استاذ غازي مختفي تماما من فترة
لعل المانع خيرا
يااااارب ما يكون اللي فبالي
عرض للطباعة
استاذ غازي مختفي تماما من فترة
لعل المانع خيرا
يااااارب ما يكون اللي فبالي
موضوع هايل الف شكر
اية اخبار الأستخدام بعد فترة استعمال لو حد اشتري من بدرى؟
تسلم ايدك يا باشا و ربنا يباركلك فيها و يكفيك شرها و الف مليووووووون شكر على المجهود الرائع بجد.
بس يا ريت لو حد يقولي فيه توكيل كيا في الاسكندرية ولا لأ ؟...و لو فيه مكانه فين؟
و ألف شكر
السلام عليكم ربنا بجد يباركلك فيها ويكفيك شرها
لما روحت النهارده اشوف حجز العربيه التيجو اللى حاجزها لاقيت معرض بيقولى فى عربيه فحدود امكانياتى اسمها كيا سيراتو ومكنتش سمعت عنها كتير بس ركبتها وفعلا العربيه هايله وكانت فضى ميتالك بس خليجى عامله حوالى بيقول 109 الف قاللى ممكن اخرها يبقى 105 الف بس طبعا العربيه من غير ضمان ؟؟؟؟؟؟؟؟ سالته طيب وانا ايه جبرنى على كده؟ قاللى اولا فرق 5 الاف فالسعر ثانيا تستلم الثانيه دى وتمشى عكس التوكيل بيسلم بعد 3 شهووووووووووووور ؟؟؟؟؟؟؟ وكمان فى ام بى ثرى ومش عارف ايه كده تانى المهم طبعا عربيه كويسه جدا بس انا ميال للتيجوووو
وربنا يباركلك فيها تانى يارب ويكفيك شرها
السلام عليكم ورحمة الله وبركاته
الله يبارك لك فيها ويرزقك خيرها وخير ما جبلها عليه (دعاء الدابة الجديدة ...)
ولي سؤال بسيط
أنا ماشوفتش في الصور مؤشر حرارة مع العدادات هو في مكان تاني ولا مش موجود ؟
شكرا
تقريبا لما اتفرجت ع العربيه سالت برضو عن مؤشر الحرارة وقاللى بيظهر فشكل ارقام تقريبا
الف مبروك لصاحب الموضوع
وبعيدا عن الخناقات انا حاسس ان الناس ماصدقت لقيت عربيه تبعد بيها عن الهيونداي والميتسوبيشي او الحيرة في هذه الفئه السعرية وياريت نسيب كل حاجه تتجرب وعيوبها ومميزاتها تظهر مع الوقت العربيات عباره عن مميزات وعيوب والناس اذواق واحتياجات كل واحد بيختار الي يناسبه وشكرا
تسلم ايدك ورجلك وكل حاجة فيك ربنا يباركلك فيها
وفعلا الواحد يبدا يفكر اننه يشتريها مندلوقتي
عداد الحرارة في شاشة المعلومات
وهية عربية تحفة أنا لسا شايفها في التوكيل النهاردةhttp://i586.photobucket.com/albums/s...2/S5000391.jpg
قابلت واحد امبارح فى الشارع لا أعرفه وسألته عن رأيه فى السيراتو الجديدة وكان راكب ال se
قال لى : العربية تقيلة وسحبها بطيء و العفشة ناشقة و حاسس ان هناك سخونية طالعة من تحت رجليه ثم قال لى بأختصار انا حاسس انى راكب 28
انا قلت اقول لكم ما سمعته بالأمانة
بصراحة انا قررت أصرف نظر عن هذه العربية و لو موقتا حتى يبان الأداء بتعها بحق و حقيقى
فلو كانت هذه هى الشكوي بعد 1000 كيلو ماذا سيكون الوضع بعد 50000 كيلو
هو مفيهاش عزل و لا اية :)
ممكن مش عارف يظبط التكيف و بيديلو هوا سخن من الرجل :)
يا استااااذ غازززززززززززززي
انت فين ... لعل المانع خير
ما شاء الله ربنا يحفظهالك
أنا مش عارف يا أخى "yramadan" ايه الحكاية بالضبط أنت مكرر مشاركتك دى فى أكثر من موضوع عل الرغم من تأكيد مالكى العربية بالمنتدى على عدم صحة هذه المعلومات وإن العربية ممتازة و لا يوجد بها أى من هذه العيوب
أنت يا إما من مالكى اليابانى و عايز تكرهنا فيها يا اما من شركة منافسة للكيا :T_thum1[1]:
يا عزيزي بلاش نقدم سوء الظن ...
انا فعلا شفت نفس المشاركة في موضوع تاني ...و جال نفس احساسك في البداية
بس راجعت نفسي ....
بس ليه ما يكونش اللي قاله كده (صاحب العربية) هو اللي ليه غرض ما ...الله اعلم بيه
او عربية الراجل ده فعلا مش كويسه ...ممكن قوي و ده ما يعيبش السيراتو كلها
وممكن تقييم الراجل مش حيادي ...(الله اعلم كان راكب ايه قبلها)
ما ينفعش لو سمعنا اي نقد للعربية نجري و نكذب صاحبه او نقول انه له غرض ....
