الموضوع: ركبت كاسيت وسماعات ... سيريون وان

اخبار الضمان ايه ، انا سالت فى التوكيل قالو انك لو ركبت الكاسيت او اى اضافات للسيارة خارج التوكيل تخسر الضمان بتاع الكهرباء

على فكرة نسيت اقدم نفسى، انا سيريونى بقالى 4 شهور معايا ال وان وعملت بيها لحد دلوقت 5500كم ، والعربية زى الفل طبعا فى حدود ال سى سى بتاعها، وانا فى مشكة الكاسيت دى لانى خايف اركبه برة التوكيل يعمللى مشكلة مع ضمان العربية زى ما قالولى فى التوكيل وكمان الكاسيتات اللى فى التوكيل غالية ومش اد كده

الاخ العزيز . MIZOMONI
يا ترى اخبار السيريون وان معاك بعد 5000 كم لحد دلوقتى ؟
يعنى السحب معاك و انت معاك ناس فى العربية يعنى 4 افراد ؟
و اخبار التكييف معاك ايه ؟؟؟ يعنى اخباره ايه فى السحب و كده لو معاك حد فى العربية ؟
و بالنسبة لصوت الموتور ؟؟؟ عشان فى ناس قالت انه ممكن يكون صوته عالى عشان 3 سلندر ؟؟؟؟؟؟؟ظ يا ترى ايه راى حضرتك فى الموضوع ده ؟؟؟؟؟؟؟؟
و ياترى سافرت بيها قبل كده ؟؟؟؟يعنى مشوار حلو كده ؟؟؟؟؟ وكان ايه الاخبار ؟؟؟؟؟؟
و بالنسبة لاستهلاك البزين معاك عامل ايه ؟؟؟؟؟ و يا ترى بتحط بنزين كام ؟؟؟؟؟؟؟
معلش لو ازعجتك باسئلتى .........بس انا معجب جدا بالسيريون وان و ناوى عليها ان شاء الله على شهر 8 او 9 .....
و ياريت لو تقبل صداقتى .....

استاذ ى العزيز، يشرفنى طبع صداقتك وانا شيف ان كل الناس المشاركين بسم الله ما شاء الله حاجة تشرف، انا اسمى معتز النجار وبعمل فى مجال الوراقبة الجوية بمطار القاهرة .
عموما بخصوص اسئلتك:
- سحب العربية كويس جدا واحسن بكتير من موديلات اعلى فى ال cc و افتكر انه اتاثر حاجة بسيطة لما كا معايا 4 افراد + السائق بس الاوزان ما اخبيش عليك كانت جامجة اوى (متوسط 90 كجم للفرد)
- التكييف لسه يدوبك مجربه من يومين وهو كويس جدا ولم يؤثر على السحب اطلاقا
- بالنسبة لصوت الموتور هو فعلا عالى شوية خصوصا وانت فاتح الشبابيك ( حاسس ان كمان صوت الهواء حتى لو كانت فتحة الشباك معقولة برده عالى)
- فعلا سافرت بيها الى العين السخنة وهى مريحة جدا جدا فى السفر و المشوار كان فعلا لذيذ
- بالنسبة للبنزين علشان كل مشاويرى طوالى وعلى الطريق الدايرى (التجمع الخامس الى المطار ) وانا دايما براعى موضوع البنزين ده فمتوسط استهلاك العربية بدقة شديدة تراوح بين اقل مرة 425 واعلى مرة 455 كم فى الصفيحة وانا بحط بنزين 92
ويا سيدى ما فيش ازعاج ولا حاجة و اتمنى دايما اسمع منك