزيد من التفاصيل قوموا بزيارة الرابط التالي:
http://www.nilemotors.net/Nile/showthread.php?t=73104
انا شفت الرابط وشفت اللي اتقال لقيت خناقه معتاده بين الكوري والياباني وموصلتش غير لنتيجه اشتري الياباني ليفوتك
الكلام ده قدم خلاص بقي تاريخ
لوعايز تعرف تجيب ايه ...حدد احتياجاتك الاول ..عربيه عائليه ..هاتشباك ...صغيره ...كبيره....وغيره
وبعدين تدخل علي كل منتدي للعربيه اللي لقيتها وتسال اللي راكبنها واللي بقالها معاهم شويه علشان حيعرفو يردو عليك
انا برده كنت بقارن المازدا بالسيراتو....بالاضافه ان انا بحب المازدا اكتر بس مجبتهاش لانها
1- عربيه واطيه بتخبط في كل المطبات عاليه او واطيه اول وده مينفعنيش
2- انها مالهاش توكيل معتمد عليه
3- قطع غيارها مش موجوده كتييييييييييير
4-قطع غيارها غاليه جدا
5- الكنبه ورا صغيره قوي قوي قوي
وده ما يناسبش احتياجاتي
جبت السيراتو
لانها عكس كده
علي فكره ناس كتييييره بتقول ان خاماتها وحشه ...ده كلام ناس ماشافتش العربيه كويس وبتتصيد الاخطاء لاي حاجه كوري ....روح شوف السيراتو الsx
وشوف المازدا وخاماتها
ده مش معناه اني بقول المازدا اي كلام ....لا طبعا بس مش علشان احبها اطلع العيوب في كل العربيات اللي حتتقارن بيها
وفي الاخر حضرتك اللي تختار بما يناسب امكانياتك
حاجه تانيه معلش انا قلت علي عيوب السيراتو من وجهه نظري علشان عارفه ان فيه ناس ممكن تعتبر دي عيوب وناس حتعتبرها عادي
وبرضه ده بيرجع لكل شخص
علي فكره انا مثلا تقولي متسوبيشي اقولك اطيق العمي ولا اطيقها ....دي وجهه نظري معني كده انها وحشه لا عربيه زي الفل
بس دمها تقيل علي قلبي انا......يبقي حضرتك تحدد من نفسك وتسال اللي راكبين العربيه عن اشهر مشاكلها علشان تعرف
اذا كانت تنفعلك ولا لا
1 - العربية مش عالية فعلا بس مش بنخبط في كل المطبات زي ما بتقولي لا عالي ولا واطي الا لو مركبه 5 افراد ولو سايستي المطب مش هيحصل اي حاجه وهي اعلى من السيفيك والجيتا على فكره
2 - توكيلها مش مهتم فعلا بس ليها اكتر من مركز متخصص زي سمارت كار وياسين اللي بيعمل صيانة بي ام بردو وغيرهم
3 - وقطع غيارها موجودة في شارع دمشق والحرفيين وغيرهم
4 - قطع غيارها غالية اه بس معمرة جدا ورخصت كمان عن الأول كتير
5 - الكنبة اللي ورا على فكره مش صغيرة بالعرض لكن في الرتفاع ، يعني للطوال ، وهي اكبر على فكره من السيراتو
وواضح انك مشوفتيش حتى المازدا3 غير وهي ماشية في الشارع ، وعلى فكره انا شوفت السيراتو كويس جدا في اكتر من معرض وشوفت خاماتها كويس جدا وده اللي مخليني مصر انها لا تسنحق ، وكمان عمال يظهر فيها عيوب غريبة ، اللي بابه يفتح لوحده واللي بيشتكي من عفشتها حتى لو بجنط 16 ، واللي صوت الموتور عندو بيعلى كل ما يمشي بيها ، والله الشعب المصري ده اكتر شعب سهل يضحك عليه
أولا بسم الله وثانيا ما شاء الله عليك وعلي السيارة وربنا يعطيك خيرها ويكفيك شرها
وأنا بجد بقالي فترة طويلة عايز أشتري السيارة ومتردد شوية عشان خايف من قطع الغيار هل موجودة ومنتشرة ولا لا
بس أنا مستريح فعلا للسيارة ديه ونفسي أجيبها وهي عندي افضل من اللانسر والنسيان
وربنا يوفقك فيها .
