فى عندك فى نفس السعر ده برضوا هتشباك الجيتز(بس طبعا التوكيل نص نص) والسيريون 1500
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
السلام عليكم يا بروتوناوية :)
للاسف بفكر اخون المافيا الايطالية .. و بفكر حاليا في شراء سيارة جديدة علي اخر السنة ( شهر 11 كدة مثلا ) .
و حاليا اختياراتي محدودة جدا لسبب .
عايز سيارة :
- اكبر من سيارتي الحالية ( فيات باليو )
- شكل انييييييييييق
- اقوى كمحرك ( محرك الان 1242 سي سي)
- لازم لازم لازم لازم هاتشباك
- متزيدش عن 85 - 90 الف .
- توكيل محترم و قطع غيار متوفرة خارجه
بدون تحيز معين او ترتيب معين حددت لنفسي الاختيارات دي مبدئيا :
بروتون جين 2 ( مانوال )
بروتون جين 2 ( اوتوماتيك )
--
فيات جراند بونتو ( مانوال )
--
بريليانس FRV ( مانوال )
--
شيفورليه افيو 5 هاتشباك ( مانوال )
-----
اجي لتقييم السريع لكل واحدة من دول
البروتون مبدء " value for money " بيشتغل فيها جامد , بس في نفس الوقت موضوع الحظ و عيوب التقفيل العشوائية مقلقني جدا لاني حشتري سيارة تعد معايا 5-6 سنين كمان .. و غالبا حتكون تقسيط .. فمش عايز اتعكنن !
بس محققة نسبة كبيرة من مطالبي ان لم تكن كلها و كمان ممكن اركبها اوتوماتيك - بس سعر اعادة البيع ضعيف
فيات جراند بونتو - بدون تحيز لفيات بس اكيد تتفقوا معايا ان الجراند " انضف " الخيارات من ناحية الجودة و التصنيع و الخامات و الاعتمادية و لكنها ايضا " اضعف " الموجودين من ناحية المحرك 1400 سي سي - 77 حصان و ابسطهم في الكماليات و اغلاهم في قطع الغيار .. بس 5-6 سنين دي فترة تافهة بالنسبة لها بدون عيوب تقفيل او مشاكل مثل بروتون و انسى اعادة البيع
الFRV - السيارة الصينية الوحيدة الي بتخليني انسى تماما انها سيارة صينية .. تحقيييييق كاقة رغباتي تقريبا !
اكبر من سيارتي
شكل انييييق جدا
محرك 1600 سي سي معقول جدا
كماليات ممتازة - سعر عالي نوعا ما ( 82 الف )
هاتشباك !
توكيل BMW :)
مشكلتها معايا .. انها حتكون مثل بروتون في موضوع العيوب العشوائية ( تخمين يعني و من بعض شكاوي مالكيها ) بس الى حد الان لم ارى شكوى جوهرية في السيارة و بصراحة اكثر واحدة مشرحها اكتر من البروتون كمان بس خايف !!
شيفورليها AVEO 5 هاتشباك
اغرب سيارة كنت ممكن اتخيل اني حاعجب بيها .. صراحة - شكله هو الحاجة الوحيدة و انا اعني الوحييييييدة الي مخلياني ببص عليها .
محرك اي كلام 1500 سي سي - 83 حصان ( خرج سيارتي ال 1242 سي سي ) - كماليات قليلة - توكيل اختلف عليه الكثيرون و قطع غيار غالية بس اعتمادية و جودة جيدة جدا .. معتقدش اني حجيبها بس حطتها في الاختيارات .
انا عارف ان الموضوع وسع و بقى مش بروتون خالص .. بس بما ان مشتري بروتون في راي هم " اعقل ناس " و اقلهم تعصبا من الماركات المقدسة الاخرى مثل التويوتا و الرينو :P -مع احترامي الكامل ليهم طبعا
فقلت ان مناقشة لسيارات في هذه الشريحة حتكون اوقع مع ممتلكي سيارات هذه الشريحة .
و عن نفسي مش حرتاح الا لما اجرب جميع هذه السيارات
انا جربت الجراند بونتو و بصراحة مقتنع بيها جدا لولا اني لم اشعر بفرق شاسع بينها و بين سيارتي المتواضعة ( في القيادة و المتعة فقط .. الفرق شاسع في كل حاجة تانية ) .
الجين 2 ركبتها بس مسقتش غير مرة و ملحقتش احكم فعايز اروع عز العرب اجرب و الاوتو و المانوال !
الFRV انا حجزت TEST DRIVE في البافارية و ان شاء الله اوافيكم بيه .
