قرأت لك عن حساس الماف air mass sensores

**samirayad** · 27-07-2009 10:00 PM

- جرب الأول أستعمال نوع كويس من البنزين وليكن 92 فقط ومن بنزينه موثوق فيها .....بدون طريقة خلط ال80 على 92 لفتره محدده .....لأن أحتمال يكون العيب من البنزين ......طيب لو أستمر موضوع التصفيق ده اللى قبل ال 40 كم /س ......يبقى أكيد الشنابر عندك هى السبب فى الموضوع ده .....على أساس أن هروب نسب من زيت المكنه الى مجمع دخول الهواء ثم بوابة المحرك ....بيجعل خليط الحريق مش نظيف ....وده بيولد خطأ حريق وبتقل كفاءة الأشتعال لمخلوط الهواء والبنزين (بسبب وجود نسب زيوت خفيفه تلوث عملية الحريق )

**kemks** · 28-07-2009 11:08 AM

شكر علي الرد يا هندسة

بس انا في الحساس القديم كنت بحط بنزين 92 في بورسعيد و كانت بتصقف شوية

بس في القاهرة برضه في الحساس القديم البايظ مكنتش بتصقف ما شاء الله خالص الرك علي البنزين ايه رأيك اغير البوجيهات ولا ملهاش لزمة
و ان شاء الله اول لما البنزين يوصل للنص هحط 92 تاني و اجرب

**samirayad** · 28-07-2009 07:03 PM

بس انا في الحساس القديم كنت بحط بنزين 92 في بورسعيد و كانت بتصقف شوية

ملناش دخل بالقديم بقه دلوقتى .....خلينا على أرض الواقع مع الحساس الجديد

بس في القاهرة برضه في الحساس القديم البايظ مكنتش بتصقف ما شاء الله خالص

أنت حتشككنا فى بنزين منطقة القناه ولا أيه ......ههههههههههه

الرك علي البنزين

نعم ....جودة البنزين عنصر مهم جدا فى ظهور أو عدم ظهور ظاهرة التسقيف

ايه رأيك اغير البوجيهات ولا ملهاش لزمة

توكل على الله كنوع من الأطمئنان وبالذات بعد الملحوظه دى

و منظف البوجيهات كانت عامله صفار شويه من تحت قالي هيا رطبت شويه في العربيه و الراجل صنفرها و رجعها نظيفه و ظبت الجاب بتاعها و رجعها تاني

يمكن تكون مرطبه فعلا ...وأشترى طقم من مكان كويس ببورسعيد وأطمن كويس على شكله العام وجودة تخزينه .....يعنى يكون شكله العام كويس جدا

و ان شاء الله اول لما البنزين يوصل للنص هحط 92 تاني و اجرب

أرجو لك التوفيق من عند الله .....

**samirayad** · 28-07-2009 07:05 PM

توكل على الله وغير البوجيهات ....وجرب الآداء بالبنزين ال92 لكى نستطيع حصر العيب ( بنزين غير جيد وغير مناسب ....أو تلوث لشحنة الحريق بنسب زيوت )

**kemks** · 30-07-2009 07:48 AM

شكرا ليك يا هندسة وجاري التجربة

**samirayad** · 30-07-2009 02:17 PM

بالتوفيق أن شاء الله

**kemks** · 02-08-2009 07:20 AM

تم تجربة 10 لتر بنزين 92 و العربيه التسقيف قل كتير و قمت بتغير البوجيهات امس و التسقيف قل اكتر بس لسه في تسقيف بسيط

برضه في الاول لغايه لما العداد يجيب 40 كيلو بس لاحظت وانا ماشي العربيه بترعش شويه لما اهدي و ابدا امشي بسرعه تاني بس حصلت معايا مرتين بس

البوجيهات ngk نفس اللي مكتوبه في المانويل ياباني .......

شكرا علي الافادة مهندس سمير....

**samirayad** · 02-08-2009 03:15 PM

تم تجربة 10 لتر بنزين 92 و العربيه التسقيف قل كتير و قمت بتغير البوجيهات امس و التسقيف قل اكتر بس لسه في تسقيف بسيط

طيب نصبر شويه ....لأن عشره لتر دول مش كتير برضه ....وعاوزين نتخلص من كل آثار البنزين القديم .....
الحقيقه كده بشرة خير ....بسبب التحسن اللى حصل ....وأعتقد قدام حتاخد آداء أفضل من كده كمان

**kemks** · 03-08-2009 07:12 AM

معني كده لا امل في 80 ولا ايه يا هندسة
علي الرغم من عربية نفس الموديل و نفس بلد المنشأ و نفس سنة الصنع شغالة 80 تمام مش عارف اظبط الدنيا دي خالص

**samirayad** · 03-08-2009 02:42 PM

متنساش موضوع الزيت اللى عندك
ممكن تكون كفاءة الحريق عندك بال92 هى اللى بتتغلب على موضوع الزيت اللى بيهرب للغرف من خط الفائظ
وبكده بتاخد آداء تقريبا مماثل لعربية صاحبك ......
دا غير أنك صعب تقارن عربيتين ببعض
دول عاملين زى المثل اللى بيقول
صوابعك مش زى بعضها ......