_انا متهيألى إن صعب تتزبط_انا شايف انك تغيرلها ربع امامى افضل كتير_بس شوف اسعارة_هاتلك_ربع بالشبكة بالفوانيس_بالأكصدام_بس شوف ينفع ولا لأ.ويبقى بعيد عن رقم الشاسيه.
عرض للطباعة
_انا متهيألى إن صعب تتزبط_انا شايف انك تغيرلها ربع امامى افضل كتير_بس شوف اسعارة_هاتلك_ربع بالشبكة بالفوانيس_بالأكصدام_بس شوف ينفع ولا لأ.ويبقى بعيد عن رقم الشاسيه.
السلام عليكم انا اخوكم كريم معايا 125 بنت عم البولونيز
المهم كنت عايز اعرف سعر موتور البولونيز 1500 استيراد كام بعد اذنكم لو حد جابه وافضل مكان منين
أولاً: احمد ربنا إنها كانت بولونيز لأنها لو كانت 128 مثلاً كان زمان شاسيها اتقطم نصين.
ثانيًا: السمكرية بتوع القاهرة تعبانين و كسلانين و همهم الوحيد ياخد منك مصنعيات على قد ما يقدر من غير ما يشتغلك حاجة.
طب إيه الحل ؟؟
الحل إنك تتجه للأرياف و الأقاليم هتلاقي هناك سمكرية و ميكانيكية بيعملوا الشغل أحسن بمصنعيات أقل.
على سبيل المثال:
أنا أعرف واحد صاحبي شغال في بنها و عنده عربية رينو قديمة من إللي عضمهم ناشف زي البولونيز، و هو ماشي على الطريق السريع وقفه كمين فوقف و كان جاي وراه عربية نقل و إللي سايقها كان سرحان كانت النتيجة إنه دخل فيه و عربيته نطت و رزعت إللي قدامها و إللي قدامها رزعت إللي قدامها كمان، طبعًا دي حادثة أشد من خبطة رصيف، الرينو بتاعة صاحبي شنطتها كانت معجونة في بعضها، الكلام ده حصل عند حتة اسمها كفر أبو جمعة قرب الطريق السريع، ما عنديش فكرة إزاي قدر ينقلها عند سمكري هناك المهم العربية في خلال أسبوعين كانت رجعت زي ما كانت في الأول - بس طبعًا رشت شنطة - و الموضوع ده كلفه 1500 جنيه من الألف إلي الياء بس المهم العربية اتعدلت.
نفس العربية دي كان ماشي بيها على المحور بس على سرعة بطيئة شوية و كان واخد أقصى اليمين و بردو واحد سرحان جاي وراه بس كان سايق أكسنت - و أنت عارف عضم الأكسنت ضعيف - الأكسنت دخلت في الرينو بس الأضرار إللي في الأكسنت كانت أكبر بكتير من إللي في الرينو، قام صاحبي خد عربيته على سمكري يعرفه في المنطقة إللي هو ساكن فيها، ومع إن الخبطة تعتبر بسيطة السمكري ما رجعش العربية مضبوطة و شكلها باين عليه آثار الخبطة و عجلة من العجلتين إللي ورا مش معدولة و الشنطة ما بتقفلش كويس و حاجات غريبة عمرها ما كانت فيها، وعلى كده دفع 700 جنيه و العربية مش سليمة.
من الآخر:
أي سمكري يعملك فيها فاهم و يقولك أقص فردة الشاسية اعرف إنه مش فاهم و كسلان و مش بتاع شغل و عايز يخلص و مش عايز يتعب نفسه في فرد الشاسيه، و خللي بالك لو قصيت حتة من الشاسيه هتبقى نقطة ضعف كبيرة فيه و كفاية أوي الفردة إللي اتشرخت.