يا جماعة بعد اذنكو...اللى عندة ال Ex المفروض فى لمبة حمرا فى الباب لما بيفتح...اللمبة دى مش بتنور عندى...هل دة عادى و لا اية؟
الف مبروك علي العربيه
ربنا يباركلك فيها يارب ويديك خيرها ويكفيك شرها
وشكراا جدااا علي التقرير الصور
والله يا "فندم" موضوع عيوب الmazda 3 اللي حضرتك عرضتيه انا لا أتفق في أي منهم فيما عدا إن قطع غيارها غالية...غير كده ظلم و افتري...و بعدين انا قلت ان في بدائل افضل في نفس فئة السعر مثل mazda 3 و ليس هي فقط...ال Ford Focus قطع غيارها رخيصه وفي نفس الوقت لها افضل نظام تعليق في هذه الفئه...الخ...في بديل افضل جدا و للاسف مظلوم في مصر و هي ال Renault Megane .....الخ ومن الواضح ان حاضرتك ما شوفتيش ال Mazda3 كويس
وجه نظرك تحترم...و في نفس الوقت لا اتفق معها...هذا وشكرا
اما بالنسبه لموضوع اسأل اللي ركبها اولا للاسف ليس من السهل اليوم ان يقول شخص إددبس في حاجة عن عيوبها, ثانيا السيارة لسه ما اتجربتش في مصر
و علي فكرة انا احترم KIA جدا...كل ما في الأمر إني اري من الظلم تتويجها علي عرش العمالقة
ربما لأن ما اقوله هو الحقيقة ، بدون اي تحيز أو تضخيم ما لا يستحق حتى الحديث عنه ، وفعلا اللي يشتري مازدا3 دلوقتي تبقى صفقة فوق الممتازة وبسعر اقل من قيمتها بكتيييييييييير وده اللي انا عملته وحجزت فعلا بعد دراسة مستفيضة ، وكما احببت الخير لنفسي ،احبه للآخرون ن ولكن للاسف الناس واخده الموضوع دفاع وهجوم زي التعصب الكروي ، وكل حجتهم التوكيل ، طب ما في ناس جايبه السيراتو خليجي واكتر من سعرها في التوكيل ومخدوش لا ضمان 5 سنين ولا غيره ، ولكن فعلا كل واحد حر في قراره ، واللي معاه قرش محيره ...........؟
عموما انا على فكره متابع حيرتك من المقارنة اللي كنت عاملها وبكل أمانة واخلاص اتوكل على الله واشتري مازدا3 وهي فعلا من أفضل السيارات في فئتها واعلى كمان ان لم تكن الأفضل ، وكفاية انها واخده اربع نجوم في موقع Whatcar وكفاية انها راكبة على شاسيه فولفو S40 وجمعت بين الأوروبي والياباني في سيارة واحدة حازت اعجاب الجميع حول العالم وحققت مبيعات وشعبية رهيبة ، وربنا يوفقك للصالح ان شاء الله
ممكن بعد اذنك تقولي ايه مواصفات اعلى فئة في المازدا الحالية وكم يبلغ سعرها حاليا وذلك لكي يتم مقارنتها باعلى فئة في النيو سيراتو لأني ناوي اشتريها باذن الله والاخبار عن قطع غيارها والصيانة الدورية ليها عامة بتكون فين
وطبعا المازدا كعربية طبعا لا غبار عليها بس الواحد بس بياخد افضل الاسعار مقابل الجودة والامكانيات
ومن جهة اخرى كنت حابب اخد رايك في المازدا الجديدة بما انها نازلة قريب مش تكون صفقة فاشلة اني اجيب عربية والشكل الجديد نازل حتى لو مسموعياته مش حلوة كشكل ... او انه هيكون اعلى سعر ...برده الصبر كويس لغاية ما تنزل
زي اللي اشترى السيراتو القديم ونزل الشيب الجديد نغص على اللي اشترى القديم متعة الاستمتاع بيه...
