::: البولونيز المظلومة :::

**se7s_g** · 28-10-2012 10:55 AM

وانت بخير يا صبري
(وشكرا لاخى سحس على الاطراء علينا ) وعلى فكرة دة مش اطراء ولا حاجة ده اقل ما تستحقوه والله كفاية انكم بترفعو من قدر البولونيز اللي الناس مش مقدرها
ومبروك على الرخصة

**se7s_g** · 28-10-2012 11:42 AM

منورين يا رجاله ................
دة نورك يا كاريكا
اهلا بيك يا حسين وكل سنه وانت طيب ...
انا اتشرفت بمعرفتكو فعلا .... وانت بالصحة والسلامة
الموتور موديل 2003 عامل ايه فالصوت ؟
هو صوته معقول بس ده بيعتمد في الاول والاخر على ظبطة الميكانيكي وخبرته في نفس الوقت
وانت حولته لكربيراتير ليه ؟
لأني سمعت من اكتر من ميكانيكي والميكانيكي اللي ركب الموتور ان الكمبيوتر (الانجكشن )مش اي حد يعرف يتعامل معاه وعايز يتقسمله ضفيرة وشغلانة
وكان سعره عامل كام ؟ والباور
اولا الموتور انا جايبه بالباور والفتيس كان عامل حوالي 5000
والتكييف كلفوك كام ؟
هو بص التكييف ده انا مركبه ساندن ياباني و كان ليه حكاية كبيرة معايا وتكلفته عدى 4500 تقريبا
وكل سنة وانت طيب

**Zika9909** · 28-10-2012 09:18 PM

المشاركة الأصلية كتبت بواسطة se7s_g

السلام عليكم ورحمة الله وبركاته
وكل سنة وانتم طيبين يا بلونيزويه
اولا اسمحولي اني انضم لمحبي وعاشقي ه>ه السيارة الفعلا مظلومة
انا بلونيزي قديم (بس مش قديم اوي :])ومن عاشقي ومحبي ه>ه السيارة بعد ان كنت اكره حاجة اسمها بولونيز ولي معها قصص طويلة جدا

انا معايا FSO Polonez مو 88 مغيرلها موتور 1500cc بواحد 1600ccمو2003 انجكشن معدله طبعا كربيراتير ومركبلها باور وتكييف وعامل فيها شغل كتيير بس ماشاء الله عمرها ما عملت معايا حاجه كده ولا كده بس ماشاء الله العربية قوية وتتحمل وقطع الغيار سعرها معقول بعكس اي عربية تانية من القديم وبال>ات العربيات الجديدة كلها ورق وقطع الغيار غالية جدا ...
شكلي طولت عليكم

وكل سنة وانتم طيبين مرة تانية
وشكر خاص لأخواني زيكا وكاريكا والاستا> صبري على مجهودهم ال>ي لا يوصف بأقل من رائع في ه>ه الرابطة
تقبلوا تحياتي اخوكم حسين