اشكرك يا باشمهندس Zika9909
لو تعرف سمكرى كويس فى القاهرة يبقى بارك الله فيك
لو سمحتو ممكن اى حد يرفعلى كتالوج البولونيز ؟؟
او يقولى هوا حاطط بيكات كام ؟
إالي الأخوة الأعزاء
تضامناه مع مالكي البولونيز من الشباب و كل اللي عاوز يعمل تظبيط في العربية :D:D:D:D ههههههه
انا كان معايا بولونيز و لسه موجودة برده و معاها اوبل فيكترا اللي محتاج يظبط العربية يقوللي و ممكن افيده بحكم اني فكيت العربية دي ع الصاج و بهدلتني كتيييييييير و برده اخدت خير منها اكتر
ع الأقل ممكن حاجات مرت علييا و عارفها لم تمر عليكم و العكس صحيح :)
و ده ايميلي يا رجالة
zalantaheeez@hotmail.com
و تحت امركم
و كمااااااان لو حد محتاج اي شغل سمكرة سلم و استلم عربيتك ع المفتاح او حسب ما تحب .... يحكم خيرتي مع الخبطات اللي ورا بعضها :d:d:d
و طبعا بتكاليف اقل يكتير من سمكرية تانيين وقعت فيهم.....
و اشهر حاجة كانت بتحصل معايا في البولونيز هو ان الكبوت يتفتح ع القزاز قدام و انا ماشي علي 120 :d:d:d:d
انا كان معايا بولونيز موديل 88 كنت شاريها زيرو ولسه بايعها السنه اللي فاتت
اكبر غلطه اني بعتها بصراحه عربيه اصيله وعمرها ما عملت في حاجه او احرجتني
صحيح خشنه شويه وتقيله في السحب لكن مميزاتها اكتر ويكفي اني اقولك ان اللي اشتراها مني كلمني بعد شهر وبيشكرني عليها
أنا ركبت عربيات كتير بس فعلاً حسيت أن أجمد عربية وأقوى عربية في الصاج والعفشة والأبواب هي البولونيز، كفاية أنك ممكن تحملها كأنها عربية نصف نقل وعمرها ما تكسفك وممكن تاخد فيها العيلة وعيلة العيلة وتسافر وتروح وتيجي معاك زي الفل المهم أنك تبقى مظبطها وأيدك فيها على طول
يا باشا هيجيبو عربيه بس محتاجة حوالى من 4الى 5 ألاف جنيه عشان تقدر تقول عربيه
السلام عليكم يا اهل البولونيز " الرجالة اوى "
انا لسه جايب بولونيز موديل 90 من شهر تقريبا
وانا مكتبتش فى المنتدى ده الا لما قرأته من الاول الى الاخر وعجبنى كل ما فيه من مشاركات ومعلومات وحميمية
اتمنى ان تقبلونى معكم
master
ايه يا شباب انتوا بردانين ولا ايه
ههههههههههههههههههههههههه
لأ إحنا مش بردانين و لا حاجة
تقريبًا الناس مشغولة أو مش لاقيين حاجة يقولوها
أنا شخصيًا مش بدخل كتير عشان عندي امتحانات
على العموم إيد لوحدها ما تسقفش، و كويس إن في حد دخل الرابطة و عايز يشارك فيها عشان أنا كنت فقدت الأمل فيها خلاص
السلام عليكم ورحمة الله وبركاته
اﻷخوة اﻷفاضل منذ زمن لم أدخل إلى المنتدى العزيز لظروف العمل والدراسة تحية إلى كل اﻷخوة القدامى والجدد وأرجو أن تستمر الرابطة
لي بعض الاستفسارات:
- قفل شنطة السيارة بدأ في التعليق ، حيث أنه عند شد الذراع الخاص بالشنطة لا تفتح ويجب أن أجذبها بقوة كيف أقوم بتزييت القفل وما هي المادة المستخدمة
- السيارة عند الانتقال من سرعة لأخرى لا تستجيب بسرعة للضغط على دواسة البنزين لفترة بسيطة ثم تبدأ السيارة في اﻹسراع والاستجابة للضغط على دواسة البنزين ، ولا أعلم أين المشكلة