وشكرا على جهودك...
ما شاء الله
ربنا يباركلك فيها
تقييم رااائع
وصور ةرااائعه
تقبل مرورى وتحياتى
اللينك ده موجود فيه مواصفات كل فئات مازدا 3 والأسعار كمان ، بس هتلاقي تخفيضات الفترة دي في حدود 5000 او 7000 جنيه تقريبا حسب الفئة
http://www.nilemotors.net/Nile/showthread.php?t=13625
- اما بالنسبة لأستفسارك بخصوص الشكل الجديد ومدى أفضلية شراء الشكل الحالي في الوقت الحالي ، فأنا هقولك وجهة نظري الشخصية جدا وهقولك كمان أنا وصصلتلها بناءا على ايه،
- أنا شايف ان شراء الشكل الحالي خاصة في الوقت الحالي صفقة لا تعوض ولا تقارن ، واليك دواعي وصولي لهذه الرؤية
1- الشكل الحالي في حد ذاته اكثر من رائع ، واجمل من معظم السيارات اللي موجودة بما فيهم السيفيك والكورولا وطبعا السيراتو ودي اذواق ووجهات نظر شخصية بحتة ليست مجال للجدال
2- الشكل الجديد جميل وكل حاجه بس انا شخصيا حابب الشكل الحالي اكتر بعد ما شوفت كم هائل من الصور والفيديوهات للشكل الجديد وآراء الناس اللي نزل عندهم الشكل الجديد واللي كتير منهم بيفضلو الشكل الحالي بردو، وبردو دي اذواق شخصية بحتة، يعني لا أعتقد أن الموضوع يقارن مثلا بالسيراتو زي ما بتقول لن الشكل القديم للسيراتو كان سيئ ويمكن ده اللي خلى الناس يضخمو كده من الشكل الجديد اللي انا شايفه عادي جدا ، لكن طبعا فارق كتير عن الشكل القديم ، لكن في المازدا3 الوضع مختلف تماما لأن الشكل الحالي والشكل الجديد كلاهما تحفه وعصري وانسيابي وترجع عملية التفضيل بينهما للاذواق الشخصية
3- نيجي للمواصفات ودي اهم نقطه ، هتلاقي الشكل الجديد نازل بنفس المواصفات للشكل الحالي ، يعني نفس الشاسية ونظام التعليق والموتور والعزم ، مع اختلافين ، الأول أن الشكل الحالي بيوصل من الصفر ل 100 في 11 ثانية بينما الجديد في 12 ثانية ، والتاني ان الشكل الجديد افضل بقدر ضئيل في استهلاك الوقود وطبعا أصلا الشكل الحالي ممتاز في استهلاك الوقود نظرا للتكنولوجيا المتطورة المستخدمة في الموتور الذي لم يتم تغييره في الشكل الجديد( variable valve Timing ) ، وعموما دي فروق طفيفة جدا
4- الشكل الجديد نازل اوتوماتيك من أول 2000 سيسي فقط والله أعلم هتنزلنا كده مانيوال بس ، ولو نزلت اوتوماتيك هتوصل لكام نظرا لجمارك ال 2000 سيسي المبالغ فيها جدا
5- أكيد الشكل الجديد هينزل اغلى بفرق مش قليل لمجرد انه شكل جديدـ في نفس الوقت اللي الشكل الحالي تقدر تجيبه دلوقتي بسعر احسن من اي وقت سبق زي ما ذكرت في النقطه السابقه ، ودي اللي بيخليني اقول أنها سفقه ممتازة في الوقت الراهن
- بناءا على جميع ما سبق بنيت وجهة نظري واخذت قراري ، وأرجو أن تكون تلك النقاط عونا لك على توضيح الرؤية وأتخاذ القرار المناسب لك
طبعا جزاك الله كل الخير باشمهندس سامح على توضيحك ...
