لانوس 2 مو 2001 دخنه سوده وسعات بيضه ..... حد يقولى هو فى ايه فى العربيه

**bravehorse** · 08-05-2009 03:20 PM

السلام عليكم
انا عربيتى لانوس تو 2001 لما باجى ادورها الصبح بحس ان الموتور بيقطع ومبينظبتش الا لما يسخن ولو مشيت بيها من غير ما سخنها العربيه تنتف معايا لحد ما الماتور يسخن تنظبت ........ مع العلم انى لسه مغير بوجيهات وسلوك البوجيهات وبعمل الصيانه بتاعتها ذى الكتالوج وفاضل على الصيانه الجايه حوالى 3000 كم وهمل صيانة 120000 كم ,,,, والموضوع ده بقالو كتير عندى لحد ما فو جئت بواحد صحبى بيقولى العربيه لما بتيجي تدورها بطلع دخنه سوده ......... انا لحظت كمان ان لما باجى الصبح ادور العربيه أو لما بدورها بعد بفترة من الركنه ان فى دخنه بيضه بتطلع لما بدوس جامد على البنزين .............. سألت الميكانيكى بتاعى قالى ممكن يكون الانجيكشن أو البوجيهات .......... بصراحه انا خايف تكون حاجه خطيرة ..... حد ممكن يقولى هى العربيه بتعمل كدا ليه عشان لما اروح للميكانيكى اكون فاهم ولكم جزير الشكر يا أصحاب هذا المنتدى الرائع

**samirayad** · 08-05-2009 04:49 PM

لا هو الخلل كده بيشير للرشاشات ( بدأت تليك أو تسيل ).......
_ علشان لما بتبقى لسه مغير بوجيهات ( البوجيهات بتتغلب على عيب الرشاشات )........
_ أنما بعد أسبوع وخلافه ....بتكون البوجيهات هببت ....وكفاءتها بتبدأ تقل شويه عن الأول ......وكده عيب الرشاشات بيبدأ يظهر .....مع تلوث البو جيهات ........
_ ودلوقتى أنصح بعمل أختبار تلييك للرشاشات .......وياريت بالمره تعمل أختبار برضه لقوة الشراره اللى رايحه من البوبينا للبوجيهات ( أهم شىء يكونوا الأربعه فى قوة بعض ).........
_ والعيب فى الغالب حاجه من الأثنين ...............شراره ضعيفه على أحد مخارج البوبينا........أو رشاشات عاوزه تتغير ......

ده كوبى ....من آخر رد ليا على حضرتك فى قسم الورشه .......يمكن يفيد

**samirayad** · 08-05-2009 05:04 PM

وده رابط نفس الموضوع فى قسم الورشه...................

https://www.nilemotors.net/Nile/74277-2-2001-a.html

**bravehorse** · 08-05-2009 05:38 PM

شكرا يا بشمهندس انا فعلا كنت عامل كوبى للموضوع فى رابطة اللانوس

**samirayad** · 08-05-2009 06:44 PM

المشاركة الأصلية كتبت بواسطة bravehorse

شكرا يا بشمهندس انا فعلا كنت عامل كوبى للموضوع فى رابطة اللانوس

ياباشا ربنا يوفقك .....وأحنا متابعين معاك لو وجد جديد.....وأن شاء الله خيرا

**zocor742** · 08-05-2009 11:23 PM

انا كان عندى دخنة سودا اول لما بدور بس كان فية ريحة بنزين نية بس مكنش بيكون فية عادم زيادة وانا ماشى بالعربية وطلع العيب ان كان فية تاكية مش شغال ولما اتظبت بقى العادم طبيعى جدا
انا مش عارف الموضوع الى عندك يطابق الموضوع الى كان عندى ولا لأ بس قولت اقولك سبب من اسباب الدخنة السودا
والله اعلم ممكن يكون فى حاجة تانية وان شاء الله بسيطة