الصيف سخونة موتور الفورد خطر، صلح موتورك بنفسك

**molana** · 16-07-2009 12:05 PM

السلام عليكم
سؤال لاهل الخبرة ما هي مميزات وعيوب الفورد اسكورت
وماهي اسعارها الان موديل 99 1300سي سي مش مكيفة وممكن نركبلها تكيف
العربية اللى قدامي الدركسيون بتاعها في قفشة جامدة لما تيجي تركب فيها المفتاح علشان تدور دوة عيب ايه هل هو علبة دركسيون مثلا
سؤال اخر ايهما افضل الفورد اسكورت 99 1300 سي سي ولا الدايو لانوس 99 ولا الاكسنت 1500 سيسي كاملة 99
انا اسف جدا على كتر الاسئلة وارجوا النصيحة والافادة

**aYaBooY** · 16-07-2009 12:16 PM

طبعا الاكسنت او الدايو يعتبرو افضل بكتير من الفورد علشان لما تروح تشتري قطع غيار تشتريها مضروبة و لما تروح تركبهم يطلعو بايزين و لما تمشي بيهم على سرعات عالية العربيتين بيمتازوا بعدم ثبات يجنن

**molana** · 16-07-2009 12:53 PM

طبعا الاكسنت او الدايو يعتبرو افضل بكتير من الفورد علشان لما تروح تشتري قطع غيار تشتريها مضروبة و لما تروح تركبهم يطلعو بايزين و لما تمشي بيهم على سرعات عالية العربيتين بيمتازوا بعدم ثبات يجنن

انا بشكرك على الرد
بس سعرها كام دلوقتي 1300 اسكورت وينفع يتركبلها تكييف لواشتريتها معلش انا محتار جد لان كل الناس اللى حوالى يقلولي ابعد عن الفورد مش عارف ليه رغم انها عجباني

**aYaBooY** · 16-07-2009 12:59 PM

متشتريش عربية و تحاول تغير اي حاجة فيها يعني عاوز تكييف يبقي تدور على عربية فيها تكييف من الفبريكة بتاعتها و كذلك الباور علشان التكييف و الباور لازم يكون محسوب احمالهم و طرق تعويضها ازاي و ده مش هيعرف حد يعملهولك و هو بيركبلك تكييف
موضوع السعر انا مش متابع السوق اوي دلوقتي
موضوع ابعد عن الفورد علشان قطع غيارها غالية و مش اي ميكانيكي بيعرف يصلحها

**tatooo2005** · 16-07-2009 01:06 PM

انا عاوز اعرف حاجتين انا عربيتى فيستا 2000 .. عاوز اعرف ايه اللى بيوضح ان العربيه سخنت .. انا معنديش مؤشر حراره .. ديه حاجه .. الحاجه التانيه ( لما تبقه المروحه بتاعت الريداتير شغاله المفروض انها بتفضل شغاله حتى لو فصلت الكونتاك لحد متبرد صح كده ولا فى العربيه ديه بتفصل ) اصل اللى لاحظته انها فصلت لما بفصل الكونتاك . فهل ده عيب ولا طبيعى ..

**aYaBooY** · 16-07-2009 01:30 PM

المروحة بتفصل مع الكونتاكت زي كل حاجة في العربية تقريبا موضوع الحرارة اعتقد بتكون خانة في العداد الرقمي تقريبا بس هابقي اسالك

**Ahmed Hassan** · 16-07-2009 01:30 PM

مش كل العربيات المروحه بتفضل شغاله بعد فصل الكونتاكت

**Ahmed73** · 16-07-2009 05:59 PM

ayabooyطبعا الاكسنت او الدايو يعتبرو افضل بكتير من الفورد علشان لما تروح تشتري قطع غيار تشتريها مضروبة و لما تروح تركبهم يطلعو بايزين و لما تمشي بيهم على سرعات عالية العربيتين بيمتازوا بعدم ثبات يجنن

وحشنى كلامك الحلو من فترة - انا بادخل المنتدى خمس دقايق واخرج علشان باظبط امورى علشان عايز انزل مصر اجازة الشهر الجاى ان شاء الله -
تعليقك فى منتهى الجمال ضحكنى بصورة لا تتخيلها ، رائع.
وانا معاك الاسكورت عربية زفت وعلشان كده بقالى 5 شهور عايز اغير لفورد فوكاس وخايف لا تطلع اقل من الاسكورت