الموضوع: احرق الغيار ولا اريح الموتور؟

المشاركة الأصلية كتبت بواسطة kh_talaat

أحب أزود برضه على كلام الزملاء مبدأ أساسي في نقل الغيار

الغيار الأول من صفر إلى 20
الغيار الثاني من 20 إلى 40
الغيار الثالث من 40 إلى 60
الغيار الرابع من 60 إلى 80
الغيار الخامس من 80 للآخر
مع مراعاه ان الrpm ميزدش عن 30 لفه كحد أقصى للمحافظة على عمر المحرك

ده انا على كده جاحد . التالت مبنقلوش قبل ال 70

المشاركة الأصلية كتبت بواسطة maka

ده انا على كده جاحد . التالت مبنقلوش قبل ال 70

حضرتك انا المعلومات دي ناقلها من المانيوال بتاع عربيتي (هيونداي فيرنا) يعني دة كلام الشركة

وبرضه زي ما قولنا قبل كدة بتختلف حاجات بسيطة من عربية للتانية

لكن كلام العضو harphosh ان الغيار الأول لغاية 40 كيلو الصراحه دة كتيير قوي قوي

المشاركة الأصلية كتبت بواسطة Sharaf2009

الاول خلينى اوضح لك العوامل الرئيسيه اللى بتتحكم فى الموضوع ده:

- خارج المحرك: هو قدره وعزم يتاسب مع سرعة الدوران وبالتالى دوسة قدم السائق على دواسة الوقود.

- متطلبات حركة العربيه: مجموعه من المقاومات والاحمال (القوى الاحتكاكيه بين العجل والطريق - مقاومة الطريق - مقاومة الهواء - طالع مطلع - العربيه محمله - بتجر حاجه - .....وطبعا كل ده بيعتمد على سرعة العربيه)

- صندوق التروس (من خلال اختيار الغيار المناسب) هو اللى بيحقق التوازن بين متطلبات حركة العربيه وبين خارج المحرك.

- السائق الماهر: هو اللى بيختار التوقيت والغيارالمناسب لصندوق التروس اللى بيضمن بيه الاتى: أفضل اداء للسياره - أقل استهلاك للبنزين - أطول عمر للمحرك.


نرجع لسؤالك: بالضغط على دواسة البنزين الـ rpm بتزيد قدره وعزم المحرك لغايه ما توصل للـ maximum بعد كده زياده الضغط على دواسة الوقود مش ها يقابلها زياده محسوسه فى العزم وبتلاقى صوت الموتور زاد وبيزيد فيها تاكل المحرك وارتفاع فى درجة حرارته وبالتالى بتاثر على عمره + زياده فى استهلاك الوقود. علشان كده المصنع بيكتب فى كتالوج السياره وبمنتهى الوضوح الـ rpm اللى مفروض تنقل عندها السرعات.


الخلاصه: خلى عينك على عداد الـ rpm او ودنك مع صوت المحرك لو زاد اوى يبقى لازم تنقل على الغيار اللى بعده او تقلل الوسه على دواسة الوقود (لو مش عايز تنقل)

والرحمه حلوة....

المشاركة الأصلية كتبت بواسطة kh_talaat

لكن كلام العضو harphosh ان الغيار الأول لغاية 40 كيلو الصراحه دة كتيير قوي قوي

40 ياراجل حرام عليك
ده كثير جداا جدااا

المشاركة الأصلية كتبت بواسطة kh_talaat

حضرتك انا المعلومات دي ناقلها من المانيوال بتاع عربيتي (هيونداي فيرنا) يعني دة كلام الشركة

وبرضه زي ما قولنا قبل كدة بتختلف حاجات بسيطة من عربية للتانية

لكن كلام العضو harphosh ان الغيار الأول لغاية 40 كيلو الصراحه دة كتيير قوي قوي

اعتذار وتصويب
كلام الأخ الفاضل فعلاً سليم راجعت العداد
الأول لتحريك السيارة من على الأرض ولا يوجد شرطة لتحديد نهايته
الثانى : هو إلى 50 كم / ساعة
الثالث : من 50 إلى 90 كم / ساعة
الرابع : من 90 إلى 130 كم / ساعة
الخامس من 130 إلى 220 كم / ساعة
والسيارة لا يوجد فى هذا الموديل 1995 عداد rpm
مع اعتذارى على المعلومة الناقصة

المشاركة الأصلية كتبت بواسطة kh_talaat

أحب أزود برضه على كلام الزملاء مبدأ أساسي في نقل الغيار

الغيار الأول من صفر إلى 20
الغيار الثاني من 20 إلى 40
الغيار الثالث من 40 إلى 60
الغيار الرابع من 60 إلى 80
الغيار الخامس من 80 للآخر
مع مراعاه ان الrpm ميزدش عن 30 لفه كحد أقصى للمحافظة على عمر المحرك