الف مبررروك
ربنا يباركلك فيها ويديك خيرها ويكفيك شرها
موضوع هايل
عرض للطباعة
الف مبررروك
ربنا يباركلك فيها ويديك خيرها ويكفيك شرها
موضوع هايل
الله ينور يا باشا .. وحاجة جميلة جدا .. ربنا يبركلك فيها اللهم امين .. بس لو ممكن بس تشرحلنا واحدة واحدة كدة .. استعمال الفتيس الستبترونك .. وكمان الكيك دون .. هو اصلا ينفع كيك دون مع الستب ترونك؟ ... وانت جبتلها الفرش والدواسات من سبير كار .. مكنش عندة غير الفرش دة ولا اية .. معليش بقي بالمرة جبت الكماليات دي بكام .. لاني عارف انهم بيفصلوا جامد هناك
شكراا للادارة على نقل الصور في بداية الموضوع, و المساعدة على جعل الموضوع متكامل لخدمة جميع الأعضاء في المنتدى...
يا باشا القلوب عند بعضها و ربنا يديم المعروف, و الف شكر على ردك الكريم و شرفتني بمرورك...
شكرا يا باشا على ردك, و ربنا يبارك فيك...
الله يبارك فيك يا باشا...
الف مبروك و ربنا يباركلك فيها...
شكرا يا باشا و ربنا يخليك....
الله يبارك فيك يا باشا...
الله يبارك فيك يا باشا... و شكرا على ردك و رأيك...
الله يبارك فيك يا باشا.. و شكرا على ردك الجميل
شكرا على مرورك و رأيك يا باشا, و ربنا يخليك على ذوقك...
العربية ارتفاعها 15سم عن الأرض, و الحمد لله محكتش معايا في ولا مطب و كنت مركب معايا 3... هي طبعا أعلى من الكريستالة
و ألف مبروك مقدما يا باشا....
ربنا يبارك فيك و ألف شكر على ردك يا باشا...
فعلا الغمازات اللي في المرايات مدياها شياكة بدل ماتكون في الرفرف..
ألف شكر يا باشا على ردك, و الحمد لله انك اطمنت...
ربنا يخليكي يا أستاذة ايناس, و ربنا يبارك في عربيتك و يبعد عنك شرها...
الله يبارك فيك يا باشا, و الف شكر على ردك الرائع...
الف شكر على ردك يا باشا...
استخدام الستيب ترونيك كالاتي... لو عايز تنقل للغيار الأعلى (تزق الفتيس زقة لقدام) لو عايز تنزل للغيار الأقل (تزق الفتيس زقة لتحت)... يعني من تاني للتالت (زقة فوق), و العكس....
الكيك داون بيكون دوسة تقيلة على بدال البنزين, هتلاقي العربية نزلت نقلة و حملت على الغيار و الـ RPM بيعلى جامد... بس الكيك داون الكتير مش كويس على الموتور و التروس بتاعت الفتيس على المدى الطويل, يعني خليه للزنقات في رأي...
بالنسبة للفرش, و الله هو خامتة كويسة جداا بس هو عشان شكلة تقليدي شوية و بيبان وحش في الصور, بس انا كان معايا 3 اصحابي, كلهم قالو ان ده انضف واحد شفناه في كل المحلات اللي رحتها قبل سبير كار و كان سعره بالتركيب (400 جنيه), طبعا هتقوللي ده بـ 400..!!! هقولك شوفو على العربية و شوف خامته و احكم.. :))), الدواسات جبتها بـ (90 جنيه) من كارفور و جبتهم في عجالة عشان كنت مستعجل و كان لازم اجيبهم, و كده كده هيتغيروا...
كلام الاستاذ غازي نصو الاولاني يطمن ونصو التاني يقلق ..
في كل الاحوال نشكرك عالتقييم .
