قرأت لك عن حساس الماف air mass sensores

**samirayad** · 15-05-2009 12:15 PM

بص يا باشا عندي في العربيه في حساس map و حساس maf

غريبه أوى الحاله دى......طيب ليه هو عامل كده .......مش عارف

الmap& iat ودا اسمه بالظبط علي هيونداي و دا مكانه علي المانفول بالظبط

ماهو ده اللى ملخفنى ....لأن أنا كنت أتكلمت معاك فى الموضوع ده ...............وفاكر كويس الموضوع ......والمفروض ميكونش حساس هواء على المكنه طالما فيه ماف زى مابتقول .........وكده فعلا فيه لبس جامد فى الموضوع وعاوز يتراجع كله تانى ....................

و حساس maf و مكانه قبل البوابه و بعد فلتر الهواء

. كلام مظبوط ......وأنا قايل الكلام ده فى موضوعى الحالى عن الماف...............[QUOTE][و دا مختلف عن دا عشان نبقي علي نور انا بتكلم في الكلام اللي فات في القياسات علي حساس maf /QUOTE] أنا عارف الكلام ده كويس ......وموضوعنا الحالى مشروح فيه ياعنى أيه الماف .......وفيه عندك فى الصفحه دى أو اللى وراها موضوع ليا برضه عن الماب ( والمفروض الماب ميكونش فيه حساس حراره )............!!!!!!!!!!!!!!؟؟؟؟؟؟؟؟؟؟؟� �؟؟؟

_ وعارف أن القياسات اللى أنت قولتها للماف مش الماب ( لأن الماف بيستخدم لمعرفة معدل مرور الهواء اللى داخل للمحرك )........أما الماب بيستخدم لمعرفة ضغط التخلخل فى منطقة جسم الخانق (البوابه ) وده مشروح كويس فى الموضوعين .....ومترجمه فنيا مع بعض الأضافات من عندى ............لزوم التحابيش وخلافه

**kemks** · 15-05-2009 12:36 PM

انا بحاول ارفع شكله بس كل لما ارفع بيقولي فشل مش عارف ليه

كنت هرفع شكل الحساس علي المانفول و هوا بالظبط في نصف المانفول

**samirayad** · 15-05-2009 01:07 PM

المشاركة الأصلية كتبت بواسطة kemks

انا بحاول ارفع شكله بس كل لما ارفع بيقولي فشل مش عارف ليه

كنت هرفع شكل الحساس علي المانفول و هوا بالظبط في نصف المانفول

_ على فكره أنا لاحظت أن فيه أنواع من حساسات الماف .....ليها ثلاث أطراف فقط ( من الفيدوهات اللى أنت رافعها فى الموضوع )

**kemks** · 15-05-2009 01:38 PM

الفيديوهات للتوضيح كيفيه معرفه اذا كان الحساس بايظ ولا شغال

بالنسبه ليا انا الحساس 5 اطراف

مفيش اخبار عن بلف التاكيهات

**samirayad** · 15-05-2009 01:56 PM

المشاركة الأصلية كتبت بواسطة kemks

مفيش اخبار عن بلف التاكيهات

أنا مسمعتش عن حاجه أسمها بلف التاكيهات ( اللى لو كان كان قصدك عن مجموعة كستبانات الزيت اللى بتبقى تحت عمود الكامه ).............طيب ماتشرح الموضوع كويس تانى فى الورشه وأنا حأتحاور معاك بخصوصه .......وقوللى على كل حاجه ......وأدينى كل البيانات وربنا يسهل ونفكر أنا والزملاء معاك ...............وخللى حوارنا نظام سؤال وجواب لحد مانوصل ...........................وبالصبر حنوصل ( بس خليك معايا على طول )

