الموضوع: الحمد لله استلمت سيريون Glx 1.5!!!

ألف مبروك يا ريس

انا على فكرة طويل زيك و ضخم كمان, يا ترى لما بترجع كرسيك على الاخر اللي قاعد وراك يبقى مزنوق و لا في ليه مساحة معقولة؟

هو التقسيط مع الشركة مباشرة و لا في بنك في النص؟؟؟

بالنسبه لموضوع اني ان كان ممكن أقسطها من التوكيل، انا في الأول كنت هجيب الياريس، فكنت خلصت كل الاجراءات مع كونتاكت، فلما قررت أغير للسيريون محبتش أعيد تاني لفة الورق و الاستعلام و كان الموضوع هيتعطل أسبوع تاني فكملت على نفس الاجراءات في كونتاكت.
بس لو كنت قررت أجيب سيريون من الاول كنت قسطت مع التوكيل مباشرة بدون تردد.

شكرا أستاذ توفيق على ذوقك، و انا اتمنى فعلا أقابل الناس الجميله اللي هنا كلهم.

العربيه كنت مرجع الكرسي على الآخر و في مكان كويس ورا، يعني أخويا تقريبا في نفس طولي و كان قاعد ورايا مستريح!! العربيه فعلا ما شاء الله واسعه جدا من جوه.

بالنسبه للتعامل مع شركة كونتاكت، فالتقسيط بيكون مباشر بينك و بينهم، ملكش أي علاقه بالبنك، و انا سألت ناس معتدله و دارسين اقتصاد اسلامي و اباحولي الموضوع ده و قالو ان طالما تعاملي مباشرة مع الشركه فده لا يمثل شبهة ربا، بغض النظر اذا كانت الشركه تتعامل مع البنك بالربا أو لا، فده بيكون وزر عليهم هما مش عليا انا.
انا العقد بتاعي مكتوب سعر العربيه كذا (باضاقة الفائده) و تقسط على 60 شهر بقسط كذا. و كل التعامل المادي بيني و بين كونتاكت كارز فقط، يعني الموضوع مشابه تمام للتعامل مع توكيل ديهاتسو، اما موضوع انهم مش عندهم العربيات و بيشتروها، فالراجل قاللي ان طالما ده نشاطهم الوحيد (تجارة السيارات) فمفيش مشكله.

و في النهايه أنا لا أفتي،و ده مجرد اقتناع شخصي، والله أعلم.

الف مبروك يا جميل وربنا يعطيك خيرها ويكفيك شرها
علي فكرة انا اسمى (هانى) زيك وحكايتك تشبه حكايتى بشكل كبير لانى كنت بفكر فى سيارات تانية زى الافيو او الاكسنت بس لما نزلت شوفتها وقعدت فيها حسيت بالالفة اللى انت حستها بشكل كبير وبصراحة نمت احلم بيها اليوم ده وطبعا بعد متابعة ليست بكثيرة مع اراء اخوانى هنا فى المنتدى زاد اصرارى علي شرائها واخدت القرار بسرعة رهيبة مع علمى بحداثتها بالسوق ومشاكل قطع الغيار والصيانة واللذى منه بس حبيتها وحبيت فيه التميز انك راكب عربية مش كل الناس ركباها وبجد العربية دى ملفتة للنظر جدا كتير بلاقى الناس حواليه فى الشارع بيبصو عليها وحتى اصدقائي برغم من نصايحهم بعدم الشراء للاسباب السابقة بس دلوقتى غيرو رايهم360درجة
المهم الف مبروك وطمنا علي اخبارك اول باول