الموضوع: حادث الدائري المروع...شاهد عيان!

لا إله إلا الله
الحمدلله على نجاتك

تذكر ديماً قبل ما تتحرك بالعربية انك تقول دعاء الركوب

المشاركة الأصلية كتبت بواسطة NaderNabil

...لكنها زادت من إيماني و ثقتي بربنا أكتر و أكتر...

ساعات كنت بخاف من المستقبل...أخاف من الماديات...و انواع تانية من الخوف....لكن بعد الحادثة دي...أخاف ليه و إلهي موجود و هايحميني؟ أخاف ليه و هو حاطت عينه عليا؟ ده انقذني من موت محقق...مش هاينقذني من شوية حاجات تافهة من اللي بخاف منها؟

ربنا أراد إني انزل في الوقت ده بالذات....و ينقذني من اللي حصل علشان يوصللي الرسالة دي....ممكن تكون التجربة قاسية شوية...لكن إتعلمت منها كتير قوي...ساعات كتير ربنا بيستخدم وسائل صعبة علينا شوية علشان يفكرنا انه موجود و علشان يقوللنا انا أقوي من كل المشاكل االي انتم خايفين منها...و لأن أوقات كتير بننغمس في الحياة زيادة عن اللزوم و ننساه...

الحادثة دي خلتني أعرف معني ان الفاصل بين الموت و الحياة مجرد جزء من الثانية و مترين فقط!!!الموت ليس ببعيد عنا...بل هو قريب جداً جدأ...و السؤال...هل إحنا مُستعدين له؟
...

أولا : ألف حمدا لله على سلامتك.............

ثانيا: تنبيه خطيييييييييييييييييييييير

هل تظن أن الله أراد الموت والدمار لهذا العدد الكبير من الضحايا لأنه لم يعد يحميهم أو أنه لا يحبهم؟
لا يا أخى العزيز

الفارق بين من نجا ومن مات أن الأول لم تحن ساعته بعد...
وربما يغبط من نجا من مات يوم القيامة ، فربما مات بعضهم على طاعة كصيام أو ذكر وربما مات بعضهم شهيدا ونموت نحن ميتة أخرى....

نعم لا تخاف .. لأن أقدار الله سائرة بين البشر
فلن يستطيع أحد أن يضرك طالما أراد الله لك النجاة
ولن يستطيع أحد أن ينجيك لو أراد لك العكس
فلم نخاف؟

الشاهد هو: نجاتك تعنى شيئا واحدا: فرصة جديدة للإصلاح ، فرصة جديدة لتعلم ونعلم معك ...

حفظك الله والجميع من كل سوء