و هو مينفعش غير حاجات البولونيز يعني مينفعش مساعدين فيات او شاهين مثلا و معقول الاكصدام الامامي يعمل 500 جنيه هل دا سعر طبيعي و مينفعش ليه بديل تاني
عرض للطباعة
و هو مينفعش غير حاجات البولونيز يعني مينفعش مساعدين فيات او شاهين مثلا و معقول الاكصدام الامامي يعمل 500 جنيه هل دا سعر طبيعي و مينفعش ليه بديل تاني
هو زى ما انتو عارفين البولونيز كانت اشترتها شركة دايو ونزلتها بإسم FSO daewoo
لاكن الكلام دة برة مصر فأنا ماعرفش النظام هنا اية
بس انا عايز اعرف منكم لو ممكن تساعدونى
انا عايز اغير الموتور لا الموتور اللى عندى تعب فا مش عارف اجيب اية
ياترى تنصحونى بإية انا العربية عندى موديل 89 موتور 1500 سى سى
ولو هاتنصحونى بموتور معين اجيبة منين وبكام
وليكم خالص الشكر
يا جماعة هو لما فرامل اليد تكون سايبة يبقى لازم أغير المساتر الخلفية ، والا فيه علاج واصلاح لها
ولو لازم تتغير مفيش بدائل لها يعني مثلاً مينفعش يركب ماستر عربيات أخرى
شكراً
يا ريت تقولى بيتباع فين فى التوفيقية
السلام عليكم
ازيكم يا رجالة البولونيز
قررت ابقى بولونيزى زيكم
ان شاء الله بكره هيكون عندى بولونيز
موديل 88 كانت مرفوعه 7 سنوات
فابريكه دواخل وكان اول استعمال ليها حريمى وتانى يد مدرس مشغول دايما بالدروس ومش بيمشى بيها كتيير وبيقولى ان صاحبتها الاولى هيا بنت الشيخ الشعراوى
ان شاء الله من بكره هكون معاكم
والله يا باشا خلصتها على 14 الف وصاحبها بيقول انا مكنتش عايز ابيع اقل من 15
وانا شايف انها كدا لقطه لانى نزلت السوق وشوفت عربيات اقل منها فى النظافه وبيتقال فيها 16
و كمان اقل منها فى الموديل
وانا رحت بيها النهارده مشوار حوالى 70 كيلو رايح جاي
العربيه فعلا جباره
والدركسيون بتاعها ناعم جدا ومش حاسس بانه تقيل زي ما بيقولو
وكمان الحراره عاديه
انا عندى 128 بروح بيها نفس المشوار بتموت
السلام عليكم
اولا كل سنه وانتم طيبين جميعا
انا لله الحمد امتلكت البولونيز المظلومه بجد بين السيارت معا انها حقيقى عربيه محترمه بجد انا من زمان نفسى اقتنيه واتمنا ان اكون صديق للرابطه الجميله دى وندى البولونيز حقها شويه وان شاء الله اى حاجه جديده هعملها فى العربيه
هقولكم عليه فورا ونسيت اقولكم موديل العربيه 81 لو حد عنده اى معلومه عنها يريت ميبخلش عليه بيها اسف
لااطاله
مهما طولت معاكم و قعدتوا تقولوا و تعيدوا برده معظمكم باعها.....ههههههههه
وكانت نهايه الاسطوره والملكه بولو:120146b خلااااااااص بعتو القضيه وبتو الدبابات:beatdeadhorse5: وأنا الى كنت ناوى أجيب بولونيز !!!!!!!!!!!!!!:B4_237:
بعد ما الصنى والاوبترا كبرت فى دماغى وهجيب بلونيز :shyy:,,,,,,,,,,,كل سنه وأنتم طيبيين
طيب تفتكر مرحله فيها خساره جامده وله مرحله كويسه زى باقى العربيات اصل انا كل ما ادخل على موضوع للبلونيز القى الرد فبه قليل جدا
السلام عليكم ورحمة اللة وبركاتة
انا قدامى عربيتيين بيجو 305 موديل 79 وبولونيز موديل 86 بس انا محتار لان الاتنين كويسين بس مشكلة البولونيز صوت الماتور عالى وهل دة لية حل؟
:U_thin1[1]:
اولا كل سنة وحضرتك طيب
ثانيا :
احنا بنقول ونعيد ونزيد فيها لأننا هنا رابطة البولونيز محدش قال اننا هنتكلم عن عربية تانية :brn:
كمان طبيعى ان اى حد ربنا يكرمه اكيد هيفكر يغير عربيته ويجيب حاجه أحدث :36_1_58[1]:
عن نفسى لو ربنا كرمنى بمبلغ محترم اكيد هفكر اجيب حاجه احدث بس والله وبكل صراحة اكيد هزعل جدا انى ابيع البولونيز حبيبتى اللى مستحملانى وعمرها ما اشتكت.
