الصيف سخونة موتور الفورد خطر، صلح موتورك بنفسك

**esloob** · 08-05-2009 11:08 PM

هو ده حل كويس ممكن يناسب أنواع عربيات كتير
بس الفورد بتسخن ومنسوب المياه الخضرا فى القربة على Max
وعلى مستوى الفورد انا بلغت المعلومة بما يردى الله.

**m_s_h_a** · 10-05-2009 08:40 AM

يا جماعه عموما انا عندى فى الفوكاس لو العربيه فضت ميتها العربيه على طول بتبطل اوتوماتيكيا وتقف دى موجود عندى فى الفوكاس ودى ميزه متلقيهاش فى عربيات تانيه كتير ودى بيحمى عربيتك من قصة جوان وش السلندر الفاشله

**esloob** · 10-05-2009 11:37 PM

الميزة دى فورد كانت عملاها من زمان فى المونديو الجيا، ان المياه لما تقل تنور لمبة فى التابلوه
فعلا صدق اللى قال انها عربية بشوات فعلاً

**aYaBooY** · 11-05-2009 10:43 AM

طبعا الفورد عربية بشوات
و مينفعش يركبها غير حد بيفهم و بيقدر يعني ايه متعة السواقة
و موضوع المياه الي كان اخ قال عليه انه يزود مياه في القربة ده مينفعش مع نظام التبريد في الفورد
يعني ممكن تكون القربة على الماكس و العربية تسخن و في الحالة ديه بيكون فيه مشكلة في دورة التبريد و بالتالي لازم تبطل العربية
و تسيبها تبرد و مش هاتاخد اكتر من 10 دقائق و تقدر تمشي بيها لحد اقرب مكان صيانةو برده لو المياه زادت في القربة ده يخلي العربية تسخن جامد
علشان تبريد الفورد بيعتمد على دورة مغلقة للمياه و الهواء و المروحة بتشتغل متاخر عموما بس العربية مش بتوصل للمؤشر الاحمر

**theoldwiseking** · 17-05-2009 03:02 PM

السلام عليكم

عندى عربية فورد ايسكورت 1300 موديل 98، العربية ماشية تمام والموتور كوبس أوي ومش بتسخن خالص. أو ما أشغل التكييف فى وقت الظهر تبتدى العربية تسخن والحرارة تعلى !!!!

غيرت المية وحطيت ميه زرقاء برضة مافيش فايدة، نظفت الرادياتير برضة مش عارف ايه السبب !!!!

رحت لواحد بتاع تكييف فى الحرفيين قاس لى الضغط فى دورة التكييف، قاللى الدورة فيها سدد عامل ضغوط عاليه فى دورة التكييف ولازم الفلتر والايكسبينسيف لازم يتغيرو والدورة تتغسل وتتسلك

واحد تانى قاللى الدورة مش مسدودة ولو كانت مسدودة مش هيجيلك تبريد، العربية فعلاً فيها تبريد بس بتسخن !!!

مش عارف اعمل ايه؟؟؟؟؟

**esloob** · 18-05-2009 10:39 PM

طبيعى الفورد فى الحر تسخن لانها مواصفات أوروبى بس المهم ان الحرارة ماتزيدش عن بعد النص

**wal** · 19-05-2009 12:58 PM

هل الفوكاس الجديدة بتسخن فى الصيف والحرارة الشديدة ولا الكلام دا مبقاش موجود فى الموديلات الجديدة

**aYaBooY** · 19-05-2009 02:05 PM

المشاركة الأصلية كتبت بواسطة theoldwiseking

السلام عليكم

عندى عربية فورد ايسكورت 1300 موديل 98، العربية ماشية تمام والموتور كوبس أوي ومش بتسخن خالص. أو ما أشغل التكييف فى وقت الظهر تبتدى العربية تسخن والحرارة تعلى !!!!

غيرت المية وحطيت ميه زرقاء برضة مافيش فايدة، نظفت الرادياتير برضة مش عارف ايه السبب !!!!

رحت لواحد بتاع تكييف فى الحرفيين قاس لى الضغط فى دورة التكييف، قاللى الدورة فيها سدد عامل ضغوط عاليه فى دورة التكييف ولازم الفلتر والايكسبينسيف لازم يتغيرو والدورة تتغسل وتتسلك

واحد تانى قاللى الدورة مش مسدودة ولو كانت مسدودة مش هيجيلك تبريد، العربية فعلاً فيها تبريد بس بتسخن !!!

مش عارف اعمل ايه؟؟؟؟؟

المفروض يكون فيه اتنين مروحة علي الريدياتير و السربنتينة بتاعت التكييف
و فيه عربيات بيكون فيها مروحة واحدة بتشتغل سرعتين سرعة عادية للموتور و سرعة اعلى
لما التكييف يشتغل انت من الواضح ان مشكلة السخونة عندك بتحصل لما تشتغل التكييف بس
يبقي انت محتاج تشوف العربية عندك مروحة ولا اتنين و هل بيشتغلوا كويس الاول ولا لا
و لو مش شغالين المراوح في الفورد بيتغيرلها موتور لو اتحرق و ممكن يكون سلك محروق هوا الي معطلها
و انشاء الله تكون حاجة بسيطة

**tatooo2005** · 13-07-2009 02:09 PM

طيب ديه بتتباع منين وبكام واعملها فين ... وهوه المقص بيجى بالجلب ولا اجيب الجلب لوحدها ..

**Ahmed Hassan** · 13-07-2009 02:42 PM

المشاركة الأصلية كتبت بواسطة memo91178

انا معاك في كلامك الترموستات دة علشان يسخن العربية بسرعة واهميتة في فصل الشتاء اكتر علشان كدة لو لحظتو انة في العربيت الجديدة اوي مابتحتجش تتسخن مدة طويلة وفي ناس بتقول فيها نظام تسخيين اتوماتيك بس دة علشان الترموستات دة راكب في العربية ولسة جديد وشغال كويس لاكن لو عايز نصحتي هو مالوش لزمة قوي ياما كل فترة تغييرة مع عملية غسيل دورية لدورة المياة علشان مايعملكش مشاكل وخلي بالكوان دورة الغسيل دية مش للريداتير ولكن لدورة مياة المتور ودة لازم يتفككلة وش السيلندر و يتم الغسيل وتستخدم مية مقطرة في العربية او المية الخضراء او الحمراء او الزرقاء او اقتراح تستخدم مياة من فلتر بس بشرط يكون خمس مراحل علشان درجة نقاء المياة يكون عالي بس لازم تحت معها مانع للصداء

بصراحه اول مره اسمع عن التنضيف اللي بيتفكله وش السلندر ده!! و كمان بيتحطله ميه فلتر!! يا باشا الكلام ده مش معقول طبعا.

الترموستات مش بس علشان وقت التسخين الصبح. ده علشان يحافظ على درجه حراره الموتور في مدى حراره التشغيل. يعني مثلا لو ماشي على طريق سريه و الهواء ضارب في الريداتير درجه الحراره هتنزل جامد لو مفيش ترموستات. لو الحراره نزلت زياده العربيه تستهلك بنزين اكتر و سحبها يقل