الموضوع: تغطية مقابلة "دايو" لشهر مايو

المشاركة الأصلية كتبت بواسطة pop3

الشليهات كتير ياباشا بس إحنا نتفق و أربط على واحد وتقضي اليوم كله هناك ان شاء الله.

نحاول تكون المقابلة في أول الشهر (مقابلة شهر يونيو) علشان الناس تكون قبضت و معاها فلوس لسه

المشاركة الأصلية كتبت بواسطة SE_coralsea

تعبك راحة ياباشا الصور أتبعتت خلاص

تســـلم ايدك يا سمير باشاااااا

المشاركة الأصلية كتبت بواسطة zocor742

ازيكم يا جماعة اخيرا اتفرجت على الصور الصراحة الصور رائعة الواحد من زمان كان نفسة يعرفكم اكتر عليكم
بس الصور صغيرة لية كدة
ياريت يا جماعة نبقوا تفكروا فى مقابلة فى الاسكندرية عشان نتعرف على بعض اكتر

ياباشاا اهلا بكل اهل اسكندريه وان شاء الله نعمل مقابله في الصيف

عندكم علشان هايبقي ناس كتير في الساحل واسكندريه في الصيف نظبتها ونتقابل ان شاء الله

المشاركة الأصلية كتبت بواسطة abzoabzo

يا كــــــــــــــــــــــــ ـــــــــــودك يا وعـــــــــــــــــــــــ ــــــــــــــــــــــش

طلعت كداب يا ابظبظ ؟؟؟ اذا فهى الحرب

المشاركة الأصلية كتبت بواسطة SE_coralsea

نحاول تكون المقابلة في أول الشهر (مقابلة شهر يونيو) علشان الناس تكون قبضت و معاها فلوس لسه

ايوه كده يا رجاله اهم حاجه بعد القبض علشان الواحد يبقي طالع مستريح

الف مبروك سمير و ايهاب

المشاركة الأصلية كتبت بواسطة SE_coralsea

نحاول تكون المقابلة في أول الشهر (مقابلة شهر يونيو) علشان الناس تكون قبضت و معاها فلوس لسه

هو ده الكلام ياباشمهندس

المشاركة الأصلية كتبت بواسطة kimo-nubira

ربنا يبارلك فيها يا حسام وتبقي زي ما انت عايز ان شاء الله بس حاول تشوفلك ودنين استيراد بالكاوتش بتعهم من دلوقتي

:POINTI~2[2]::POINTI~2[2]::POINTI~2[2]:

ياباشا الودان ديه مستهلكات مينفعش فيها استيراد

ابو الحسن والمنير عندهم الأصلى GM تركبهم وتنسى

:

المشاركة الأصلية كتبت بواسطة SE_coralsea

السلام عليكم أخواني الكرام...
بداية أود أن أوجه الشكر لكل السادة الاعضاء الذين حضروا هذا اللقاء الممتع , و أليكم الاسماء:
1- الاستاذ/ محمد نصر
2- الاستاذ/ حسام (كوداك)
3- المهندس/ شريف محمد
4- الاستاذ/ مصطفي SWIMMER
5- الاستاذ/ هاني razini 89
6- كيمو نوبيرا
7- الدكتور/ أحمد سامي AMSAMS
8- م/سمير الشهاوي

بدأت المقابلة بتوافد السادة الاعضاء بعد صلاة الظهر مباشرة علي كافيتريا "فتافيت" بالمقطم و أكتمل العدد علي حوالي الساعة الثالثة عصرا حيث دار نقاش و حديث طويل في أمور المنتدي و السيارات و بالاخص الدايو (لانوس - نوبيرا), و قد أتفقت أراء السادة الحضور علي مايلي:
1- البنود الاولية لميثاق الشرف (سيتم تناولها بالتفصيل في الموضوع المثبت)
2- عرض (حسام - كوداك) فكرة شراء "سكانر" لفحص السيارات الدايو الخاصة بأعضاء المنتدي و سيتم مناقشتها بالتفصيل و دراستها فيما بعد من خلال موضوع يفتحه العضو الفاضل (حسام - كوداك)
3- التجهيز للمقابلة القادمة علي أن يكون مكانها خارج القاهرة و هي مفاجأة لكل أعضاء دايو

.... تجربة سيارات الاعضاء:
1- تمت تجربة سيارة "كيمو - نوبيرا" (سيارة نوبيرا) لاختبار المساعدين من نوع"مونرو"
2- تجربة سيارة الاخ "مصطفي" (لانوس 2008) من قبل المهندس/ شريف

تم بعد ذلك ألتقاط الصور التذكارية للاعضاء الحضور و سياراتهم و سأقوم برفعها قريبا

- خبر1: الاستاذ / ايهاب صاحب موضوع المقابلة لم يحضر و السبب أنه رزق بالامس بمولودة , فألف مبروك يا أبو "مريم"

- خبر2 : يبدو أن لقاء المنتدي كان وشه حلو علي الاعضاء , و أنا منهم , فبعد لقاء المنتدي و أثناء ركن سيارتي تحت البيت أذا بزوجتي تتصل لتخبرني بأن ألام الولادة قد بدأت و فعلا رزقنا و الحمد لله منذ ساعات قليلة بمولودة جميلة و هذا هو سبب تأخري في الكتابة حيث جئت من المستشفي منذ قليل

ألف شكر لكل من حضروا فعلا كان لقاء ممتع و ناس زي الفل و غاية في الاحترام و أتمني تكرار الفرصة و حضور المزيد من الاعضاء

مع خالص تمنياتي بدوام التوفيق و النجاح لمنتدانا
م / سمير الشهاوي

الف مبروك يا استاذ علي المولود الجديد ومبروك يا ابو مريم
كان نفسي اكون معاكوا بس والله انا حاليا شغلي في الاسكندرية ومش عارف اجي القاهرة ونفسي اكون معاكوا في المقابلة الجاية وعايز اعرف اقدر اجيب الاستيكر منين