أهلاً بيك يا حسين معانا في الرابطة

و كل سنة و أنت طيب
و لو إنها جاية متأخرة مني

المشاركة الأصلية كتبت بواسطة sabry7

كل عام وكل من فى المنتدى بخير وشكرا لاخى سحس على الاطراء علينا ومعلش بقالى مدة مدخلتش علشان النت كان مش مظبوط
وهحكيلكم تجربتى الجديدة فى نقل الرخصة من مرور الحدائق الى مرور عبود وتجديد لمدة عام بسم الله رحت اول حأجةالمرور القديم اللى هو مرور الحدائق جبـت شهادة مخلفات بس لان الرخصة كان لسه فيه شوية ولو الرخصة انتهت بتجيب شهادة بيانات وبعد رحـــت مرور عبود اشتريت ورق ترخيص وففحص من الخزنة ب27ج خد ال30 رحت على مهندس الفحص قولتيله عاوز افحص علشان بنقل من مرور القبة لعبود راح واخد بصمة المتور والشاسية وبعتنى مرور القبة لطابقة البصمة من هناك رحت الارشيف فى القبة طلعلى ورقة البصمة القديمة وديتها للمهندس وطابقها وكتبلى فى الورق اللى انا واخده من عبود تمام ومتنساس ختم النسر من قائد الوحدة وفى بعض السيارات بيطلب استعلام مباحث عن السيارة وده سهل بتطلع على وحدة المباحث فى المرور وبيكتبوه فى نفس الورق المهم رجعت عبود للمهندس ومضالى الورق ان كله تمام وقالى يالا روح على الترخيص وسعات بيطلب من بعض العربيات المثلث وشنطة الاسعاف الحمد لله مطلبش منى حاجة رحت على بتاع الطفاية علشان يمضيلى على ورق الطفاية لقيتهم شطبوا مشيت وجيت تانى يوم الصبح وانا بركن جالى واحد قالى الركنة ب5جنية قلت مش مهم ولاقانى هفك النمر قالى بتعمل ايه قولت هفك النمر علشان بنقل من القبة لعبود قالى خليها زى ماهية طالما فى نفس المحافظة هتيقى زى ماهية فك النمر ده لما تكون ناقل من محافظة تانية قلت الحمد لله رحت واخد الطفايه على بتاع الطفايات ختملى الورق بسرعة لان نمرة الشاسية ولا باين الموتور مطبوعة على الطفاية ولسه جديدة ده ماخدش حاجة رحت رايح على التامين دفعت سنة 140 جنيه علشان العربية 1600وادانى اصل وصورة اللى حط الاصل فى الملف وخلى الصورة معاك ورحت طالع على شباك الترخيص ومعايا الورق وصورة بطاقتى لانى كنت كمان هنقل الترخيص باسمى نسيت اقولكم انى رحت بعت لنفسى العربية فى الشهر العقارى لانى كنت شاريها بتوكيل وكان فيها توكيل تانى والعقد كلفنى حوالى سبعين جنيه لانهم اعتبروها نصر بولونيز يعنى تجميع محلى خدو من نصف الرسوم اللى هى 120جنية لو العربية مستوردة بالكامل للموديلات قبل 93 المهم بتاخد العقد مع التوكيلات الاصلية وتحطهم فى ملف الترخيص علشان الوظف بتاع الترخيص او الموظفة تتاكد ان السارة باسمك علشان تنقلك الترخيص باسم المهم وصلت الشباك وخدت منى الورق وكتبتلى اروح ادفع الضريبة فى الخزنة رحت دفعت ضريبة سنة 227جنية واديتها الوصل واديتنى ورقة وديتها لبتاع النمر وراح ماضيلى عليها ورجعتهلها تانى وبعدين استنينت شوية فى شباك تانى واستلمت الرخصةباسمى وكانت نهاية الرحلة والسلام عليكم ورحمة الله وبركاته وكل عام وانتم بخير

مبروك يا صبري الرخصة
بس أنا عندي سؤالين:
1- الشهر العقاري إللي بعت فيه العربية لنفسك ده في مرور الحدائق و لا عبود؟
2- عربيتك 1600 سي سي، هل العربية متسقط لها موتور بردو و لا هي موديل كام؟

المشاركة الأصلية كتبت بواسطة se7s_g

منورين يا رجاله ................
دة نورك يا كاريكا
اهلا بيك يا حسين وكل سنه وانت طيب ...
انا اتشرفت بمعرفتكو فعلا .... وانت بالصحة والسلامة
الموتور موديل 2003 عامل ايه فالصوت ؟
هو صوته معقول بس ده بيعتمد في الاول والاخر على ظبطة الميكانيكي وخبرته في نفس الوقت
وانت حولته لكربيراتير ليه ؟
لأني سمعت من اكتر من ميكانيكي والميكانيكي اللي ركب الموتور ان الكمبيوتر (الانجكشن )مش اي حد يعرف يتعامل معاه وعايز يتقسمله ضفيرة وشغلانة
وكان سعره عامل كام ؟ والباور
اولا الموتور انا جايبه بالباور والفتيس كان عامل حوالي 5000
والتكييف كلفوك كام ؟
هو بص التكييف ده انا مركبه ساندن ياباني و كان ليه حكاية كبيرة معايا وتكلفته عدى 4500 تقريبا
وكل سنة وانت طيب