- الفتيس يعلق معي في الثاني والخامس ولا أستطيع أن أعود للأول عندما أبطء السيارة طالما السيارة ما زالت تسير فيجب أن أقف تماماً لأستطيع العودة للأول
آسف للإطالة
انا عاوز اعرف اية الحل فى علبة الدريكسيون كل مرة اظبطها وبعد فترة قصيرة ترجع ثقلية مرة اخرى مفيش حل نهائى
إزيكم يا رجاله البولونيز انا كنت معدى قلت أسلم عليكم
العربيه عامله ايه معاكم ؟
حد يعرف مقاس إطارات البلونيز، انا اللى راكب عندى 175\70 r13 و مش عارف ده مظبوط ولا لأ
رجالة البولونيز_حد معاه عربية بولونيز محترمة وواقفة كدة_فابريقة دواخل_وتابلوه محترم_ومش ملعوب فيها_بسعر محترم للبيع_علشان انا بشوف عربيات بولونيز تحس إنها بتاعة واحد عندة 60 سنة_ومن عصر التنين_انا عايز عربية محترمة ماتتعبنيش
مطلوب سياره بولونيز فابريكه دواخل وحالتها تكون جيده سعر مناسب0124206833
ياريت تكون 87 فيما فوق
السلامعليكم ورحمة الله
انا عضو جديد فى المنتدا وعلى فكرة دى اول مرة اشارك فى منتدايات
انا عندى عربية بولونيو موديل 90 وهى عربية بصراحة مظلومة جدا فى مصر عربية جميلة جدا وحمالة اسية بقلها معايا سنتين مشكله قليلة بس انا عندى مشكلة الان مع الدركسيون بحس انه بيعاكس شوية لما اجى احود شمال يا ريت حد يقولى المشكلة ممكن تكون ايه
وانا بشجع جدا رابطة البولونيز وانا هكون اول مشارك فيها
محمد صلاح
معلش انا ليا استفسار حيحدد اذا كن ممكن اشترى بولونيز ولا لا
فيه تعديل بيتعمل للشكل ده
http://www.fso-klubi.net/kuvat/ossi/atu_www.jpg
الشكل ده نزل موديلات من 97 تقريبا ومش مكلف بيركب ربع امامى بصراحة لو عملته هيفتح نفسى على شراء البولونيز بس عايز اعرف هل حد جرب يعمل الموضوع ده وايه نتايجه ؟ والاهم من كل شى المرور بيوافق عند الفحص عادى ولا بيعمل مشكلة ان الشكل مختلف عن الموديل اللى فى الرخصة ؟
انا قدامى بولونيز موديل 88 فابريكة دواخل وخوارج بس هى هتحتاج وش نظافه
عمرة من شهر ودى اول مرة يتفك فيها الموتور وصاحبها بيقول 14000
ايه رايكم فى السعر؟
ايه رايكم فى البولونيز اصلا لانى سمعت كلام كتير عكسش بعضه
وانا عاوزها للسفر فهلا هى اختيار موفق؟
وشكرا
الأخوة الأفاضل
العربية من فترة كان سحبها سئ جداً ، نظفت الكاربرتير ، وظبطت التاكيهات ، وغيرت البوجيهات وفعلاً يوم مخدتها من الميكانيكي كانت تمام وسحبها ممتاز (تجربة سريعة في مشوار صغير) ، بعد كده لقيت لما بدورها العربية بتبطل لما أدوس دواسة البنزين جامد (يعني لازم أدوس دواسة البنزين تدريجي أول مدورها لحد ما العربية تدور طبيعي) وكمان لما أدوس البنزين جامد وأنا سايق العربية متستجبش إلا بعد شوية ناس قلتلي غير فلتر البنزين ةقبل مغيره العربية بدأت تفرقع كل ما أزود بنزين فغيرت الفلتر لكن العربية فضلت زي ما هي فرحت للميكانيكي قاللي متلتة وغيرلي البوجيه القاطع وضبط هوا مع بنزين وجربتها وكانت تمام وسحبها كويس بس التجربة كانت في شارع الهرم يعني وسط الزحمة ومكنتش عارف أجري بيها قوي
