اسئلة عن الجين 2

**khpopo** · 10-05-2009 08:11 PM

التوكيل فى تطور ولضيق المكان ومبيعات العربية الكتيرة عليهم ....قريبا جداا المركز الجديد هيكون قادر على استيعاب اعداد اكتر لكن الضمان عندهم حقيقى بيغير اى حاجة فى الضمان بدون تكلفة ولا تكلفة مصنعية زى توكيلات اخرى تغير فى الضمان وتحسب مصنعية ...كمان غبور سىء وعن تجربة والكل عارف كدة
ربنا يوفق

**zizotheking** · 11-05-2009 03:22 AM

المشاركة الأصلية كتبت بواسطة momenhamdy

[/right]

اهلاً بيك يا استاذ سعيد
انا حقولك علي حاجة ادخل علي منتدي
الاوبترا - الصني - الانسر
و شوف معدل الاستهلاك داخل المدينه اد ايه
لو لاقيت ان داخل المدينه العربيه بتعمل اكتر من 200 ال 240 كم داخل البلد اقول الي حضرتك عاوزه

معادا التويوتا الكورولا و الياريس لان التكونولوجيا الموتور مختلفه و هي ال Dual VVTI الي موجوده في الكورولا و طبعاً بتوفر اكتر من اي عربيه اخري في نفس الفئه

و تقبل تحياتي

اهلاً بيك معانا يا باشا

اولاً مع احترامي لرأي حضرتك مفيش اي حد اشتكي من موتور العربيه

ثانياً بالنسبه للبطارية مفيش عربيه البطاريه بتاعتها سايله بتعمر اكتر من سنة و نصف
و المشاركه الي حضرتك شفتها دي البطارية فصلت بعد 14 شهر و متنساش ان العربيه دي كانت مركونه فتره طويله و اكيد البطاريه فقدت جزء من صلاحيتها

بالنسبه للموضوع الخاص بالتقفيل زي ما حضرتك قولت و هي في صيانه الاولي كله بيكون تمام

و اي اسئله اخري انا تحت امرك

و تقبل تحياتي

المشاركة الأصلية كتبت بواسطة amecath

الجين 2 افضل من النيو اكسنت
بعدم المقارنات الى عملتها ليهم وانا بشترى عربيتى البيرسونا الى هى جين 2 سيدان
وطبعاً انا بنيت مقارنتى على الامكانيات والاداء
وبصراحة ماشاء الله عربية حكاية ربنا يباركلنا فيها اجمعين
بس فعلا بعد مسالت الناس وشورتهم وعملت استخارة ربنا وفقنى لاختيارها وانا مرتاح البال بفضل الله

بس خد بالك انا العربية فيها عيوب تقفيل بسيطة بتتحل فى التوكيل مع صيانة الالف كيلو وممكن تجيلك من غير ولا مشكلة بس متقلقش خالص عيوب بسيطة فى التقفيل وتتحل علطول
انا حبيت افهمك النقطة الى فاتت كويس علشان تبقى عارف كويس مزايها وعيوبها
وليا اقتراح كمان : انك تدخل على منتدى هيونداى وجواه تسال اصحاب الاكسنت عن الاداء والعيوب واسعار قطع الغيار
وكمان تروح معرض بيبع العربيتين دول وتركب كل واحدة منهم ده هيفرق معاك كثييييييييييييييييييييييي ر جدا
وربنا يوفقك الى ما فيه الخير
أسامة شحاتة

المشاركة الأصلية كتبت بواسطة khpopo

التوكيل فى تطور ولضيق المكان ومبيعات العربية الكتيرة عليهم ....قريبا جداا المركز الجديد هيكون قادر على استيعاب اعداد اكتر لكن الضمان عندهم حقيقى بيغير اى حاجة فى الضمان بدون تكلفة ولا تكلفة مصنعية زى توكيلات اخرى تغير فى الضمان وتحسب مصنعية ...كمان غبور سىء وعن تجربة والكل عارف كدة

ربنا يوفق

شكرا ليكو يا رجالة
اثلجتوا صدري والله