ايه رايكم يا ناس ؟
خليني في المضمون و ارفع راس روما و اجيب جراند بونتو ؟ في مقابل تضحية للسرعة و الاداء
و لا اخليني " حظيظ " و اضرب ضربة معلم مع جين 2 تطلع يا رب من غير عيوب !
و لا اخليني مخاطر مع توكيل BMW و اثق فيه كمقدم لسيارة صينية تخطف عيني و تركيزي كل ماشوفها في الشارع ؟؟
و لا اخليني زي الشعب المصري و اركب الي موجود و منتشر زي الافيو و خلاص ؟
ولو في سيارة هاتشباك انا مش واخد بالي منها في السعر ده ياريت تفيدوني :)
معلش طولت عليكم !!
رقم العضوية : 3512
تاريخ التسجيل : 01Dec2007
المشاركات : 2,280
النوع : ذكر
الاقامة : cairo-shoubra
السيارة: honda civic 2007
السيارة[2]: hyundai matrix 2008
دراجة بخارية: لا يوجد
الحالة :
فى عندك فى نفس السعر ده برضوا هتشباك الجيتز(بس طبعا التوكيل نص نص) والسيريون 1500
[img2]http://cdn-img1.imagechef.com/w/110921/sampe24f53992f6e9e21.jpg[/img2]
رقم العضوية : 571
تاريخ التسجيل : 09May2007
المشاركات : 2,355
النوع : ذكر
الاقامة : Egypt
السيارة: Fiat 131 Supermirafiori
السيارة[2]: Proton Waja - 05 M/T
دراجة بخارية: -
الحالة :
طريقه كتابتك للموضوع شيقه كعاده مواضيعك يا كريم .
انا الصراحه من اكبر المعجبين ب فيات عموما , و موديلاتهال الحديثه بالاخص قمه فى الشياكه و الاناقه و الجوده و التصميم ......... بص حقعد اتكلم كتير عن فيات و مش حخلص .
بالنسبه لبروتون , بجد بروتون ليها طابع خاص ... اقدر اقول مركبش العربيه ديه الى يقول عليها وحشه , حتى مع بعض عيوب التقفيل ف بصراحه العربيه بتبهرك من نواحى كتير و بتوصل لمرحله ان لو فيها اى عيوب حتتغاضى عنها لانك وصلت لانك تحب العربيه .. حتى لو سمعت صوت زازاه ولا الانزار علق ولا مش عارف ايه حصل .
البريليانس عربيه تحفه بكل المقايس تقفيل جيد جدا و تصميم غايه فى الجمال و توكيل جيد جدا , فعلا مافيش حاجه تفكرك ان العربيه ديه صينى غير جمله made in china جوه الكبوت . بس الحقيقه بعد ما سعرها وصل 82 الف . انا افضل الجين 2 عليها . احتمال لانها كانت عجبانى اوى لما كانت ب 70 الف جنيه ...... و اعتقادى الخاص ان الجين 2 ك تصميم و هندسه و اداء احسن " شكرا لوتس " .
الافيو 5..............
حرام عليك بتقارن ايه بايه ؟ انا مش شايف وجه للمقارنه اساسا , اى عربيه من الى انتا اتكلمت عنها تعدى عليها 4 مرات رايح جاى !!.
عربيتك الباليو احسن منها و المشكله انها غاليه مش عارف ليه ؟
انا بصراحه عجبانى اوى اوى الجراند بونتو القعده جواها بجد ليها احساس تانى . و بتنسيك انها 77 حصان , و لما بشوفها ماشيه جمبى ببحلق فيها .
الجين 2 عربيه جميله جدا و 2009 تحديدا خاماتها الداخليه اتحسنت كتير و اللون الصالون الاسود لايق فيها اكتر . و طبعا كماليات مش موجوده فى اى عربيه تحت ال100, الف جنيه و موتور قوى و سعر اكتر من ممتاز , التوكيل مش سئ للغايه و لكن لا يعتمد عليه فى كثر من الاحيان " ممكن بسبب الزحمه , او حاجات تانيه احنا مش عارفنها " .
رأيى الشخصى احصر المقارنه بين الجراند و الجين 2 .
