السلام عليكم و رحمة الله و بركاته . أنا بصراحه متابع المنتدى بقالى كتير و بصراحه من المنتديات الجميله اللى فادتنى بمعلومتها فى العربيات فربنا يباركلكوا. بالنسبه لموضوعى أنا عندى عربيه تريوس 2x4 موديل 2008 و هى اتوماتيك بصراحه سحبها مش عاجبنى خالص حاسس انها بطه فى الطريق و لما بحاول اديها بنزين عشان تجرى بتاخد وقت طويل اوى فى التجميع و صوت موتورها يعلى جدا فمش عارف ليه كده بصراحه و حاجه تانيه برده بحس انها بتجيب 120 بصعوبه جدا و بتاخد وقت طويل على ما تمشى على ال 120 دول و مجهود اكبر لما توصل ل 140 اما اكتر من كده فصعب اوى انها تجيبوا. طبعا ده غير كمان لو فاتح التكييف بحس انى عمال بحرق فى الموتور مش بدوس على دواسة عربيه عشان تمشى. انا حاسس ان مشكلة العربيه ديه مشكله فرديه و فى عربيتى بس.بس مش قادر احدد ايه السبب مع العلم انى بعمل الصيانه فى مواعيدها و فى التوكيل و موددتهاش فى اى حته بره الصيانه. يا ريت يا جماعه اللى عندوا تفسير او نصيحه يقولهالى لأنى هبتدى اكره العربيه و افكر فى واحده تانيه:k30:. معلش انا طولت عليكوا و شكرا جزيلا للأهتمام.