الموضوع: هم يبكى وهم يضحك

المشاركة الأصلية كتبت بواسطة Ahmed Samy

هو أنا عندي استفسار

فين المشكلة ؟؟

واحد معاه فلوس
و بيصرف منها على بيته لنفسه

بس بجد أنا عجبنى ان فيه سيستم بيعمل الحاجات دي

علشان لو ربنا كرمني ...هاركبه

حضر فواتيرك يا كيمو

وبلغ المدير الإقليمي أن أبو السماسم "بيه" هايكلمه الساعة واحدة بالليل بعد 12 سنة

لو من فلوسه هو ربنا يبارك له

أما لو الفلوس من دم الغلابة ربنا ينتقم منه

بغض النظر عن "العزيز" اللى اشترى الحاجات دى وبغض النظر عن مصدر فلوسه واللى مايخصناش وحتى مانقدرش نتأكد من حرمانيته، انا باستأذنكوا نبص للموضوع من زاوية تانية

انا شايف ان المسأله نسبيه تماما، لو الواحد دور هاتلاقى ان الشوكولاتات اللى بتجيبها لابنك او فسحته فى الملاهى تعتبر بذخ بالنسبة لواحد مش لاقى ياكل ماشى جنبك..... عزومتك لمراتك (فى فرايدايز حتى) تعتبر بذخ لاتنين مخطوبين بقالهم 3 سنين وبيحاولوا يشتروا عفشهم ....والاسبويلر اللى بتركبة يعتبر بذخ لواحد مش قادر يسمكر عربيته .... والعربية الهاى لاين (ايا كانت) اللى تدفع فيها 10000 زيادة علشان فتحة سقف تعتبر بذخ بالنسبه لواحد يادوبك معاه تمن الفئة المانيوال .... العربية البى ام الفئة السابعه بذخ لصاحب العربية اللانسر (مثلا يعنى) ...شقتك على النيل تعتبر بذخ لواحد جايب شقة فى اسكان الشباب .... فيلتك فى التجمع تعتبر بذخ لواحد صاحب شقة قديمة على النيل ........ وهكذا دواليب !!!!

القصد من كل ده ايه ... امتى الواحد يحس بالبذخ، لما يحس ان التصرف خرج من اطاره الطبيعى او الكافى .... طيب ايه هو اصلا الطبيعى او الكافى .... ماهو ده يختلف من واحد للتانى ... كل واحد منا راكب عربية لن تقل مثلا عن 40000 فى حين ان آلاف من الناس مش لاقية 200 جنيه ياكلوا هما وولادهم لمده شهر وهايقولوا علينا نفس الكلام ده بصورة او بأخرى (وباسمع بودانى واكيد كلكوا سمعتوا)

لما يكون معايا 4 او 5 مليار وصرفت على فيلتى ولا قصرى 30 مليون مش ده شبه "شوية" لما يكون معايا 150000 وصرفت على عربيتى "ترويش" 10000؟او حتى شوية توضيب وتغيير السيراميك وللا الرخام فى شقتى؟ .... مابنعملش كده؟ .... لو بنسبة وتناسب هاتلاقيها هى هى ...

ارجو ان نقطتى تكون وضحت

ههههههههههههههه ناس معاها فلوس حقها تعيش بقى انتوا متغظين ليه ههههههههه

أستاذ كريم / ممكن تقوله يشغلنى عنده حتى سلكه كهربا للمبة اللى مش بتنور دى وقوله مش هاخد كتير يادوب 8000 يورو بس فى الأسبوع
يا عينى على الـعز - اللهم لا حسد
صحيح يا ولاد
هم يضحك - و هم يبكي- و هم بورجر - و هم يا جمل

انا ممكن اشتغل ب 4000
انا برده بشوف حجات كده بتيجي من بره بحس انها منتهي السفه

يا عينى على الـعز - اللهم لا حسد
صحيح يا ولاد
هم يضحك - و هم يبكي- و هم بورجر - و هم يا جمل

بغض النظر عن "العزيز" اللى اشترى الحاجات دى وبغض النظر عن مصدر فلوسه واللى مايخصناش وحتى مانقدرش نتأكد من حرمانيته، انا باستأذنكوا نبص للموضوع من زاوية تانية

انا شايف ان المسأله نسبيه تماما، لو الواحد دور هاتلاقى ان الشوكولاتات اللى بتجيبها لابنك او فسحته فى الملاهى تعتبر بذخ بالنسبة لواحد مش لاقى ياكل ماشى جنبك..... عزومتك لمراتك (فى فرايدايز حتى) تعتبر بذخ لاتنين مخطوبين بقالهم 3 سنين وبيحاولوا يشتروا عفشهم ....والاسبويلر اللى بتركبة يعتبر بذخ لواحد مش قادر يسمكر عربيته .... والعربية الهاى لاين (ايا كانت) اللى تدفع فيها 10000 زيادة علشان فتحة سقف تعتبر بذخ بالنسبه لواحد يادوبك معاه تمن الفئة المانيوال .... العربية البى ام الفئة السابعه بذخ لصاحب العربية اللانسر (مثلا يعنى) ...شقتك على النيل تعتبر بذخ لواحد جايب شقة فى اسكان الشباب .... فيلتك فى التجمع تعتبر بذخ لواحد صاحب شقة قديمة على النيل ........ وهكذا دواليب !!!!

القصد من كل ده ايه ... امتى الواحد يحس بالبذخ، لما يحس ان التصرف خرج من اطاره الطبيعى او الكافى .... طيب ايه هو اصلا الطبيعى او الكافى .... ماهو ده يختلف من واحد للتانى ... كل واحد منا راكب عربية لن تقل مثلا عن 40000 فى حين ان آلاف من الناس مش لاقية 200 جنيه ياكلوا هما وولادهم لمده شهر وهايقولوا علينا نفس الكلام ده بصورة او بأخرى (وباسمع بودانى واكيد كلكوا سمعتوا)

لما يكون معايا 4 او 5 مليار وصرفت على فيلتى ولا قصرى 30 مليون مش ده شبه "شوية" لما يكون معايا 150000 وصرفت على عربيتى "ترويش" 10000؟او حتى شوية توضيب وتغيير السيراميك وللا الرخام فى شقتى؟ .... مابنعملش كده؟ .... لو بنسبة وتناسب هاتلاقيها هى هى ...

ارجو ان نقطتى تكون وضحت

الله ينور
هو دا اللي كنت عايز اوضحه بالضبط