الرجة إللي في الطلعة دي سببها طقم دبرياج أو ترس الفلام.
رفع المكنة مافيش منه مشكلة
أنت مش هتحل المكنة أنت هترفعها بس
المشكلة في سعر طقم الدبرياج و مصنعية المكيانيكي
صوت الطقة مش قادر أتخيله بصراحة
عمومًا اكشف على صلايب الكردان لأن المشكلة غالبًا منها
الكورونة لما بتبوظ بتون (بتعمل صوت ونة مزعجة) إنما مش بتطق
بالنسبة للكاسيت و السماعات اسأل kreka
الف شكر ليك على ردك ومعلش ليه سؤال كمان
مياه الريداتير بتنقص بسرعه مع ان الريداتير مش بيسرب مياه ياترى السبب ايه ؟ وفيه حاجة كمان كان فيه خرطوم مياه كان واصل من المكنه لحاجه كده جنب المكنه مش عارف اسمها ايه المهم الميكانيكى لاغاها وقلى دى بتاعة المروحه والتكيف وملهاش لزمه مع ان العربية موديل 90 يعنى مش فيها تكيف اصلا ياترى بيشتغلنى وهل الوصله اللى لاغاها دى هتأثر على حاجه ( الوصله دى من المكنه واصله بجزء فوق الرداخ هو شكله مستطيل كده ولازق فى جنب المكنه )
السلام عليكم ورحمة الله وبركاته الحمد لله ركبت ردياتير جديد نحاس 3 ماسورة عند واحد اسمه الحاج عاطف جنب محطة مترو فيصل ب450 جنية والحمد لله الحرارة اتظبطت والمية مابقتش تنقص من الردياتير
مبروك يا صبري :)
و شكرًا على نقل التجربة
المشاركة الأصلية كتبت بواسطة kalala2006
الف شكر ليك على ردك ومعلش ليه سؤال كمان
مياه الريداتير بتنقص بسرعه مع ان الريداتير مش بيسرب مياه ياترى السبب ايه ؟ وفيه حاجة كمان كان فيه خرطوم مياه كان واصل من المكنه لحاجه كده جنب المكنه مش عارف اسمها ايه المهم الميكانيكى لاغاها وقلى دى بتاعة المروحه والتكيف وملهاش لزمه مع ان العربية موديل 90 يعنى مش فيها تكيف اصلا ياترى بيشتغلنى وهل الوصله اللى لاغاها دى هتأثر على حاجه ( الوصله دى من المكنه واصله بجزء فوق الرداخ هو شكله مستطيل كده ولازق فى جنب المكنه )
احتمال تكون الطلمبة بتنقط
و دي ممكن تعرفها لو لاقيت بقعة مياه تحت العربية الصبح لما تدور العربية
ممكن يكون غطاء الردياتير مش بيقفل كويس و بيطلع بخار مياه
لو دورة التبريد عندك مش كويسة و الحرارة بتقرب من الـ100 يبقى هتطلع بخار كتير من القربة
كل الحاجات دي بتؤدي لنقص المياه في الردياتير
أما بقى الخرطوم ده غالبًا خرطوم الفايظ
بيبقى خارج من غطاء التاكيهات من ناحية الكربراتير (مش من ناحية فرن الشكمان) و بيتركب في العمة من تحت
ده لما الموتور بيكون خفيف بيطلع دخان كتير بيبرجل أداء الموتور
فالميكانيكية بيفكوه و يخبوه تحت بحيث إن الدخنة تطلع ورا مش في الحوض
و الموتور يرجع لأداءه الطبيعي
و طبعًا لا يمكن يكون تبع دورة التبريد و إلا كان فضى المياه كلها
و مش عارف إيه إللي جاب سيرة التكييف في البولونيز!!