الف الف مبروك على العربية التحفة دى و ربنا يديك خيرها و يكفيك شرها
و فعلا اجدع تقييم اتعمل فى نايل موتورز:S_thum1[1]:
بس انا عندى استفسار ,, لما الفتيس الستبترونيك بينقل لوحدو لو انا منقلتش ,, يعنى مينفعش اسقط نقلة ,, اومال هو لازمتوا ايه بقا ؟؟
يعنى المفروض ان الفكرة منوا انو يبقا اوتوماتيك فى الزحمة و مانيوال ( يعنى شد و سحب ) على الهاى واى ,, مش ان انا بلعب بالفتيس و خلاص كدة يبقى مانيوال ؟؟؟
تقييم ممتاز ربنا يباركللك فيها
ألف مبروك يا استاذ غازي أو "حجازي" زي ما تحب وعقبال صيانة المليون .. وتكون مبسوط بالعربية .. والعربية مبسوطة منك .
بس انت مردتش برضه على سؤالي في الجزء الأول .. وبكرره في الجزء التاني .. ولو م جوبتش حيثبت عليك اسم "حجازي" .
السؤال هو شرح لعمل الباركينج سينسور بالتفصيل .. يعني بيبقى فاضل اد ايه على العائق اللي وراك .. والاشارات اللي بتظهر ازاي .. وشكلها بيبقى عامل ازاي .. وألف مبروك للمرة المليون
الله يبارك فيك و شكرا على كلامك الرائع..
بالنسبة للستيب رتونيك... لو سابلك الموضوع مفتوح تنقل لأي غيار في أي وقت, ممكن تبقى ماشي على الرابع مثلا و تروح مسقط ثاني..!!!!!!!!!!!!! مصيبة, الفتيس كده راح مشوار يا باشا... و لو سابك تحرق و تنقل بنفسك للغيار اللي بعده ممكن توصل للريد زون وانت مش واخد بالك مثلا..!!!!!! كارثة, كده الموتور تبوسه و تركنه جنب الحيط..!!! طبعا انا بقولك الكلام ده في صورة تضحكك, بس الحاجات دي لو حصلت بتبقى العربية حصل فيها مشكلة فيتال (موتور او فتيس) و طبعا مشكلة كبيرة جداا..
عشان كده عمل زي سيسنسورز للحفاظ على الموتور و الفتيس في حالة الاستخدام الخاطئ للتكنولوجيا دي... و ده مش بتتميز بيه السيراتو بس على فكره, كل العربيات اللي فيها ستيب ترونيك او سبورت مود كده بس ممكن بشكل مختلف بسيط قوي..
طيب معليش ممكن واحدة واحدة لموضوع الستيب ترونك دة علشان افهم .. يعني هو الفتيس اصلا اوتوماتيك تمام .. يعين لو جبتة على الدي هتمشي العربية وتنقل لوحدها عادي خالص .. شغال .. طيب امال لو جبتها على الموجب والسالب .. هتنقل برضة لوحديها .. طيب كدة انا ميش فاهم اية الميزة هنا .. طيب لو أنا ماشي على سرعة معينة وطالع مطلع والعربية عزمها قل ميش المفروض برضة انها هتسقط نقله لوحدها من غير مانا اجيب على السالب .. ولا اية .. لحسن الواحد اتبرجل واتلغبط ..