رقم العضوية : 21269
تاريخ التسجيل : 06Oct2008
المشاركات : 3,171
النوع : ذكر
الاقامة : betna - isma3lia
السيارة: lesa
السيارة[2]: bey2olo gen2 2008
دراجة بخارية: no
الحالة :
انا شايف الجين 2 لان العيب الي كان فيها هو التقفيل و انا شايف انه بيتظبط اذن العيب مباش موجود او بيقل ودا يخليها تكسب بالنسبة للاختيارات الموجودة
DA ANA BA3D EL TA3DEL
[aldl]http://khirn.weebly.com/uploads/2/1/9/5/2195681/9709014_orig.jpg[/aldl]
رقم العضوية : 1862
تاريخ التسجيل : 22Aug2007
المشاركات : 5,726
النوع : ذكر
الاقامة : Cairo Elobour
السيارة: maruti
السيارة[2]: Gen-2
دراجة بخارية: no
الحالة :
رأيي يا أما الFRV يا أما الجين 2
بس انا شخصيا مش هركب بريليانس وخاصة مع الاسعار العجيبة بتاعتها في مصر وانا لسة مستلم جين 2 من يومين و عايز اقولك لقيت فيها عيبين صغيرين بس العربية بجد وهم بالنسبة لسعرها و عشان تجيب نفس كمالياتها من ال frv هتدفع 82 الف و برضو الجين 2 فيها كماليات اكتر
على فكرة انا اخدت الجين 2 بالتقسيط و بخصم 3 الاف ج بفضل الله يعني كدا معتقدش ممكن تفكر في ال frv
رقم العضوية : 33269
تاريخ التسجيل : 17Feb2009
المشاركات : 1,622
النوع : ذكر
الاقامة : 6 October
السيارة: Hyundai Getz 2005 1.3CC
السيارة[2]: Gen2 2010
دراجة بخارية: -
الحالة :
انا بقول جراند بونتو العربيه جااااامده من الاخر و شكل مبهر و كماليات كتير و كمان توفير في البنزين بس الخوف من قطع الغيار لو عندك اي معلومه عن جوده التوكيل من عدمه ياريت تقولنا
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
لا انا منسيتهومش و لا حاجة بس انا زي ماقولت عايز " شكل انيق " - الجيتز قدمت اوي اوي اوي و بديلتها نزلت من سنة برة ال i20 - بس غبور مش عايز ينزلها .
السريون بصراحة سيارة محترمة و اعتمادية جدا و واسعة كمان في فئتها بس شكلها شخضيا بكره جدا .. و حاسسها بناتي اوي خصوصا العدادت الي عاملة زي لعب الاطفال الي جوه دي .
للاسف حستقصي الجراند بونتو من المقارنة - تمنها 90 الف جنيه للنسخة الBASIC و طبعا دي شيء طبيعي لعربية ايطالية كتر خير الدنيا انها تحت ال 100 اصلا .. و قطع غيارها اغلي من بروتون . سيارة وهمية بصراحة بس عايز اجيبها كاملة او اوتوماتيك و ده مش متاح ليا حاليا .
فحسيبها دلوقتي لحد اخر السنة .. رخصت مثلا او الحال اتحسن شوية و حعرف اجيبها .. حجيبها . منفعش يبقى خليني في ال 80يينات .
حخلي الموضوع دلوقتي بين ال FRV و الGEN2
و ححكم برده اكتر بعد تجربة الاتنين .
و الف شكر يا موهاب باشا :)
شكرا يا محمد و انا فعلا لاحظت كلام ناس كتير عن تحسن المستوى بتاع الجين2 .
انا ذي حضرتك برده .. معجب جدا بال FRV بس حاسس انه بيضحك عليا في تمنها .. بس ساعات بقنع نفسي علي تمنها غالي كدة فعلا علشان هي فعلا تقارن بالسيارات الي في نفس تمنها ؟ و لا هي غالية علشان البافارية بتستهبل ؟؟؟ برده لما اجربها حعرف اكتر .
الجين 2 بالنسبة لي هي الحل الوسط .. يعني لو معحبتنيش ال FRV و مجبتش فلوس الجراند بونتو . تبقى الجين 2 الحصان الاسود .
انا معاك جدا . التوكيل محترم علي فكرة مش زي الناس الي بترمي اشاعات وخلاص .. واحد معاه سيينا موديل 2001 طالع عين ابوها يروح التوكيل يقولوا 10 الاف جنيه يقولك التوكيل زبالة !
قطع غيار الايطالي اغلي بكتيييييييييييير من الكوري و الياباني ( زي الاوروبي ) و دي حاجة معروفة بس في مصر للاسف طلاما فيات يبقى الناس متقوعة انها تكون زي ال 128 .
السيارة نفسها تحفة في كل حاجة و احسن من كل دول بكتير بس زي مقلت اضعف محرك ,, و انا بصراحة لما سافرت العين السخنة بعربيتي و محركها تقريبا واحد .. و جايب 160 وانا مروح و ال RPM داخل علي 5500 و صوت السيارة بقى مزعج جدا جدا جدا حتى و الزجاج مقفول !