بالإضافة ان انا شايف ان حتى لو حد باع عربيته هتلاقى اكتر من واحد جديد فى المنتدى اشتروا العربية دى وما شاء الله العدد بيزيد كل يوم :049:
خلاصة الكلام
هات أى عربية فى موديل وقوة ومتانة البولونيز وبالسعر اللى بتتباع بيه البولونيز حالياً واحنا نشكرك
غير كده يبقى مفيش داعى اننا نتريق على العربيه بدون اى مبرر .
وشكرا لحضرتك
تقبل تحياتى :ma:
كل سنة وحضرتك طيب
مين اللى باع القضية :O_stupid[1]:
كل ما فى الحكاية اننا لسه خارجين من صيام دى حاجه
والحاجه التانية ان قسم الفيات عموما نايم شوية والمشاركات فيه ضعيفة بعكس باقى الأقسام :36_1_50[1]:
وعموما ربنا يكرمك وتجيب احلى بولونيز فى المنتدى :S_thum1[1]:
وحضرتك طيب
لو حضرتك معاك مبلغ أكبر من سعر البولونيز ولقيت حاجه أحدث يبقى تمام
يعنى هنبقى بنضحك على بعض لو قولنا ان البولونيز احسن من الأوبترا والصنى فرق الموديل والنعومة هيفرق بس طبعا على حساب فرق سعر قطع الغيار
يعنى العملية نسبية عايز تاخد حاجه احدث وانعم ومكيفة ومستعد لتحمل اسعار صيانة وقطع غيار غالية نسبيا يبقى على بركة الله
اما لو العملية يدوب ومش مستعد تتحمل تكاليف كتير يبقى خليك معانا ومنورنا فى رابطة البولونيز
بس حاول تشوف حاجه حالتها كويسه
تقبل تحياتى
مرحلة كويسه من ناحية ايه؟
لو تقصد من ناحية اعادة البيع فللأسف مش هقدر اطمنك فى الموضوع ده (العربية تقيلة فى بيعها عن باقى العربيات) وعلشان كده هيا مظلومة.
لو تقصد من ناحية انها مرحلة انتقالية وفى حدود سعرها فانا رأى الشخصى انها افضل الموجود بالسعر الحالى بس اهم شئ تختار عربية حالتها كويسه علشان متتعبش وتكرها
وموضو قله الردود فى الموضوع فده راجع لأسباب كده سبق ووضحتها فى مشاركة سابقة
تقبل تحياتى وكل سنة وانت طيب
وعليكم السلام ورحمه الله وبركاته
بيجو 305 شكلها حلو عن البولونيز
غير كده معرفش اى حاجه عن امكانياتها ممكن حضرتك تسأل فى قسم البيجو واكيد هما هيفيدوك اكتر منى
وبالنسبة للبولنيز فأكيد شهادتى فيها هتبقى مجروحة بس ممكن حضرتك تراجع مشاركات باقى الأعضاء هنا فى الرابطة وتشوف رأيهم فيها ايه
- بالنسبة لصوت الموتور العالى فأعتقد ده راجع لأن سير الكاتينة فيها جنزير غير حاجات تانية ممكن تتضبط والصوت يوطى شوية
لكن انها تبقى سيلنت فده اكيد مستحيل :E_braces[1]:
وربنا يوفقك للى فيه الخير
تقبل تحياتى ونورت الرابطة
انا عندى بولونيز مو 87
المشكله ان مفتاح الكونتكت مش عاوز يدور و الدركسيون مش موسوجر؟
ارجو الافاده
حصلت معايا قريب :E_braces[1]:
جبت واحد بتاع مفاتيح لقى ان المشكلة كانت فى بلى الكونتاك وغيرهم وعملى نسخه مفتاح جديدة واخد 40 جنيه :I_angr1[1]:.
