الموضوع: تقييم كيا سيراتو بعد 2000 كم

المشاركة الأصلية كتبت بواسطة tutankhamoun

متهيألي يا أبو رُقية الرأي ده فيه مبالغة شديدة قوي .
بجد .......البولو أثبت من أغلى لانسر .... و أثبت من الصني ؟؟؟؟؟
الهوندا و المازدا ....... في الثبات ممتازين ........
ركبت الهيونداي الكوبية ............. ثابتة و زي الفل .
ركبت حاجة من بروتون ........ أهي لا ياباني و لا كوري
إنما أهم ميزة فيها الثبات .

على فكرة أنا ركبت برضه أوروبي و أمريكاني و ياباني و ماليزي و كوري ............
و على فكرة الكورولا الجديدة عربية ثابتة .
و بعدين كلمة أوروبي فيها تعميم ......لأن مش كل الأوروبي زي بعضه ....... كل بلد و ليها طريقتها و مميزاتها .

ممكن يا جماعة أرد رد تاني و مماثل لردي على أخي أبو رُقية لأن رده خطفني فردت رد سريع بدون قراءة الردود جميعا .

أولا ملحوظة صغيرة قبل ما أرد علشان أوضح بس رأيي كويس و يوصل للناس .
أنا ركبت فورد كتير ....... و بيجو ...... و أبيزا و بونتو و عربية نيسان ....... و بسوق عربية النترا موديل 2002 تقريبا كتير بتاعة عمي .
و معايا حاليا بروتون جين 2 ...... ماليزي .
و من الخبرة في سواقة العربيات اللي فاتت .
مش شايف فرق كبير بين الأوروبي و الكوري و الياباني و لا الماليزي .
الأوروبي سمعة .......... فائقة و محدش يقدر يتكلم عليه يمكن علشان هما أول من بدأوا يعملوا عربيات و لهم مخترعات و أختراعات و ابتكارات كتيرة في الموضوع ده .
إنما ده ما يخلهومش رقم واحد ..
و بالتالي اللي بيركب عربية و في دماغه المقارنات دي
بيكون عنده أحساس نفسي أكتر منه أحساس حقيقي بالعربية اللي تحت رجله .
الفورد مثلا عربيات تقيلة ......
تقيلة في الوزن و تقيلة في الحركة ........ بس بتعيش على حسب السوق اللي انت فيه .
يعني مثلا لو السوق غرقان فورد ده هايسعدك أن العربية تفضل في حالة حلوة علشان توافر قطع الغيار و مراكز الصيانة و خلافه .

نيجي للبيجو ...
البيجو عربيات لها رونق و مذاق خاص من ناحية الشكل .
إنما العربيات الفرنساوي عموما ....... كثيرة الأعطال ...... طويلة العمر .
كثيرة الأعطال بسبب التكنولوجيا العالية اللي ملهاش لزمة بالنسبة دي ...... يعني ممكن تبقى الدنيا أسهل من كدا .... و العربية هاتريح صاحبها أكتر من كدا .

نيجي لفيات بونتو
العربية ثابتة و كويسة و لكن مثلا ما تتفوقش على الياريس مثلا ...
الياريس أقل منها في الثبات و لكن موتور الياريس أفضل كثيرا بس مش معنى كدا أن كل تويوتا كدا و أن كل الياباني كدا .
و برضه مش حاسس أن البونتو أو البولو أحسن من الياباني في حاجة .
نيجي للياباني .
ما ينفعش نحط الياباني كله في سلة واحدو نقول ياباني .
لأن كل شركة لها سياسة و لها مذاقها الخاص
تويوتا ...... نعومة مواتير و نعومة عفشة على حساب الثبات .و برضه مش كل التويوتا .

نيسان ....... عربيات أكثر من محترمة و كفاية الجي تي أر .
هوندا ........ طبعا مواتير و ثبات ....... و تنافس و تناطح الأوروبي و تتفوق كمان .
مازدا ........ تقريبا تشبه الهوندا كتير .

نيجي بقى لبيت القصيد و هي السيارات الكوري
الكوري هانتكلم على العربيات فوق سنة 2000
كوريا بتحاول تقدم معادلة
سعر مناسب بنعومة الياباني و جودته
و أنا شايف أن موديلاتهم ناعمة في الموتور .... و لكن أغلب الموديلات الكوري ثباته مش ممتاز .
أنا جربت الالنترا الجديدة و كنت متوقع هالاقي ثبات أحسن من القديمة بس أتضح ان القديمة أحسن في الثبات .