قوللي ليه ...
الحاجات دي ما بتستخباش ...و العربية ما شاء الله حلوة
ومكسرة الدنيا ...بكلامنا او من غيره
و بكلام غيرنا او برضه من غيره ...
و انا واحد من اللي حاجزين ...سمعت اكتر من كده و ولا همنى
لأني عارف كويس انا باشتري ايه ومستعد لدفع تمن اختياري و تفكيري
اللي عمره ما خيبني و الحمد لله
خليها على الله
فعلا يا استاذ " Ahmed Samy " عندك حق بلاش نقدم سوء الظن ...
الحاجات دي ما بتستخباش ...و العربية ما شاء الله حلوة
ومكسرة الدنيا ...بكلامنا او من غيره
و بكلام غيرنا او برضه من غيره ...
و انا واحد من اللي حاجزين بس كتر الإنتظار خلانى متحفز على الأخر و معنديش أى إستعداد لتكسير المجاديف.
على العموم أنا بأعتذر على سوء الظن
الله يسامحك و الله انا لا أملك أى عربية و كنت ناوى أجيب السيراتو الجديدة و كنت عمال أسأل عنها لأن المبلغ ليس بالقليل
لكننى أستغربت من بداية الكلام عن بعض المشاكل فى العربية عند ال 1000 كيلو حتى من الأستاذ غازى
ثم لاحظت اختفاء مالكى العربية من المنتدى واحد تلو الأخر ثم كانت الملاحظة السابقة
وانا قلت ما سبق فى أكثر من مكان علشان أتاكد لكن للأسف لا يوجد شيء واقعى سوي تأكيدات ان العربية حلوة
يا سيدى ما أنا تأسفت لك و تانى مرة ماتزعلش منى انا غلطان لك :beatdeadhorse5: :_Alshmokh11:.
خلاص صافى يا لبن :shyy:؟؟
ولا اختفينا ولا حاجه .....احنا قلنا تقيمنا للعربيه حتي 1000 الاولي
ومن ساعتها مفيش اضافه جديده...........عايزني كل يوم ادخل اقول ايه
العربيه حلوه..........حيبقي دمي تقيل .......لو حصل حاجه جديده حلوه او وحشه حقولها علي طول علشان الناس تستفيد
بس حتي الان الحال كما هو لم يحدث معي شخصيا حاجه جديده
اما بالنسبه لغازي ...الله اعلم .........وان كنت مااعتقدش ان العربيه هي السبب والا كان بلغنا ولو بكلام مختصر
هو انقطع عن المنتدي منذ فتره طويله وندعو الله ان يكون المانع خير
وبعدين مالقتش للاسف غير ان العربيه حلوه............مش فاهمه زعلان يعني ولا مستغرب ولا ايه
للمره المليون العربيه زيرو من شركه ممتازه السمعه ..........ولم يسجل عليها عربيات فيها مشاكل كتيره
يبقي طبيعي علشان يبان عيوب فيها من الاستعمال يبقي لازملها سنه علشان تقييمها
وان كنت قلقان قوي من العربيه لانها لسه مش معروفه قوي ..يبقي متجبهاش شوف حاجه معروفه تبقي مستريح نفسيا....
لان بالمنظر ده حتفضل متوتر وقلقان لدرجه حتخليك بتتلكك للعربيه حتي لو الكل مدح فيها مش حتبقي مستريح برده
الف الف مبروك ربنا يعطيك خيرها ويكفيك شرها
تقيم ممتاز ووافي وعقبال تقيم 10000 كم
السياره فعلا جيده
بس سؤال بعد اذنك هيا فعلا العربيه دي فيها esp الخاص بالثبات
وفيها دراع البلس والمينس ورا الطاره لتغير النقلات
ومبروك مره ثانيه
الله ينور عليكى يا أستاذة إيناس طمنينى الله يكرمك كده علشان قلبى يرتاح
بسم اللة ماشاء الله
حاجة زى الفل والله
ربنا يبارك يارب
بس هو فين شكل المفتاح لو ماكنتش تمانع
لان من ساعت ماشفت العربية وكنت نفسى أشوفة
وتحياتى
بصراحه يا جماعه انا اكتر حاجه مضايقاني في الموضوع ان السياره دي نازله في الكاتيجوري التاني بالكروم او النيكل اللي جوه راكب في التابلوه و حوالين الفتيس :(
اصلي مش بحب النيكل ده خالص في العربيه خصوصا في التابلوه بتاع السيراتو الجديده بحس انها اشيك كتير من غيره :(
ولزم على شان خاطر تجيب الاوبشنز اللي في الكاتيجوري التاني لزم تشتري السياره بالنيكل اللي فيها!