يا إما هو بيسرح يا إما أنت فهمته غلط
و معلش أنا اتأخرت عليك في الرد لأني مش بدخل بشكل متواصل
<a target='_blank' title='ImageShack - Image And Video Hosting' href='http://imageshack.us/photo/my-images/7/92817519.jpg/'><img src='http://img7.imageshack.us/img7/1053/92817519.jpg' border='0'/></a><br>Uploaded with <a target='_blank' href='http://imageshack.us'>ImageShack.us</a>
انا روحت للميكانيكى عشان موضوع رعشة الفتيس اللى يظهربس لما العربية بتسخن يعنى المشكلة بس عند سخونه العربية قلى هيحل الفتيس انا قولتله ارفع المكنه بس قلى مش هينفع لازم الفتيس ينحل
هل الكلام ده صحيح وهل فى الشتاء الرعشة دى هتختفى ولا هتفضل موجوده ولو سبتها من غير تغير ممكن يأثر على حاجه تانية كمان فى حاجه احيانا فى مطلع الكوبرى لو انا على التالت بحس ان العربية مش قادره تطلع وصوت المكنه بيعلى وعزمها بيقل لكن لو طالع بسرعة جامده مبحسش بالموضوع دا قوى
ياترى ايه الحل وشكراااااااااا
انا روحت للميكانيكى عشان موضوع رعشة الفتيس اللى يظهربس لما العربية بتسخن يعنى المشكلة بس عند سخونه العربية قلى هيحل الفتيس انا قولتله ارفع المكنه بس قلى مش هينفع لازم الفتيس ينحل
هل الكلام ده صحيح وهل فى الشتاء الرعشة دى هتختفى ولا هتفضل موجوده ولو سبتها من غير تغير ممكن يأثر على حاجه تانية كمان فى حاجه احيانا فى مطلع الكوبرى لو انا على التالت بحس ان العربية مش قادره تطلع وصوت المكنه بيعلى وعزمها بيقل لكن لو طالع بسرعة جامده مبحسش بالموضوع دا قوى
ياترى ايه الحل وشكراااااااااا
أنا ماغيرتش طقم دبرياج من ساعة ما جيبت العربية
بس إللي أعرفه إن تغيير الطقم مش محتاج إنك تحل الفتيس
و بصراحة كده أنا مش مقتنع بكلامه
عمومًا
روح لميكانيكي تاني و تالت و رابع و شوفهم هيقولوا إيه
لأن في ميكانيكية بتبقى مش فاهمة حاجة و بتجرب في عربية الزبون
البولونيز عربية قديمة مش جديدة
و موتورك كمان خفيف
و أكيد بتمون بنزين 80
و العربية بتتعرض لتجارب الميكانيكية العباقرة
و بعد كل ده عايزها تسحب كويس في مطلع الكوبري؟!!
لو أنت داخل على مطلع الكوبري باندفاع كبير و أنت على التالت أو الرابع أو الخامس العربية هتطلع بدون مشاكل
إنما لو لاقيت الـrpm نزل لـ1500 يبقى شكرًا الموتور مش هيقدر يقوم العربية و هتسمع صوت تسقيف خفيف ساعتها تنزل نقلة
يعني لو أنت على الخامس تنزل للرابع و لو على الرابع تنزل للتالت و لو على التالت تنزل للتاني
صعب أوي العربية تسقف في مطلع و هي على التاني إلا لو سرعتك نزلت لـ 10 كم/س (يعني قربت تقف خالص) ساعتها تجيب الأول
و ابقى طمنا عملت إيه في الرعشة إللي عندك
<a target='_blank' title='ImageShack - Image And Video Hosting' href='http://imageshack.us/photo/my-images/7/92817519.jpg/'><img src='http://img7.imageshack.us/img7/1053/92817519.jpg' border='0'/></a><br>Uploaded with <a target='_blank' href='http://imageshack.us'>ImageShack.us</a>
السلام عليكم ورحمة الله وبركاته