يعني الكوري بيتميز أساسا ...... بالنعومة و الكماليات الكتيرة .
و أنا رأيي أن اصلا ما ينفعش نقارن بيجو 206 بسيراتو
طبعا السيراتوا تكتسح ........ و بأقتدار كمان .
ممكن صاحب الموضوع الأستاذ تامر بيقارن موضوع الثبات لأن العربية حجمها كبير .... أنا عمري ما سقتها نهائي و معرفش أحدد بالظبط موضوع الثبات و مقارنته ب 206

نيجي بقى لبروتون جين 2 و دي أخر عربية معايا .
العربية لا ياباني و لا كوري و لا أوروبي
و لكن ..........تتميز بإمتياز بالثبات .و دي أهم ميزة في العربية .

أنا ذكرت بأقتداب رأيي في العربيات اللي ركبتها و مش حاسس بفروق جوهرية بينهم .
كلهم عربيات و كلهم لهم مميزات و عيوب و مش عايز أعمم علشان مينفعش . و ده رأيي الشخصي البحت

المشاركة الأصلية كتبت بواسطة Ahmed Samy

احم احم ....انا سامع حد بيجيب في سيرتي ...

بص يا سيدي ...انت مادام مش قادر تستنى (و عندك حق) يبقى تسيبك من الفيلم الحمضان ده و تركبلك عربية ألماني...

انت الـ125 الف مش هاريكبوكبي ام من اللي نفسك فيه و حالته كويسة

بس يركبوك اوكتافيا A5 2007 و مش ماشية كتير خااالص

يركبوك سيات ليون ...و ادعيلي

و ممكن يركبوك جيتا بس مش هاتكون بكماليات كتيره ...


لو ناوي على بي ام يبقى استنى لما فلوسك تكمل 140 حتى ...

انت نازل المعرض امتى ؟؟؟ نشوف بعض (علشان لما نتمسك اعرف اوصفك)

و اوعى تفتكر انك لما تسيب كيا ...هاتبقى فلت ...انت معانا في العملية بالتخطيط و التحريض


انا مش هاروح لوحدي

والله يا استاذ احمد انا مش عارف اقولك اية بس قشطة الحياة حلوة وانا كدا كدا مبلطلكم فى كيا مش خارج منها انا معاكم قلبا وقالبا ولو كدا نظبطها سوا واحاول اقابلك فى المعرض وانت يا احمد باشا منين اشك انك من المنصورة مش عارف لية ولو كدا قولى عشان لو كدا ممكن اقابلك انت واحمد نور فى المنصورة ولو انت من كايرو تمام زى الفل ونتقابل بردو بس انا مواعيدى بعد 10.30 مساءا
ويعنى هتوصفنى هتبلغ عنى اكيد عشان اشيل انا القضية كلها بس انا مش هاخد فى الموضوع مش اقول من 60 % من العملية كلها ومفيش نقاش لان ما تنساش انى انا الى هشيل الليلة لوحدى ولو انت هتشيلها خد 60% انت بس الى هيشيل هياخد النسبة دى لان انت عارف ان العملية دى كبيرة جدا وانا حطيت فيها كل فلوسى والى هما 375 قرش فا انا مش مستغنى عن ثروتى دى تحويشة العمر وربنا يستر