يا جماعة بعد اذنكو
اجيب عداد الحرارة على الشاشة اللى فى العدادات اللى فى الex ازاى؟ انا هتجنن
في الsx معرفش ال بتاعتك كده ولا لا
فيه زرار صغير علي التابلوه وراء الدريكسيون اسمهtrip
بدوس عليه في بتتغير المعلومات عليه
ده عندي معرفش عندك نفس الفكره ولا لا
انا اسف...مش حاستحمل اقول اني غيرت رأي مرتين في المنتدي....زوروا الlink دي و حاتعرفوا ليه
http://www.nilemotors.net/Nile/showt...638#post885638
هو ده شكله بيبقي بار وانت بتتحرك بالعربيه بيبقي في النص وهي واقفه شكله زي الصوره
http://i586.photobucket.com/albums/s...2/S5000391.jpg
ميرسى على الموضوع ربنا يباركلك فيها و يديك خيرها و يكفيك شرها
أنا كنير قوى قلقونى من الكيا عموما و كله قالى اشترى تويوتا أو تيدا أو لانسر
التيدا حلوه بس شكلها من بره معجبنيش خالص
أما التويوتا أنا كان معايا تويوتا و لما أتعلمت أتعلمت على تويوتا , أخويا كمان عنده تويوتا فبصراحه زهقت عايزه أغير وكمان
كنت عايزه حاجه توكيل رخيص
أما الانسر عربيه مجربتهاش
المهم بعد ما رحت معرض اوتوماك 2009 عجبنى كماليات الكيا سيراتو موديل SX High Line
فيها فتحت سقف و 2 ايرباج و اسمارت كى والمفتاح كمان زى بتاع الأوكتافيا المفروض زى ما فى الكتالوج
و كمان الفرش كله جلد طبيعى و التابلوه شكله حلو 124 حصان و جنوط 17 و شنطه واسعه و باقى الكماليات الى انت أكيد عارفها
بس عجبتنى ورحت دفعت عربون عشان هيا بالحجز يعنى حستلم على أخر شهر 7
المهم بعد ما دفعت كذا حد قالى ان الكيا عموما مش حلوه بس أنا بعد مادفعت
كنت قلقانه من ثبات العربيه بس انت طمنتنى سعر العربيه 125900 جنيه مصرى
انت رأيك ايه أكمل ولا لأ
يعنى بما انك انت جربتها ايه رأيك فيها
بس علطول الله يخليك
و شكرا على الموضوع بجد
يا عزيزي انا كنت كدة, لغاية يوم الجمعة اللى فات
مسافرين مع أصحابنا العين السخنة قبل الفجر
كنا تلات عربيات : جين 2 و ميجان و سيراتو
مش عايز اقولك السيراتو عدى ال 190 و ماعرفناش نجيبه و ثبات زى الفل طول الطريق
(السرعة وحشة و بلاش منها, بس انا باقول على اللى حصل, و انا ماكنتش سايق)
مفيش اروع من كده تقييم شامل ويعطي احساس كانني صاحب السيارة بارك الله لك فيها وكفاك شرها
بسم الله الرحمن الرحيم
تحيه للاستاذ غازي المحترم
اولا : الف مليون مبروك على العربية قصدي على الجوهرة اللي انت مقتنيها , وبنا يباركلك فيها ويعطيك خيرها ويكفيك شرها
ثانيا : اهنئك على اسلوبك الممتاز في الحوار بجد انت عجبتني جدا ,
ثالثا : احب اضيف توضيح بسيط بس
انه العربية للاسف مهما كانت هاي لاين في مصر الخاماتدائما ماتكون رديئة بكثييير عن الخارج
انا شفت سيراتو الخليجية مع واحد صاحبي جايبها من بره ومالهاش توكيل هنا في مصر زي مانت عارف
وشفت سيراتو اللي نازلة هنا في مصر في معرض ما
هناك فرق شاسع من ناحية التقفيل والخامات دي فيها فتحة سقف واللي نازلة مصر مافيهاش على ما اعتقد
وان كانت مش هي دي نقطة الخلاف بس مهما كان مفيش حاجة اسمها اللي بينزل بره بقى ينزل للمستهلك المصري
ده مستحيييل.
اه ممكن تكون كل الاوبشنز موجوده في العربية بس مش هتلاقي تقفيل زي بره اطلاقا وانا مسؤؤل عن كل كلمة قلتها
حتى الشيفروليه الكروز نازلة مصر الهاي لاين مافيهاش زجاج كهربا خلفي , بالزمة ده اسمو كلام؟
يعني عربية اوتوماتيك وهاي لاين في الفئة بتاعتها وب 120 الف جنيه وفي الاخر افاجاء بانها مفيهاش زجا كهربا خلفي!!!!
اعتقد ده مش تلكيك زي ماحضرتك قلت , ولا انا غلطان؟
اعتذر عن الاطالة
ومبروك للمرة التانية
وان شاء الله هي دي عربيتي اللي جاية , بس ابيع الاوبترا اللي معايا الاول ...
وشكرا
الهاى لاين بفتحة سقف و فى قبلها فئة ب 120 الف بردو بفتحة سقف
سؤال بعد اذن حضراتكم
ايه اخبار الصاج بتاع العربية؟
متين ولا نص نص؟
شبه نوع صاج انهي عربية؟
ده طبعا للناس اللي فعلا اشتروا العربية؟
لاني الصراحه متعقد من صاج الاوبترا
صاج فاشل جدا