الموضوع: ::: البولونيز المظلومة :::

المشاركة الأصلية كتبت بواسطة x_gomgom

الكربراتير الاستيراد بيتراوح من 180-250 جنيه على حسب الحاله (مجدد ولا مفكوك من على مكنه) . اما الاسبراتير الصراحه مش عارف سعره كام تحديداً....
الاصل و اللى المفروض حضرتك تعمله انك تشتري على التجربه يعني لو لزمك الكربراتير تدفع 100 جنيه و تمشي بيه يومين تشوف الاستهلاك و ما الى ذلك و بعدين تخلص فيه (القاعده عامه في الاستيراد التجربه)...
و عامه انا شخصياً لا اميل اطلاقاً بالنسبه لشراء الاجزاء المتعلقه بالكهرباء استيراد الى في حاله الضروره القصوى...
يا رب اكون افدت

جزاكم الله خيراً إخواني على الإفادة

المشاركة الأصلية كتبت بواسطة bunybuny

ياجماعة انا كنت فى السوق امبارح والعربيات البولونيز عالية اوى موديل 88 20

وموديل 90 18 وموديل 91 24 وطبعا موديل 90 ارخص شوية علشان حالة العربية

ممكن اى حد يعرف سيارة بولونيز كويس رخصية يقول علشان انا نفسى اركب عربية بولونيز


وشكرا

أنا برده كنت في سوق السيارات أول انبارح ولاقيت أسعار البولونيز عالية جدااااااااااااا بس بصراحة حالة محترمة زي ما علق الزميل السابق هي دي أسعار السوق بالضبط وهي دي الموديلات إللي كانت موجودة في السوق، ده كمان كان في عربية ملاكي غربية موديل 1987 وكانت دي أرخص عربية والراجل كان بيتكلم في المعقول وكان عايز 18500 يعني تخلص آخرها 16500 جنيه ده كمان بالعافية بس كانت دواخلها حلوة وفرشها كويس، بس بصراحة أنا شايف من وجهة نظري أن البولونيز تستاهل هذه الأسعار وأكتر لأنها والله عربية عملية جداً بس عايز تكون إيدك فيها وتنظفها باستمرار
أما المقارنة بالـ 128 إللي بيتكلموا في 18000 وموديل 1987، يعني بزمتكم أجيب 128 بـ 18000 ولا بولونيز بنفس السعر
بس الحاجة الغريبة الملحوظة في السوق أن الـ 128 إللي كانت بياعة، مكانش عليها طلب خالص (للعلم الـ 128 اشترتها وبعتها بعد 40 يوم علشان مدخلتش دماغي غااااااالص)

المشاركة الأصلية كتبت بواسطة eg_falcon

هو سعر البيع في المحافظات غير القاهرة لان كان في حد من المحلة عارض بولونيز موديل 91 و كان عايز فيها 12000 بصراحة انا شكت في السعر قلت احتمال العربية فيها مشكلة بس هو على كلامه ان العربية بحالة جيدة و مش محتاجة مصاريف و عدداتها كلها شغالة

هل تعقل !!!!!
إزاي يكون موديل 1991 بـ 12000 جنيه وإيه إللي جابر البايع أن يبيع بهذا السعر، وبخسارة قدرها على الأقل 6000 جنيه ده إن ما كنش 8000 جنيه، أكيد ورقها مضروب أو رقم الشاسيه عليه مشكلة جامدة ولما تيجي تنقل ملكية هيبقى صعب، لأني سمعت موضوع بايخ حصل مع شخص لما جه يشتري عربية أغروه جداً بالسعر، ولما جه يرخص العربية في المرور باسمه والفني أخذ البصمة للشاسيه أكتشف أن العربية عبارة عن نصفين :b4_556:
فطبعاً الرجل جن جنونه في المرور ووقع من طوله فالضابط لما شاف الراجل هيحصله حاجة وحس أنه نتيجعة استغفال من بائع عرض عليهم عرضين حلوييييييييين:
إما أن يأخذوا العربية ويمشوا من غير شوشرة ويبقى كده خدمهم، أو أن يحتجز السيارة ويعمل بيها محضر اثبات حالة وسعتها العربية هتتحرز
فجري على الراجل إللي اشتراها منه وطبعاً إداله إللي في الكفاية من شتائم وعدم الضمير، فرد البائع عليه (أنا ماليش دعوه انا كنت ضحية زيي زيكم بالضبط... إلخ) المهم حاولو يرجعوها وطبعاً المشتري قال أنفد بجلدي وبأي مبلغ لو حتى هخسر أي جزء بس أطول من البائع أي حاجة، المهم من هنا لهنا أخذ الفلوس بتاعته بالتقسيط بعد ما خسر ما يقرب من 7000 جنيه

ربنا يسترها معنا لأن والله الغش بقى في كل حاجة دلوقتي، لدرجة أني لما أشتري منتج دلوقتي بأفتش فيه كويس جداً وأهم حاجة أوراقه تكون سليمة 100×100