ركبت كاسيت وسماعات ... سيريون وان

**Islam Amer** · 13-05-2009 03:31 PM

الف مليون مبروك
على الكاسيت و السماعات

**mizomoni** · 13-05-2009 05:35 PM

المشاركة الأصلية كتبت بواسطة Youssef_Mostafa

استاذ معتز انا بجد مبسوط اوي

اني لاقيت حد معاه سيريون وان وعامل كيلومتر عالي شوية

كان عندي كام سؤال كده بعد اذن حضرتك

1-قريت علي منتدي اجنبي ان التكييف مش اوي وبياخد وقت عقبال ميسقع العربية ايه راي حضرتك في الكلام ده ؟

2- هل عند حضرتك مشكلة علبة الدركسيون المعتادة في السيريون

3-اخبار الاداء مع بنزين 92 لان حصلت مناقشة حول موضوع البنزين وتفاوت الاراء بين ال 92 وال 95 للسيريون وان

اسف جدا علي الاطالة
اخوك يوسف

بخصوص مجموعة الاسئلة:
1- التكييف لحد دلوقتى زى الفل بس لاحظ ان الجو لسه ما بقاش حر اوى يعنى فى الجو ده وعلى الدرجة الثانية التكييف ممتاز
2- مش حاسس باى مشكلة فى علبة الدركسين وانا كنت قريت التعليقات عليها قبل كدة على المنتدى ولكن انا شايف ان ما فيش اى مشكلة فيها
2- موضوع البنزين العربية سحبها وادائها مع ال 92 ممتاز ، بس كان فى مشكلة مع بداية التحرك بالسيارة كنت تحس انك لازم تدوس بنزين اكتر من اللازم
علشان العربية تتحرك وانا كنت فاكر ان اموضوع ده من البنزين بس لما رحت صيانة ال 5000 قلتلهم على المشكلة دى وهم ظبطوها ودلوقتى العربية عادى جدا و ما فيش اى مشكلة فيها

احب اقوللك ان العربية مقنعة جدا ومميزاتها عديدة بس المشكلة اللى فيها من وجهة نظرى انها لسة لم تنتشر يعنى عددها قليل جدا فى السوق وانا مش عارف هى هاتنتشر وللا .
اخوك معتز

**BlueFlower** · 13-05-2009 06:22 PM

السلام عليكم ....

اسف على التأخير بس كنت مشغول شوية ....

اخى momom ، شكرا على مرورك :)

اخى abohalmos ، الله يبارك فيك ، حاضر انا ان شاء الله هاطمنك على التكييف

لما ابدأ اشغله ، هانت انا عملت دلوقتى 820 كم .... بالنسبة للسحب

وانا محمل ، برضه لسه مجتش فرصة اجرب ...

اخى bmw323 ، الله يبارك فيك يا باشا وشكرا على مرورك ،الكاسيت لوحده

عامل 1130 جنيه ، اما الموديل فهو FH-P6050UB .... واسف على التاخير فى

الرد .

اخى Youssef_Mostafa ، الله يبارك فيك يا غالى ، انا شفت الموضوع بتاع

الاستاذ هيثم ، وفعلا الكاسيت هو بالضبط :) ... وفعلا الframe عنده

حوالين الكاسيت افضل ، الغريبة ان التابلوه عندى انا فضى وعنده هو اسود ...

يا ريت يقولنا عمل ايه بالضبط ...

اخى NaviGator_13 ، الف شكر يا باشا ، الموديل تم ذكره اعلاه ....

اخى medo_sirion ، شكرا يا باشا على مرورك ، وعلى المعلومة ....

اخى mizomoni ، بالنسبة للضمان ، اعتقد كده ضفيرة الكهرباء خرجت من

الضمان ، اصلا الراجل وهو بيركب الكاسيت ، انا اعصابى باظت ، يعنى قطع

ووصل فيها ، حقهم بقى انها تخرج من الضمان :)

وانا مبسوط انك وصلت ل 5500 والعربيه كويسه معاك ، يا رب دايما ....

اخى totaman ،الله يبارك فيك والف شكر ....

**SeMo_SiRiOnY** · 14-05-2009 05:42 AM

الف مبروك ياباشا علي الكاسيت
ربنا يباركلك فية

**معاذ الشرباصى** · 15-05-2009 12:15 AM

مبروك عليك الكاسيت الجديد يا باشا

ربنا يبارك لك فيه

المشاركة الأصلية كتبت بواسطة Youssef_Mostafa

استاذ معتز انا بجد مبسوط اوي

اني لاقيت حد معاه سيريون وان وعامل كيلومتر عالي شوية

2- هل عند حضرتك مشكلة علبة الدركسيون المعتادة في السيريون

يوسف باشا

علبة الدركسيون على الاقل فى الربع الاخير من 2008 و موديلات 2009 بتنزل متعدلة, و مظهرش فيها الصوت الحمد لله حتى الان.

**YoussefMostafa** · 16-05-2009 12:08 AM

بخصوص مجموعة الاسئلة:
1- التكييف لحد دلوقتى زى الفل بس لاحظ ان الجو لسه ما بقاش حر اوى يعنى فى الجو ده وعلى الدرجة الثانية التكييف ممتاز
2- مش حاسس باى مشكلة فى علبة الدركسين وانا كنت قريت التعليقات عليها قبل كدة على المنتدى ولكن انا شايف ان ما فيش اى مشكلة فيها
2- موضوع البنزين العربية سحبها وادائها مع ال 92 ممتاز ، بس كان فى مشكلة مع بداية التحرك بالسيارة كنت تحس انك لازم تدوس بنزين اكتر من اللازم
علشان العربية تتحرك وانا كنت فاكر ان اموضوع ده من البنزين بس لما رحت صيانة ال 5000 قلتلهم على المشكلة دى وهم ظبطوها ودلوقتى العربية عادى جدا و ما فيش اى مشكلة فيها

احب اقوللك ان العربية مقنعة جدا ومميزاتها عديدة بس المشكلة اللى فيها من وجهة نظرى انها لسة لم تنتشر يعنى عددها قليل جدا فى السوق وانا مش عارف هى هاتنتشر وللا .
اخوك معتز

استاذ معتز
شكرا ليك يا باشا علي المعلومات الجميلة ده وربنا يباركلك في عربيتك وتفضل علي طول مبسوط بيها

المشاركة الأصلية كتبت بواسطة معاذ الشرباصى

مبروك عليك الكاسيت الجديد يا باشا

ربنا يبارك لك فيه

يوسف باشا

علبة الدركسيون على الاقل فى الربع الاخير من 2008 و موديلات 2009 بتنزل متعدلة, و مظهرش فيها الصوت الحمد لله حتى الان.

دكتور معاذ شكرا ليك علي اهتمامك وبجد طمنتني

**nav man** · 16-05-2009 10:00 AM

معتز الف مبروك.انت شغال في الtower or approch or garound>شكلنا هنطلع زميل.

**Haitham10** · 16-05-2009 02:12 PM

الف مبروك علي الكاسيت شكله تحفة اوي ربنا يباركلك فيه وفي العربيه الجميلة دى
بس هو مينفعش يتركب في التوكيل عشان متخرجش من الضمان ؟ .. والكاسيت بتاعها زي الي في توقيع احد الاخوة الي بنفس شكل التابلوه .. مينفعش تشتريه لوحده من التوكيل ويتركب وسعره كام لان شكله بصراحه جزء من التابلوه
بالنسبة للسماعات طبعا حضرتك وزعتها في الاربع ابواب صح ؟