امبارح كنت طالع بيها مشوار على المحور ولاحظت أول مدورتها إنها لسه بتبطل أول مدوس بنزين جامد بس ده كان لمرة واحدة وبعد كده خلاص أدوس جامد عادي وعداد الـ rpm بيعلى مع الدوسة وعادي ، المهم لما طلعت المحور كنت بجري بالعربية ولقيتها بتسحب وكل حاجة تمام بس لما بدوس الدواسة لآخرها فجأة العربية بتفضل على سرعتها شوية وبعدين تبدأ تجري ، ولاحظت كمان إن عداد الـ rpm بيوصل لـ 30 وأنا على الرابع عند 80 - 90 كم (أنا كنت قريت أحد الأخوة بيقول إنه بيجيب الـ 100 على الرابع) فيا ترى ده عيب إيه أنا شاكك في اسطوانة الدبرياج بس مش متأكد يا ريت حد يقللي شكي في محله والا ده عيب تاني
شكراً
اعتقد كدا الموضوع ظبط كابراتير وهوا وكهرباء مش مكلف بس روح لواحد بتاع كابراتير متخصص مش ميكانيكى
وعلى فكرة فيه حاجة مش مكلفة وتريحك مع العريبة انك كل 6 شهور او سنة حسب استخدامك تروح لبتاع الكاربراتير وتعمل الاتى :
تغيير فلتر هواء 12ج
تغيير فلتر بنزين 6ج
تغيير طقم بوجيهات 25ج
تغيير ابلاتين وكوندينسر 15ج
وتخلى بتاع الكرابراتير يظبطلك بنزين وهواء وكهرباء وينضف الكاربراتير ج20
كدا 80 جنيه بس اشتريت دماغك بمبدا الوقاية خير من العلاج
بالنسبة للشكل إللي في الصورة ده بدأ من سنة 1992 مش 1997 و إللي في مصر هاتش باك مش صالون زي إللي في الصورة، يعني ممكن تدور على بولونيز 1992 بدل ما تعدل في الشكل القديم، و لو أنت غاوي تعديل أظن إن الموديل القديم و الجديد نفس المقاس يعني مش شرط تغير ربع أو نص ممكن تعدل على الشاسيه الأصلي، أما بقى بالنسبة للمرور علمي علمك و لو سألت قول لنا.
بالنسبة لمشكلة التقطيع اللى الاخ بيقول عليها
هاؤلك علشان انا مأسى مع البلونيز دة 13 سنة واكتر
اول حاجة دى نضافة كربراتير ولازم تروح لواحد بتاع كربراتير تقولة العربية بتقطع فى السلانسية وفى السحب بتتخنق فى الاول
هايعملك تنضيف وتسليك مجارى الهوا وتسليك الابرة بتاعة العوامة
لو انت قريب من بنها او تقدر تيجى بنها قابلنى وانا هاوديك لواحد بتاع كربراتير محترم جدا
بعد نضافة الكربراتير غير بوجيهات وفلاتر خصوصا البنزين
بالنسب للاخ اللى بيسأل على الشكل
انت ممكن تغير الشكل وهتلاقى الربع الامامى والخلفى فى عزبة شلبى
دور جوة الموضوع هنا هتلاقينى حاطط رد فية اسعار كل القطع واماكن بيعها
اخي الفاضل
أنا فعلاً نظفت الكاربرتير من شهر تقريباً وغيرت معاه البوجهيات ، وتم تنظيفه بمنظف الكاربرتير والعربية اتحسن سحبها بعد التنظيف لكن ظهرت مشاكل
1- مشكلة تبطيل السيارة لما أدوس بنزين جامد أول مدورها ، ودي اتحسنت بعد مغيرت بوجيه قاطع والميكانيكي ضبط هوا وبنزين ، لكن لسه موجود على خفيف يعني بتحصل مرة واحدة أول مدور وبعد كده خلاص الأول كنت كل مزود بنزين بشكل مفاجئ تبطل دلوقتي لأ هي مرة واحدة وخلاص
ملحوظة:العربية مش بتقطع في السلانسيه
2- السحب بقى أحسن لكن ما زال الاستجابة بتتأخر خاصة عند تغير سرعة الفتيس يعني عند النقل من سرعة لسرعة
يا ترى كده برضه كاربرتير ، والا دي مشكلة في اسطوانة الدبرياج