ياريت يا بشمهندس صوره للمفتاح عشان نشوف شكله حلو ولا لأ
الف مبروك ياباشا وتقييم ممتاز جدا بس عندى استفسار صغير لون العربيه دى فرانى (زى اللى انا حاجزها) مش سيلفر زى مانت قولت قبل كدة صخ ولا انا غلطان
السلام عليكم ورحمه الله وبركاته
استاذ غازى اولا الف مبروك على العربيه رغم انها متاخره وربنا يباركلك فيها
كنت عايز اسال حضرتك سوال بالنسبه للعدادات بتاعت العربيه هل فيها مؤشر حراره واللا لا و فى عداد السرعه حضرتك حاطط ليه اكتر من صوره كل واحده منهم بتبين حاجه يعنى مثلا فى صروه بتبين استهلاك البنزين و صوره تانيه توريك البنزين يمشميك كام كيلو
كنت عايز اعرف من حضرتك هما كام حاجه ممكن تتعرض على الكمبيوتر ده وازاى بتنقل بنهم
شكرا ليك يا باشا
بصراحه يا باشمهندس محمد انا مقفول اوى من شكل الخامات جوه التابلوه وكمان النيكل مش بيلمع
وانت عارف كل الى بينزل منها من جوه الوان غامقه يعنى لو كان نزل بيجات او فواتح كان دارى كتير لكن كده ا حاجه بسيطه هتبان فى التابلوه والواحد هيقرف من العربيه
هو اللون التيتانيوم ده شكله ايه ؟ الصور بالليل مش باينه يعنى هو قريب من الفضى ولا الرصاصى ؟
العربية جميلة جدا
و كفاية وسائل الأمان اللى فيها
كفاية الشكل بتاعها ( بس أنا صراحة مش عاجبني الشكل بتاع الكبود حاسس انه كبير حبتين و لو كانوا صغروا العرض بتاعه شوية و لعبوا وية في الرفارف كان ممكن تديها شكل رهيب )
بس اولا و اخيرا العربية تحفة
ربنا يباركلك فيها :) ويديك خيرها ويكفيك شرها
ألف مبروك يا بشمهندس...
يس عندي سؤالين...
1. هو طبيعي انك تكون محتاج تظبط زوايا في عربية بدوب مشيت ألف كيلو بس..؟
2. كنت قلت فيل كده ان السنتر لوك بيقل اتوماتيك بعد سرعة أربعين...طيب في حالة الحوادث لا قدر الله بيفتح نفسه اتوماتيك؟
شكرا يا باشا عن التقرير الجامد ده, بس انا كان ليا كام سؤال بالنسبة للون, هو ده ال سلفر تايتنيوم ولا انهى لون؟؟؟
انا شفت تقريبا اللون ده فى اى أى تى فى روكسى بس كانت ex انا كنت عايز اسأل برضه لو عندكو فكرة ال EX نفس فتيس ال SX ولا مختلف يعنى ال EX اوتوماتيك ستيب ترونيك ولا لأ ؟
أنا برده اكون شاكر لو عرفت اكتر عن الستيب ترونيك, حسب علمى و صححلى لو غلت ان الستيب ترونيك فى وضعين:
الأول: اكنه زى المانيوال وده عن طريق + أو - تقدر تنقل على ترس أعلى أو أقل وده مفيد على ال طرق و فى الشد
التانى: اوتوماتيك زى اى اوتوماتيك بتسيبه و هو يتعامل و ده طبعا مفيد فى جوة البلد
شكرا مرة تانية و ربنا يباركلك فيها و يكفيك شرها ....
الف مبروك يا بمشهندس غازى وربنا يباركلك فيها ويكفيك شرها وعقبال ال 100000 كم معلش جات متأخرة منى وادعيلى يارب انى استلم انا كمان السيراتو بتاعتى ونكون كلنا هنا من ال سيراتو
هية عربية ممتازة و بافكر فيها بعد ما كنت بافكر فى الإلنترا, لو حسبناها هانلاقيها أرخص من الإلنترا
ممكن أسأل إيه هية المعلومات اللى بتاخدها من شاشة معلومات السائق؟؟
ربنا يباركلك فيها، تقييم ممتاز :S_thum1[1]:.
أنا بفكر جدياً فيها....أعلى فئة بس كان نفسي تبقى manual.
احنا متفقين على نظام عمل الـ D.. صح...
الستيب ترونيك كالاتي..
انت لو عايز تنقل لنقلة أعلى بتزق الفتيس لفوق زقة + (و الفتيس مش هينقل النقلة اللي بعدها الا لو وصلت للريد زون بس)... لو عايز تنزل نقلة, بتزق الفتيس لتحت زقة واحدة - (و مش هينقل لنقلة أقل لواحده الا لو العربية هدت قوي لدرجة ان الغيار الحالي اعلى بكتير من سرعة العربية و ده علشان متحسش برجرجة زي المانيوال مثلا)... لكن غير كده انت اللي بتتحكم في النقلات, و الفرق بينه و بين الـD ان عزم الستيب ترونيك أعلى و أسرع في التجميع و ده للأداء الرياضي.. بس كده يا باشا, اتمنى تكون الفكرة وضحت
آدي المفتاح يا باشا... هو عادي جدااhttp://i586.photobucket.com/albums/s...2/Image191.jpg
لأ يا باشا... اللون ده الأقرب للفيراني لكن مش فيراني و مش سيلفر, هو لون معدن التيتانيوم و بيكون مابين الفضي و الرمادي (الفيراني)..