قررت ان سيارتي الي جاية متقلش عن 100 حصان او 1600 سي سي يعني .
----
شكرا لكم جميعا و مستني اراء اكتر و حوافيكم اول ماجرب السيارتين عامة .
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
سؤال ؟ يعني حضرتك اخدتها ب 80 الف ؟ و التقسيط اد ايه و علي كام سنة و القسط قيمته كام ؟ ( لو مفيهاش مضايفة لحضرتك يعني ) .
-----
, وفي وجهة نظر اخرى .. واحد صديق ليا عرضها عليا حالا !
ال FRV حاليا عاملة زي الاسبرانزا اول مانزلت .. بتتباع بسعر خرافي ككسر زيرو يعني بتنزل 3-4 الاف جنيه .
فايه رايكم مثلا الواحد لو عجبته يجيبها .. اجربها 1000 كم مثلا .. و الله ارتحت نفسيا .. اكمل بيها .. مرتحتش ابيعها و ارجع لحصاني الاسود الجين2 :) ( كل الطرق تؤدي الي الجين )
رقم العضوية : 16787
تاريخ التسجيل : 20Aug2008
المشاركات : 4,879
النوع : ذكر
الاقامة : Cairo - Nasr City
السيارة: -
السيارة[2]: PROTON -Gen2- 2009
الحالة :
منــور ياباشا
وعلى فكره
ايطاليا وماليزيا ....حبايب ..ومافيش خيانه ولا حاجه
....وزى مافى مافيا ايطاليه...فى -نـــمور ماليزيــه-
الجراند بونتو....اكيد حضرتك عارفها بصفتها من العائله الايطاليه...بس هقولك رايى ..
الايطالى ايطالى ...وانا بحبها جدا وبحب اختها الصغيره جدا...وفى يوم من الايام كنت بفكر فيها وكنت خلاص هجبها...
اكيد افضل تقفيل...شكل مميز...سرعتها وسحبها على قدها...واكيد حضرتك جربتها واكتر واحد هتقدر تحكم عليها
بس انا سمعت ان قطع غيارها مش متوفره اوى وغاليه...وكمان اكيد سعر اعادة البيع نازل...وكمان اللى فى رنج تمن الجين -90,000- مافيهاش كماليات
--------------------------
الــfrv .... جميله وتوكيلها معروف ..
بس مش عارف ليه حاسس ان التوكيل دا ناوى على بومبا كبيره مع العربيه دى...يعنى اول مانزلها نزلها بسعر كويس وقبل ماتنزل الدفعه التانيه.... كان رافع سعرها بدون اى مبرر... وعندى احساس انو هيزود مكاسبه فى السياره دى برفع اسعار الصيانات ورفع اسعار قطع الغيار(كما هو الحال مع عز العرب) -(وجهة نظــر)
---------------------------
الافيو...شكلها حلو...بس ماعرفش حاجه عنها
--------------------------
نيجى بقى -للجيـــــــــــــــــــــ ـــــــــــــــــــــــــ ــــــــــــــــــنا-
انا هقولك على عيوبها الاول....
وهى عيوب التقفيل...وبتكون من بسيطه الى متوسطه ... وكله بيتمركز فى اصوات تزييق بسيط ...ازاز بيعلق..سنتر...لمبه مش شغاله
وكل دا بتعرفه من اول يومين ..وبيتحلوا فى اول صيانه...وبس كده
اللى بتدفعه بتاخد قدامه امكانيات كتيره...ولله الحمد من سنه لسنه فى تحسن
اكتر عربيه منتشره من اللى حضرتك بتقارن بينهم...ودى ميزه ان هتلاقى قطع غيارها منتشره برا دا غير الميكانيكيه اللى بقوا يشتغلوا فيها .
غير ان دلوقتى هتاخد خصم 3000 جنيه..
وفى مفاجاه قريب كمان هعملها -للبروتونايه-
انت بس استخير ربنا ... ولو نويت عالجين صدقنى مش هتندم
تحيـــــــاتــى
----------
-::.... I'M PROTONY ....::-
-------
[aldl]http://img825.imageshack.us/img825/7055/3333333388333335555.gif[/aldl]
[aldl]http://farm5.static.flickr.com/4051/4341840452_c91620bc9b_o.jpg[/aldl]
رقم العضوية : 1862
تاريخ التسجيل : 22Aug2007
المشاركات : 5,726
النوع : ذكر
الاقامة : Cairo Elobour
السيارة: maruti
السيارة[2]: Gen-2
دراجة بخارية: no
الحالة :
المفضلات