**samirayad** · 07-06-2009 11:07 PM

فى الحقيقه أنا عاوز ألخص فكرة عمل حساس الماف عن كده .........الحساس زى ماقولنا بيتركب بين فلتر الهواء والبوابه علشان يتعرف على كمية الهواء اللى داخله للمكنه مع أحوال الضغط على الأكسراتير ..........ومكوناته (مقاوم حرارى + سلك تسخين من مادة البلاتينيوم +كارتة تحكم ألكترونى )............المقاوم بيقيس حرارة الهواء اللى أرتفعت حرارتها شويه من خلال التغيير فى مقاومته......لأن سلك التسخين دايما بيكون فى حراره ثابته وبيسحب حراره من كتاوت الأشعال تحت قيادة وحدة التحكم بتاعة المكنه علشان تكون حرارته ثابته بأستمرار لما كارته الحساس بتبلغ وحدة التحكم للمكنه بالتغيير اللى حصل فى مقاومة المقاوم الحرارى جوه الحساس مع زيادة كمية الهواء مع الضغط على الأكسراتير .................................................. .وعاوز ألخص لما الفيشه بتاعة الحساس ده بثلاث أطراف بيكون هوده حساس الماف فعلا لوحده ...........ولما بتكون بخمس أطراف بيكون محطوط جوه الماف حساس قياس حرارة الهواء ..................هو ده الموضوع ببساطه شديده لأن الشرح الأولانى مش موضح الحته دى كويس

**samirayad** · 07-06-2009 11:14 PM

وأدى صوره لحساس الماف وأحنا بنطلعه من على المكنه للكشف عليه ونظافته..............

**ابو حسين** · 08-06-2009 01:55 AM

مشكوووووور والله

**samirayad** · 08-06-2009 07:33 AM

الله يخليك يا أبو حميد ...........وأشكرك على المرور الطيب وقرائتك للموضوع

**kemks** · 27-07-2009 10:09 AM

اخيرا لقيت الحساس الهواء بتاع العربيه بتاعي maf و مفروض يكون اصلي نفس الشكل و نفس بلد الصنع اول لما ركبته حسيت في اختلاف في سحب العربية جامد جدا و التجميع بقي اسرع بمراحل

عندي و احد زميلي معاه نفس العربيه اكسنت موديل سنة 2000 امريكاني و كان عنده نفس العيب وجاب حساس مستعمل وشغال معاه كويس جدا و بيحط دلوقتي 80 و العربيه سحبها معاه تمام وسريعه و مفيش اي كركرة و لا تصقيف

انا جبته جديد و قولت اجرب احط 80 علي 92 نص التانك و نصف التانك العربيه معايا بتصقف لغايه 40 كيلو و اول لما اطلع عن 40 كيلو ميبقاش في صوت تسقيف خالص

انا كنت جربت مع زميلي الحساس بتاعه و الحساس بتاعي القديم اول لما حطيت الحساس القديم بتاعي عنده العربيه بتاعته كانت بتصقف جامد جدا و لما رجعتله الحساس بتاعه المستعمل العربية كانت مظبوطه تمام

مش عارف ممكن يكون البنزين عليه مياه مثل مضروب ولا يبقي في حاجة ممكن اظبها عشان اقدر احط بنزين 80 و ميبقاش فيه تصقيف ولا كركرة زي عربية زميلي

ملحوظة
* سعره 550 جنية جديد من بورسعيد و الراجل شاريه من التوفيقية في مصر يعني السعر هيبقي اقل في مصر لو حد كان بيدور علي الحساس الحمد لله موجود
*زميلي بيحط دلوقتي 80 و العربيه معاه تمام جدا
* انا لسه مغير فلتر البنزين و منظف البوجيهات كانت عامله صفار شويه من تحت قالي هيا رطبت شويه في العربيه و الراجل صنفرها و رجعها نظيفه و ظبت الجاب بتاعها و رجعها تاني
* البوابه نظيفة و فلتر الهواء مغيره من قريب و نظيف
* العربيه نوعها هيونداي اكسنت 1500 سي سي موديل 2000 الزيت لسه مغيره مع الفلتر فيسكو 2000
* العربيه بتاكل زيت شوية قليلين و بجرب زيت الشمبر المره دي جايز الشمبر يكون قافش علي رأي الميكانيكي و لو لسه هتاكل زيت هعمل طقم شمبر ان شاء الله.
* مفيش اي دخنة من ورا في الشكمان
ارجو الافادة ....... وشكرا