العربية مافيهاش عداد حرارة, هي لمبة و هتلاقيها ظاهرة على اليمين في الصور لونها ازرق لما بتكون العربية بارده و بتطفي اول ما تسخن العربية و لو العربية سخنت عن الطبيعي بتنور أحمر و بيديك انذار في شاشة الكمبيوتر... ده زائد ان الكمبيوتر في عداد حرارة ديجيتال و موجود في الصور بردو..
فعلا كل صورة للعدادات بتوضح وظيفة معينة في الشاشة.. و هما 8 وظائف.. تريب A, تريب B, عداد حرارة ديجيتال, البنزين يكفي لكام كيلومتر, متوسط استهلاك البنزين, متوسط السرعة, الاستهلاك اللحظي للبنزين, اجمالي زمن القيادة...
بصراحة يا باشا, الألوان الغامقة في العربية دي بالذات مدياها شياكة من وجهة نظري, الأجزاء الفضية و النواكل باينة أكتر و مش لازم تلمع بشكل قوي, بس شكلها فعلا مع اللون التيتانيوم رااائع و فيه تناسق بين برة و جوة و ده اللي خلاني أختار التيتانيوم و اغير الأسود اللي كان محجوزلي أصلا أول ما نزلت.. بس اركبها تاني و ممكن تحس باختلاف..
شكرا يا باشا على مشاركتك, و العربية فعلا ممتازة شكلا و موضوعا ما شاء الله...
ربنا يخليك و شكرا على ردك الجميل يا باشا...
الله يبارك فيك يا باشا...
أرجوووووووك انا هرد على السؤال من غير ما تثبت الأسم ولا حاجة, و اسف لو مخدتش بالي من سؤالك في الجزء الأول...
السينسورز بتعمل كالآتي... أول ما بتنقل على غيار الريفرس (R), بتسمع صفارة مرة واحدة عشان تعرف ان السينسور شغال, ترجع للخلف و لو فيه عائق بيظهر علة الشاشة شكل للعربية و وراها 3 شرط في اتجاه العائق و معاه صفارة متقطعة و ده في مسافة (120-130سم), بعدها ترجع كمان المسافة توصل بينك و بين العائق لـ (80سم) تسمع صفارة متقطعة بس أسرع من الأول و تلاقي شكل العربية و وراها الـ3 شرط بقو شرطتين بس (كده قربت من العائق), ترجع كمان توصل المسافة بينك و بين العائق (40سم) تسمع صوت صفارة متواصل مع ظهور شرطة واحدة بس خلف شكل العربية على الشاشة... و الشرط اللي ورا الشكل المرسوم على شاشة الكمبيوتر بيكونو من اربع جوانب (4 سينسورز), و ده شكل العربية لما تظهر في الكمبيوتر في حالة الرجوع للخلف...
http://i586.photobucket.com/albums/s...a-cerato-k.jpg
بصراحة انت شوقتني للعربية دي
الله يبارك فيك يا باشا, و بالنسبة لأسئلتك..
1- ممكن يكون في حاجة بسيطة في الزوايا, مش مشكلة
2- انا عايز افهم كل الناس حاجة انا شايفها جميلة جدا و من ضمن عوامل الأمان لو معاك أطفال و هي...
العربية عند وصول سرعة 40كم بتقفل السنتر اوتوماتيك, و محدش يقدر يفتح الباب من برة, بس لو انت او اللي راكب جنب اللي سايق عايز ينزل, يفتح الأكرة عادي, الباب هيتفتح, بس البابين اللي ورا لازم تفتح السنتر عشان يتفتحو من جوه, و عندك فوق الزراير الشبابيك زرار يفتح السنتر كله من لمسة واحدة... و لو حصل حادث لا قدر الله السنتر بيتفتح اوتوماتيك كله بردو... و لو السنتر كله مقفول و ركنت و اول ما تشد المفتاح من الكونتاكت, السنتر يتفتح اوتوماتيك....