يا جماعة أنا شايف ان بيت القصيد أنه لايؤخذ ببلد المنشا كمعيار احادي ، أينعم هو نقطة مهمة ولا يمكن تجاهلها ولكن ليست الوحيدة ، يعني اللي اقصده أن كل عربية ليها تقييم ومزايا خاصة بها ، يعني أنا مثلا بيعجبني في الياباني هوندا ومازدا بس والباقي احترمة لكن غير مقنع بالنسبالي ، وده مش مجرد لأنهم ياباني ولكن لأنهم فعلا على مستوى عالي من الجودة في كل الجوانب ، وكذلك الفولكس والأسكودا وطبعا العملاقة ( مرسيدس وبي ام واودي ) وغيرهم ، لكن بصراحة مفيش عربية كوري واحدة انا شايفها مقنعة بالنسبالي على الأقل في الاعتمادية والجودة ، يمكن فعلا فيه دلوقتي تقدم في التصميمات الخارجية والكماليات اللي بردو ليست على قدر عالي من الجودة ، وده والله عن تجربة ، اللي أنا عاوز اوصله أن مش كل العربيات الياباني احسن ممتازة ولا كل الأوروبي ، وبردو مش بقول ان كل الكوري تعبان او كل الياباني احسن من كل الكوري يعني مثلا انا لو مفيش في السوق كله قدامي غير يا اما ياريس يا اما افانزا يا اما نيو سيراتو ، هشتري نيو سيراتو من غير ما افكر لحظة ، بس لما تيجي تبص لحسن الياباني واللي هوه من وجهة نظري المازدا والهوندا ، واحسن الكوري اللي هوه هيونداي وكيا ، بكل صدق وواقعية ، في فرق كبير في كل حاجة من اول التصميم وخامات الصالون لحد الموتور كعمر واعتمادية وقوة عفشة وجودة تقفيل وحتى الخراطيم اللي في حوض العربية ، يمكن قبل كده كانت الفجوة كبية في السعر ـ لكن الفجوة قلت كتير وبالذات لو الفرق ده بي اعلى فئة في الكوري واول فئة الياباني ، واعتقد ان ان الكماليات مش هية الساس في الأختيار رغم اني اعتقد ان كتير من اللي معجبين بالنيو سيراتو كل اللي شاددهم ومغمي عنيهم هوه الشكل والكماليات ، وربنا يهدي الجميع للصالح

المشاركة الأصلية كتبت بواسطة justs

يا جماعة أنا شايف ان بيت القصيد أنه لايؤخذ ببلد المنشا كمعيار احادي ، أينعم هو نقطة مهمة ولا يمكن تجاهلها ولكن ليست الوحيدة ، يعني اللي اقصده أن كل عربية ليها تقييم ومزايا خاصة بها ، يعني أنا مثلا بيعجبني في الياباني هوندا ومازدا بس والباقي احترمة لكن غير مقنع بالنسبالي ، وده مش مجرد لأنهم ياباني ولكن لأنهم فعلا على مستوى عالي من الجودة في كل الجوانب ، وكذلك الفولكس والأسكودا وطبعا العملاقة ( مرسيدس وبي ام واودي ) وغيرهم ، لكن بصراحة مفيش عربية كوري واحدة انا شايفها مقنعة بالنسبالي على الأقل في الاعتمادية والجودة ، يمكن فعلا فيه دلوقتي تقدم في التصميمات الخارجية والكماليات اللي بردو ليست على قدر عالي من الجودة ، وده والله عن تجربة ، اللي أنا عاوز اوصله أن مش كل العربيات الياباني احسن ممتازة ولا كل الأوروبي ، وبردو مش بقول ان كل الكوري تعبان او كل الياباني احسن من كل الكوري يعني مثلا انا لو مفيش في السوق كله قدامي غير يا اما ياريس يا اما افانزا يا اما نيو سيراتو ، هشتري نيو سيراتو من غير ما افكر لحظة ، بس لما تيجي تبص لحسن الياباني واللي هوه من وجهة نظري المازدا والهوندا ، واحسن الكوري اللي هوه هيونداي وكيا ، بكل صدق وواقعية ، في فرق كبير في كل حاجة من اول التصميم وخامات الصالون لحد الموتور كعمر واعتمادية وقوة عفشة وجودة تقفيل وحتى الخراطيم اللي في حوض العربية ، يمكن قبل كده كانت الفجوة كبية في السعر ـ لكن الفجوة قلت كتير وبالذات لو الفرق ده بي اعلى فئة في الكوري واول فئة الياباني ، واعتقد ان ان الكماليات مش هية الساس في الأختيار رغم اني اعتقد ان كتير من اللي معجبين بالنيو سيراتو كل اللي شاددهم ومغمي عنيهم هوه الشكل والكماليات ، وربنا يهدي الجميع للصالح

بصراحة انا احترمت رد حضرتك وكلامك زى الفل بس انت عارف انها اذواق والحمد لله بعد ما كنت حاجز النيو سيراتو خلاص لغيت الفكرة وهبدأ افكر فى عربية تانى من الاول وجديد بس محتاج افكر فى اوربى لانى برتاح للعربيات الاوربى اكتر من اليابانى ودا نظرا للتعود على العربيات الاوربى فا ربنا يعمل الى فية الخير للجميع ويوفق كل شخص للخير دايما