كويس جدًا الشغل إللي أنت عملته
بس إحنا عايزين نعرف حكاية التكييف الكبيرة دي

و جيبت الموتور منين؟
و هل جيبت معاه المارش و الدينامو و ........... إلخ و لا استخدمت الحاجات إللي كانت معاك أصلاً؟؟

**kreka** · 29-10-2012 02:21 AM

المشاركة الأصلية كتبت بواسطة se7s_g

منورين يا رجاله ................
دة نورك يا كاريكا
اهلا بيك يا حسين وكل سنه وانت طيب ...
انا اتشرفت بمعرفتكو فعلا .... وانت بالصحة والسلامة
الموتور موديل 2003 عامل ايه فالصوت ؟
هو صوته معقول بس ده بيعتمد في الاول والاخر على ظبطة الميكانيكي وخبرته في نفس الوقت
وانت حولته لكربيراتير ليه ؟
لأني سمعت من اكتر من ميكانيكي والميكانيكي اللي ركب الموتور ان الكمبيوتر (الانجكشن )مش اي حد يعرف يتعامل معاه وعايز يتقسمله ضفيرة وشغلانة
وكان سعره عامل كام ؟ والباور
اولا الموتور انا جايبه بالباور والفتيس كان عامل حوالي 5000
والتكييف كلفوك كام ؟
هو بص التكييف ده انا مركبه ساندن ياباني و كان ليه حكاية كبيرة معايا وتكلفته عدى 4500 تقريبا
وكل سنة وانت طيب

ياااااااااااااااااااااه 5000 كتير اوى هى دى المكنه ال 16 صباب ؟؟

والتكييف الساندن اسمع انه ب 3200 ؟؟

انت صرفت عليها كتير اوى ..... ال 10 آلاف دول على تمن العربيه كانوا جابوا عربيه حديثه مكيفه وازاز كهربا وباور

**se7s_g** · 29-10-2012 04:25 AM

كويس جدًا الشغل إللي أنت عملته
بس إحنا عايزين نعرف حكاية التكييف الكبيرة دي
مبلاش يا زيكا لحسن انا خايف على عينك ولا تنام وانت بتقراها لو مصمم انا هحكيهالك بس هي حكايا كبيييييييييية جدا وانت حر

و جيبت الموتور منين؟
من عزبة شلبي من عند واحد اسمه ياسر المحمدي معروف جدا هناك

و هل جيبت معاه المارش و الدينامو و ........... إلخ و لا استخدمت الحاجات إللي كانت معاك أصلاً؟؟
لأ الموتور مع الفتيس مع الباور وغيرت بعد الحاجات

ياااااااااااااااااااااه 5000 كتير اوى هى دى المكنه ال 16 صباب ؟؟
هو تقريبا يا كاريكا كانت في الحدود ديه بس انا جايب طرمبة بنزين كهربا ياباني واسبراتيرعادي ماليزي جديد وحاجات تاني مش فاكرهم اوي
والتكييف الساندن اسمع انه ب 3200 ؟؟
اها بس مش مضمون ان القطع ياباني او الاهم انها متكونش صيني ومضروبه وعلى العموم انا هبقى احكيلكم حكايتي مع التكييف
انت صرفت عليها كتير اوى ..... ال 10 آلاف دول على تمن العربيه كانوا جابوا عربيه حديثه مكيفه وازاز كهربا وباور
ههههه كانوا هي جرتني واحده واحده لغاية ما اتصدمة في الاخر من المصاريف ديه
بس الحمدلله الباقي بسيط ان شاء الله

