::: كلمنى عربى Please :::

**Samah AbdAllah** · 12-05-2009 03:10 PM

فكرتنى بموضوع ناقشناه اثناء دراسة الماجيستير وكان بعنوان ازمة الهوية فى مصر والوطن العربى وكان من احدى صوره التكلم بالفاظ غير عربية داخل كلامنا وتسمية المحلات والمجلات باسماء امريكية وغيرهاوهكذا.......
المهم انا كان رأيى قولتله ماتسيب الناس تتكلم براحتها وتلبس براحتها يعنى احنا سبب تخلفنا اننا بنتكلم كده او بنلبس كده يعنى ياريت نسيب كل ده ونهتم ازى نتقدم كل واحد يلبس زى ماهو عاوزالمهم يشتغل وينتج
وكل واحد يتكلم زى ما هو عاوز المهم يفكر ويبدع بس مش عارفة هو زعل ليه
ياعينى الدكتور قعد يكلم نفسه وكل ما حد يدخل علينا المكتب يشتكيله مش عارفة ليه
تفتكروا هو ايه اللى زعله

**samoevil911** · 12-05-2009 03:35 PM

ميدأين كدا دا حاجة من اتنين .. والاتنين بيأدوا لبعض..
يأما عوجان .. يا عقدة نقص..
والمشكلة ان اللي معوج دا مبيعرفش يتكلم انجليزي اصلا او اللغة اللي معوج بيها .. هو بس سمع كلمة في فيلم اجنبي مفهمش فيه اي حاجة .. ام حفظها وقالها ويفضل علق عليها بتاع شهر بيقولها علي كل حاجة..
انا حصل معايا موقف في في كافيه(اقول عليها ايه دي مقي :d:d) المهم النادل (حلو النادل دي بدل الويتر والجرسون) المهم عطاني القايمة بتاعة الاكل المهم مكتوب فيها اسم بيتزا غريبة .. اسمها كوزالا.. قلتلوا ايه الكزولا دي .. قالي حضرتكم متعرفش الكزولا .. ازاي؟ دي بيتزا ايطالي بالجمبري والكاليماري وصوص كريمة بمسطردة (قلتلوا والله..اههه .ز الا هو يعني ايه جمبري بالانجليزي) سكت .. قالي معنديش فكرة قلتلوا لكن عندك فكرة بالكوزالا اللي اصلا ملهاش وجود غير عندكم .. قالي ازاي دي مشهورة .. قلتلوا انت هتعيش مانا منت عايش في ايطاليا بلد البتزا ومفيش حاجة بالاسم دا .. والله سكت ووشوا احمر..

ادي اخرة التنطيط .. بنكلم وخلاص..

**youssefmustang** · 13-05-2009 08:08 AM

المشاركة الأصلية كتبت بواسطة S M A R T M A N

يا عم ليه كدا بس
ماتقول ربنا يهديهم ويرجعهم لاصلهم وماضيهم علشان اللي مالوش اصل وماضي وجذور ملوش حاضر ولا مستقبل ولا كيان

يا جدع دى حاجة تحرق الدم لما يقولك العربى ده بتاع الناس الواطية او الجهلة
اللى بيتكلم يحسسك انه ملاك او مخلوق من نور او زايد دراع او رجل
وهو اصلا متربى فى ازبل حته فى العالم.
بجد انا دمى بيتحرق بضمير لما حد بيتكلم فى الموضوع ده ..

اخوكم يوسف

**mobitic** · 13-05-2009 11:17 AM

المشاركة الأصلية كتبت بواسطة youssef_00

يا جدع دى حاجة تحرق الدم لما يقولك العربى ده بتاع الناس الواطية او الجهلة
اللى بيتكلم يحسسك انه ملاك او مخلوق من نور او زايد دراع او رجل
وهو اصلا متربى فى ازبل حته فى العالم.
بجد انا دمى بيتحرق بضمير لما حد بيتكلم فى الموضوع ده ..

اخوكم يوسف

يا أخى برده إدعيلهم بالهداية وأهو على الأقل تاخد ثواب
تقبل تحياتى