وعلى فكرة انا كنت متابع مواضيعك بخصوص الجين 2 cps وكانت بصراحة جهود جبارة ولكنها للأسف باءت بالفشل...بس هوة في سؤال محيرني ... مش عارف ليه حاسس ان فيه تناقض شوية ...ليه حضرتك كنت متمسك أوي بالجين 2 مع انها عربية ماليزي وبرده سوقها لسة جديد وكان في حماس شديد لامتلاكها مع انها بتشتكي من عيوب التقفيل وسوء معاملة التوكيل ... ده من جهة ... من جهة أخرى حاسس من كلام حضرتك ان النيو سيراتو مش عجباك نهائي وطبعا زي ما حضرتك قلت دي أذواق وانا بحب العربية اللي اركبها ترضيني وترضي الناس طبعا ...وانا بصراحة أحترم اراء جميع الناس ...فايه اللي كان مخلي حضرتك متمسك بالجين2 رغم سوء خاماتها وعيوب تقفيلها ومشاكل توكيلها (مع احترامي طبعا للجين 2)على فكرة العربية دي انا بعشقها حتى بما فيها من عيوب
ومخلي حضرتك كاره النيو سيراتو مع انها لا تشكي من اي سوء بل بالعكس توكيلها يحترم وفيها مواصفات عالية وبسعر لا يوجد من يوازي مثله في الياباني
طبعا حضرتك موضوع الياباني والكوري والماليزي مفروغ منه بدليل ان حضرتك كنت هتجيب الجين2 مع انها ماليزي
وطبعا فرق السعر في الحسبان بحيث لو كان غرض حضرتك انك تجيبها بأنها أفضل مواصفات وماتور وبأفضل سعر
مع انه فيه في نفس الفئة السعرية عربيات ياباني وكوري زي الاوبترا والصني والانسر الفئات الاولى...
السؤال بشكل أوضح؟؟
الجين 2 cps كانت صفقة رابحة كأفضل شكل وماتور ومميزات بالاضافة الى سعرها
بغض النظر عن بلد المنشأ وطبعا 95000 جنيه مبلغ مش هين برده علشان ادفعه في عربية مجهوله ليس لها سوق او انتشارها قليل مع ان فيه في نفس سعرها عربيات ياباني...
طيب ايه وجه القصور في النيو سيراتو ولماذا لا تعتبر هي الاخرى صفقة رابحة وخصوصا انها تتمتع بكماليات ومواصفات وضمان لا يوجد من يباريها في نفس الفئة السعرية ؟؟؟
وطبعا اكيد الصناعة الكوري تتفوق على الصناعة الماليزي ؟؟؟
اسف على الاطالة ولكني حبيت أعرف وجهة نظرك لأني أحترمها فعلا ولكني في حيرة
لأني كنت خلاص هحجز النيو سيراتو بس الكلام لخبط الواحد
تقبل تحياتي....
