تحسن أداء الانسر بعد 8000 كيلو !!!

**إسلام شاهين** · 18-10-2007 10:33 PM

مش لدرجة ال 100 ألف يا حاتم هو حازم يقصد إن العربية كل لما بتستعمل بعد الزيرو كلما لما أدائها بيتحسن للحاجات اللذي ذكروها بس مش لدرجة ال 100 ألف تبقى ساعتها أحسن من الزيرو .

يعني مثلا أنا آسف على التشبيه لما تشتري حذاء جديد وتكون لسه بتلين بيه في رجلك بتبقى ماشي على مهلك علشان رجليك ماتتعورش وبعد فترة بيكون بقى مناسب عليك تماما وبتمشي بيه مرتاح وتجري كمان لكن أكيد بعد فترة هيكون استهلك جدا ومحتاج غيره .

فهمتني ؟

**اسلام المصرى** · 19-10-2007 02:13 PM

أنا داخل على ال20 ألف (19685) و أقدر اقول أن سحب العربية أفضل لما كانت عاملة 10 الاف و أفضل من لما كانت 15 الف , التسارع أفضل و السحب أحسن , بالبلدى كده: العربية فايقة , الحمد لله. طبعا علشان العربية تفضل أدائها كويس لازم صيانتها أول بأول و الحفاظ على تغيير الزيت و الفلتر فى ميعاده والكشف على مستوى جميع السوائل كل فترة , و عمل الصيانة الدورية فى ميعادها.