الموضوع: لسه شايف الـ SX4...تحفة !! (وائل عطية)

ممكن الواحد يشوفها فين فى وسط اليلد , و شكرا

سؤال بس
هي عاليه كده ليه؟؟؟؟؟وكنزه حبتين من ورا برضه ليه؟؟؟؟ هل ده فيه تأثير على الثبات؟؟؟؟
طيب هي سوزوكي سويفت القديم فيها ملامح متقاربه واللا انا غلطان؟؟؟
طيب المرايات؟؟؟؟ايه ده كل ده؟
انا كان عندي جيب سوزوكي 89 وكانت مراياتها اد مرايات هذه السياره بالضبط
ماعتقدش ان مقدمه السياره مرئيع باي حال من الاحوال
وصغر حجم العربيه عوضوه باللارتفاع بها تماما زي الماتريكس
مش عارف معجبنيش عدادات التابلوه رغم اعجابي بالخامات...والكراسي؟؟مش عارف
انا اللي شوفته ده في ال"مفروض" سيدان اوتوماتيك فول اوبشن وشوفتها عند طارق كارفور-الاسكندريه

على العموم بعد البحث والتمحيص على مواقع النت عرفت ان الشكل كده لان اصلا sx4 كانت كروس اوفر ودي السيدان بتاعتها والمرايات يمكن عشان كده كبيره وتقريبا موتورها هو هو بتاع السويفت 1600 وبتنزل بره في امريكا بموتور 2000 سي سي تصوروا.
كمان عرفت ان فيه نسخه للراليات منها
لكن بيقولو انها الاقل في الياباني وعشان سعرها ممكن تجذب قطاع عريض من الشباب.شكل العربيه حتعمل مبيعات كويسه لكن برضه حجم شنطتها صغير ومش عارف الكراسي بتاعتها بتنطوي ولا لا لكن الاكيد ان النسخه الهاتش باك بتاعتها احسن واعتقد اوسع.
برضه ليه عاليه اوي وكنزه من الخلف؟؟؟؟مش عارف ده يأثر ولا ما يأثرش لكن المعظم اجمع على ان الرؤيه بالنسبه للمقدمه مش قد كده.
الايام هي اللي حتبين اكتر.

شكرا على التوضيخ اخ وائل وانا الصراحه مفتحتش الشنطه بتاعتها لكن كنت بنقل الريفيوهات عنها.
الصراحه العربيه شكلا وامكانيات معديه خالص لكن هو احنا مستنيين نشوف التست درايف بتاعها وبعدها نديها تقييم.
لكن انا شايف العربيات كلها سعرها عمال يعلى ويقرب من بعضه وحاسس في يوم ان حيبقى فيه تسعيره واحده للعربيات وانت تنقي اللي يعجبك وتشيل على طول.وشايف ان كتير بينزلو العربيات كامله زي بره وناقصه حاجه واللا اتنين بالكتير او يغيرو الموتور "تيجي من بره لينا ب مواتير 1600 ايا كان" ويسيبو كل حاجه زي ما هي
وده رغم انو حيخلي العربيات غاليه لكن حتحس بقيمه العربيات وهي مليانه كماليات كده.

لانها ياباني
ولانها تكنولوجيا متطورة جدا
ولان نازل منها الكروس اوفر اللي كسرت الدنيا السنه اللي فاتت بره والسيدان اللي لسه لم تختبر "شكلها بالنسبالي مش عجبني لكن الكروس اوفر احلى"
ولان خاماتها احسن من الكوري
ولان سعرها اقل من اللانسر
انا شايف ان العربيه دي حتاخد مكانه اللانسر "في السوق"
ده رأيي اللي الكل متهيألي حيختلف معاه