بجد الموضوع ده ممتاز و من ضمن وسائل الأمان اللي بجد فعالة جداا...
شكرا يا باشا على مشاركتك..
بالنسبة للون ده هو التيتانيوم سيلفر, و اللي انت شوفتها في المعرض في روكسي هي بردو التيتانيوم سيلفر ان لم تخني الذاكره عشان انا شفتها هناك و كانت EX...
كل الاوتوماتيك في اي فئة بيكون فيه ستيب ترونيك, و طريقة عمله انا شرحتها في المشاركة اللي قبل دي على طوول..
يا باشا الله يبارك فيك, و ان شاء الله تستلم قريب قوي, و مكانك محجوز في النادي يا زعيم... :)))
كلامك مظبوط تماما يا باشا...
المعلومات اللي بتاخدها انا شرحتها كلها في المشاركة اللي قبل دي على طووول...
شكرا على ردك يا باشا..
شكرا على كلامك الرائع و ربنا يرزقك بيها ان شاء الله..
العربية فيها ستيب ترونيك, و مش هتحرمك من اداء المانيوال بس بشكل مريح و رياضي جداا...
بجد بجد عربية تحفة وانت حببتنى فيها اكتر بكتير
طبعا الكلام بتاعك زود \اعجابى بيها شكرا ليك
بس أنا عايز أقولك ملحوظه الكنبه الخلفيه غير ضيقه بالمره أنا طولى 198 سم وكنت مرتاح جدا فيها
رغم ان سيادك مارديتش عليا لمل باركتلك في اول الموضوع لكن اسمحلي بس بسؤال رفيع كده.......
اخبار الساوند سيستم ايه و ايه تقيمك ليه؟ و هل لو محتاج اركب ampelifier w bazooka w X-over هل هناك مخرح RC out and sub woofer control ولا لأ حيث انني بدأت في تحضير المعدات قبل ما استلم سيارتي اصلا :)
مشكور مقدما و الف مبروك للمرة الثانية يا غازي بك
أتمنى ان العربية تنال اعجاب كل الأعضاء و بالأخص المميزين زيك كده يا باشا..
موضوع الوسع بتاع الكنبة نسبي, يعني كل واحد بيشوفها من منظور معين و حسب قعدته على الكرسي الأمامي, بس بشكل طبيعي الكنبة مش ديقة و مش واسعة قوي, هي معقولة و مناسبة.
و شرفتني بمرورك و ردك يا باشا...
بسم الله ما شاء الله ... بجد حاجة روعة العربية دي .. تستحق الإحترام
شكراً للتقييم و الصور و ربنا يباركلك ...:)
انا آسف جداا يا باشا, اكييييد مخدتش بالي, معقول مردش عليك بردو..!!!!! اكيد لأ
الله يبارك فيك يا باشا و ربنا يخليك على ذوقك, و مبرووووك مقدما...
بالنسبة للسؤال الرفيع, السوند سيستم (((رااااائع))) و دي كانت أهم حاجة عندي...
فيه 3 مستويات باس بيز, 3 باند اكيولايزر, تظبيط اوتوماتيكي لدرجة حدة و علو الصوت بناء على سرعة العربية (اختياري ON, OFF).. الصوت نقي جداا, 4 سماعات و 2 تويترز, و لو زودت سماعتين ورا تبقى هتقلب الشارع, و مش عارف مجهزة بالمخارج للووفر و امبليفايرز ولا لأ... بس اعتقد الوصلات موجوده و جاهزة (أعتقد)... أهم حاجة ان البيز نقب و مش بيسرسع مهما على (السماعات جودتها عالية جداا بجد)...
انا ارسلت لك ايميلي في رسالة خاصة و ياريت تضيفني و نرتب التفاصيل ان شاء الله
و تشرفني جدا معرفتك يا باشا