**velkouf** · 29-10-2012 08:39 AM

مبروك يا باشا على التعديلات الرهيبة دى
عاوز اعرف الباور فرق معاك وانت بتركن العربية ولا اية؟
ممكن الباور يركب على اى عربية ولا لازم الموتور ال1600 بس ؟
والتكلفة كام؟

**se7s_g** · 29-10-2012 01:04 PM

[QUOTE=velkouf;3874600436]مبروك يا باشا على التعديلات الرهيبة دى
الله يبارك فيك ياباشا وكل سنة وانت طيب
عاوز اعرف الباور فرق معاك وانت بتركن العربية ولا اية؟
ازاي ايييييييه اكيد طبعا فرق كتيييييييييير جدا انا لما باجي اركن بستعرض بالعربية بصباع واحد مش زي زمان الواحد كان يجي يركن تلاقيه خارج من سونه وحاسس انه راكب ..........
ممكن الباور يركب على اى عربية ولا لازم الموتور ال1600 بس ؟
اعتقد انه ممكن يركب بس اعتقد برده انه هيحتاج تعديل قواعد وممكن يكون حمل شوية على الموتور مش عارف بس اللي يفيدك ميكانيكي اهم حاجة انه يكون بيفهم
والتكلفة كام؟
هو الباور تقريبا ممكن يكون في حدود 1000يزيد او ينقص شوية وممكن تسأل عليه في عزبة شلبي

**velkouf** · 29-10-2012 04:34 PM

اتصلت بالميكانيكى وسألتة على موضوع الباور قالى انة يركب عادى ومفيش مشكلة حتى قربة زيت الباور ليها مكان وفعلا نزلت ولقيت مكان تتثبت فية فى الكارتيرة اللى قدام السواق هتلاقى مسمارين ملهومش لازمة هم دول بتوع القربة
وقالى انة معدل عربيتين باور و مفيش مشاكل
بس انا اعرف ان الباور بيفصل بعد سرعة معينة 100 او 120 كم علشان بيبقى خطر على السرعات دى
عملت اية فى موضوع الفصل ولا عادى؟

**se7s_g** · 29-10-2012 08:50 PM

مش عارف بصراحة بس تقريبا مش مفصول واحتمال يكون كده فعلا لأن العربية بيكون فيها تعويمة بعد 120

**Ibrahim Mohsen** · 30-10-2012 04:45 PM

السلام عليكم و رحمة الله و بركاته و كل عام و أنتم بخير
أولاً: أتمني أنكم تقبلوني عضو جديد في الرابطة لأني و الحمد لله إشتريت سيارة بولونيز 86 قبل العيد بيوم واحد بس.
ثانياً: يا ريت مساعدتي في تظبيطها لأنها للأسف من الداخل و الخارج شكلها وحش جداً لأن اللي كانت معاه كان مهمل لدرجة لا توصف.
محتاج أغير التابلوه و الفرش بالكامل و كمان أعتقد إني لو غيرت بطانة الأبواب هتبقي أفضل من الموجود
ده غير السمكرة و الدوكو اللي محتجاه
و علي فكرة الركبة اليمين مشرخة و محتاجة تتغير .. قبل ما استلمها خليت صاحبي اللي اشتراهالي غير حاجات كتير في العفشة كلفت 600 جنيه .. بس أعتقد إن حكاية الركبة دي هتخليني أغير حاجات تاني في العفشة.
يا ريت تساعدوني في حكاية التابلوه أجيبه منين و بقي بكام دلوقتي .. و يا ريت لو في تليفون .. و هل في جديد منه و لا كله مستعمل .. و برضه بطانة الأبواب.
و عايز نصيحة .. بالنسبة للركبة .. أشتريها و لا أعملها عمولة؟ و هل محتاج أغير الركبتين و لا المشرخة بس؟
و ان شاء الله (لو سمحتولي) هارجع اسال علي حاجات كتير عشان عايزة تتظبط صح.
شكراً و يشرفني الإنضمام للرابطة (طبعاً ده إذا سمحتولي :))