:S_thum1[1]::S_thum1[1]::S_thum1[1]:
على فكره أنا اتسألت نفس السؤال ده تقريبا قبل كده ورديت عليه بس واضح انك ما شوفتش المشاركة دي ، وعموما أنا هرد علي سؤالك تاني ،
- بالنسبة للجين2 CPS كان الموضوع أني كنت معجب بالجين2 كأمكانيات مقابل السعر ، وده كان من 2007 تقريبا ولكن لما رحت شوفتها ، لقيت أن الصالون بتاعها خاماته رديئة جدا ولا تزيد عن النيو سيراتو في الجودة اطلاقا ، وفي نفس الوقت موضوع صوت الموتور والفجوة في العزم وعيوب التقفيل ، كل ده خلاني سبتها واشتريت ساعتها اوبترا استيراد ، المهم بعد فترة عرفت من موقع الشركة انهم نزلو جين2 وعدلو فيها في الشكل والموتور والخامات الداخلية وتصميم الصالون ، فقلت ساعتها كده تبقى فعلا ممتازة طالما كل العيوب اتعالجت وسعرها مش هيزيد على حسب كلامي مع التوكيل ساعتها غير 5000 بالكتير ، وطبعا طالما انت كنت متابع فأكيد عارف أنا فضلت معاهم قد ايه ، وفي الأخر نزلت بتفس الخامات السيئة جدا ومنزلوش الموتور الحديث وبردو فيها عيوب تقفيل ، فوجدت أنها صفقه فاشلة من وجهة نظري وتركتها ، دي كل الحكاية ،
- أما بالنسبة للنيو سيراتو فهي قطعا أفضل من جين2 في أكتر من حاجه ، زي الموتور ، التقفيل ، لكن ليس أفضل في الخامات الداخلية ، وتضاهيها في الشكل ، فإن كانت السيراتو أعلى فئة بتمن الجين2 أو حتى اكثر 10000 فهي صفقة جيدة وممتازة كمان ، لكن ليس هذا هو الواقع. وأحب ألفت نظرك أن كم الكماليات يجب ألا يكون هو أساس إختيارك للسيارة ، ولكن الكم والكيف معاً،
مع خالص تمنياتي لك بكل التوفيق الى ما فيه الصالح
تقييم ممتاز للعربية لكن اسمح لي اسالك عن موضوع العفشة لاني سمعت الكلام دة من اكتر من واحد اشتراها خصوصا ان الطرق عندنا في مصر زي ما انت عارف . هل هذه المشكلة تعتبر مشكلة كبيرة في العربية يا ريت نسمع رايك وراي اي واحد استلم العربية لان انا حاجز العربية و خايف من المشكلة دي وبافكر اغير للانسر مع اعجابي الشدشد بالعربية
ماشاء الله ..ربنا يباركلك فيها يارب ويديك خيرها ويكفيك شرها ..
والف مبروك ياباشا..
باعتباري من اللي معاهم قرش محيرهم :C_laugh[1]:
انا لما جبت السيراتو الخليجي ...كنت معتمد برضه على الوكيل المحترم (من غير ضمان صحيح) لكنه هايصلحلي و يعمل لي الصيانات
لو مكانش في وكيل محترم و قوي في ظهر شركة كيا ...
كان حصلها اللي حصل للمازدا في مصر :N_no[1]: مع انها عربية جميلة وممتازة بجد
الف الف مبروك للي قرر يشتري مازدا 3
و خصوصا ان ده بيساعد على عدم انتشار السيراتو و جعلنا أكثر تميزا :S_thum1[1]:
هما الناس اللى اشتروا السيراتو الجديدة اختفوا ليه لعل المانع خير
فين العيوب .............ولا العربية كاملة متكاملة
السلام عليكم و رحمه الله و بركاته
يا جماعه مش ملاحظين ان الاخ غازى ملوش مداخلات من فتره ؟ لعل المانع خير. يا ريت لو حد يعرفه يطمنا عليه بس مش اكتر
شكرا جدا على التقييم الممتاز - وعايز اقولك انت من الاراء القوية جدا اللى خليتنى اخذت قرار بشرائها والحمد الله استلمت امس بالفعل
جزاك الله خيراً على التقرير الشامل المتميز ده للرائعة النيو سيراتو أستاذ غازى وربنا يباركلك فيها ويديلك خيرها ويكفيك شرها يارب وعقبال صيانة ال120000 كم