عاملين ايه ياجماعة هحكيلكم تجربتى الجديدة مع العربية للاستفادة طبعا عارفين انى لسة مركب ردياتير والمية بطلت تنقص لكن رحت مشوار الاسماعلية وجيت ركنت العربية حوالى اربع ايام وجيت ابص على المية لقيتها ناقصة حوالى لتر قولت اكيد الردياتير فيه حاجة اتصلت بالراجل اللى مركبة عند قالى ابقى هات العربية قلت ماشى هبقى اجيبهالك فى نفس المشوار وانا راجع من الاسماعلية مفتاح النور الصغير باظ ولقيت رعشة وصوت فىالعربية من ناحية العجلة اللى قدام يمين ومفتاح الكونتكت علق جيت ادور العربية عملت زى السوست وماعمليتش صوت ومادريتش الا بعد عدة محاولات فرحت للكهربائى اشتريت مفتاح 2 تكة للنور واتصلح تمنه 8جنية وبالنسبة للكونتكت او المرش الكهربائى ربط مسمار كان سايب فى حتة جوة الموتور ناحية الدينامو مش عارف فين بالضبط واشتغل الكونتكت كويس وخد الكهربائى 10 جنيه فى القصة دى وانا اعد عند بالصدفة لقيت بقعة مياة تحت العربية بصلى عليها قاللى دى طرمبة المياة رحت للميكانيكى بتاعى علشان العجلة وقلت يشوف الطرمبة بالمرة فكينا العجلة لقينا البليى الصغيرة اللى فى الصرة فارطة جبت غيرها ب15 جنيه وعلبة شحم نص كيلو ب15 جنيه واولسية عجلة ب8جنيه وخلصنا من العجلة رحنا على طرمبة المياة لقيت واحدة صينى ب 85 جنية وواحدة ايطالى اصلى ب150 جنيه جبت الايطالى وركبناها وحطيت المياة فى الردياتير والحمد لله مانقصتش يبقى كدة مش هروح لبتاع الردياتير لان المياة كانت بتنقص من الطرمبة والميكانيكى خد 50 جنيه فى شغلانة العجلة والطرمبة هذة تجربتى هذا الاسبوع مع السيارة ونرجو ونذكر من جديد كل من يفعل شى فى سيارته يكتب جاب ايه وبكام و المصنعية حتى نستفيد من بعض واللى اللقاء فى الحلقة القادمة
شكرًا على نقل التجربة يا صبري
طبعًا الطلمبة ظهر عيبها لما الردياتير اتصلح
و كويس إنك اكتشفت عيبها قبل ما تلعب في الردياتير السليم
<a target='_blank' title='ImageShack - Image And Video Hosting' href='http://imageshack.us/photo/my-images/7/92817519.jpg/'><img src='http://img7.imageshack.us/img7/1053/92817519.jpg' border='0'/></a><br>Uploaded with <a target='_blank' href='http://imageshack.us'>ImageShack.us</a>
الحمد لله وشكلها هى اللى كانت بتنقص المية قبل كدة وكنت بشك فى الرداتير لانه كان بايظ لكن لما ركبت الجديد قلت فيه سبب تانى بس ماكنتش عارفة لحد ماظهر والحمد لله اهم حاجة الناس تستفاد من الاعطال اللى بتحصلنا واحنا نستفاد من الاعطال اللى بتحصلهم حتى تعم الفائدة ونيقى فاهمين علشان الصنايعية مايضحكوش علينا
من كام يوم روحت بالعربية مشوار بالعربية و كانت تمام
و أنا مروح لاقيت العربية مكتومة و بتقطع
الاتنين مع بعض
شوية و العربية فاقت و بقت تسحب عادي
ركنتها و جيت امبارح لاقيتها طين خالص
العربية بتتكتم و تقطع لما أزود بنزين
أسيب بنزين تقف سلانسيه كويس
أزود تكتتم و تقطع و ممكن تطفي كمان
روحت للميكانيكي بالعافية
لقى إن سبب الكتمة هو ماسورة صغيرة اسمها "ماسورة الرداخ"
الماسورة دي كانت بتدخل هواء مع البنزين إللي جاي من الطلمبة و عشان كده العربية كانت مكتومة و مش بتسحب
أما سبب التقطيع كان إن بيك السرعة محتاج يتنضف مش أكتر
و الحمد لله العربية رجعت زي الأول
<a target='_blank' title='ImageShack - Image And Video Hosting' href='http://imageshack.us/photo/my-images/7/92817519.jpg/'><img src='http://img7.imageshack.us/img7/1053/92817519.jpg' border='0'/></a><br>Uploaded with <a target='_blank' href='http://imageshack.us'>ImageShack.us</a>
المفضلات