بعدها بأسبوعين عملتها معايا تانى
ساعتها قررت انى اغير الكونتاك بحالة
واشتريت واحد ماليزى سعره تقريبا 70 جنيه مش فاكر قوى الصراحة وغيرتها الكونتاك بنفسى ومن ساعتها والعربية تمام والحمد لله.
كمان فى كونتاك تركى بس ده أغلى شوية فوق الـ 100 جنيه بس اللى اشتريته انا كان ماليزى.
تقبل تحياتى.
شكرا جدا أ/ محمد http://www.nilemotors.net/Nile/image...ces%5B1%5D.gif
معلش عندى سؤال تانى هو استهلاك العربية اد اية فى البنزين علشان كل ما اقول لحد بولونيز يقوللى دى بتاكل بنزين:11:
تصدق
حاولت احسبها كتير وفشلت
لأن معظم المشاوير اللى بعملها بيها صغيرة
بس بالنسبالى حاسس انه استهلاكها متوسط لا عالى قوى ولا قليل قوى
انا بفولها بنزين 80
بس بوجه عام
البولونيز او اى عربية تانية هتظبط الكربراتير وتغير طقم الكهربا (بوجيهات وابلاتين وكوندنسر) وحاجات تانية مش فاكرها دلوقت
وهتلاقى استهلاك العربية اتعدل عن الأول وقل كمان
وربنا يوفقك
تقبل تحياتى
مفاجأة
زى ما وعدتكم قبل كده
تم رفع كتالوج البولونيز مرة أخرى
لأن سبق ورفعه زميل هنا فى المنتدى وللأسف مش لاقيه
فقولت ارفعه تانى لإفاده
ويارب تستفيدو منه
ملحوظة : الكتالوج باللغة الإنجليزية وشامل جميع أجزاء العربية
http://www.mediafire.com/?33ispr2rghw8ri4
قسم الفيات نايم_ياراااجل_ دة كفاية رابطة التمبرا_ورابطة الأونو_ويوكو_وسمسم اونو_وهشام بتاع التمبرا_وعمر سيبا_ودودچر_هو فى حد بيشارك ويرد اكتر من رجالة الفيات_دة حتى انا18 ساعة فى اليوم موجود معاكم من الموبايل_وبقالى يومين بتابع رابطة البولونيز_لأنى بحبها جدا_بس لما حد بيشد معايا منهم_ما بيشوفنيش قدامة.لولا حبى للسيارات الصغيرة_كنت اشتريت واحدة.
أنا لسه شاري بولونيز 92 من أقل من 3 شهور.
أرجو أن تقبلوني في رابطة البولونيز.
[frame="9 10"]
السادة اعضاء الرابطة الكرام
موضوع مهم الاطلاع و التفاعل معة للاهمية
ودة لنك الموضوع
http://www.nilemotors.net/Nile/184134-a.html
تقبلوا مرورى
[/frame]
ازيكم يا رجالة ...عاملين ايه؟
دلوقتى انا كنت بتعلم سواقه من كام يوم كدا المهم ... عملت حادثة و خبطت الرصيف و كسرته وكنت جايب الدركسيون شمال على الاخر وكنت دايس بنزين بدل فرامل وانا بلف ملف .
الى حصل فردة الشاسية اليمين اتعصرت والشمال اتشرخت وانا العربية لسة ماكملتش معايا.
المهم رحت عند سمكرى يظبطهلى علشان كانت بتحدف يمين جامد جدا لدرجة انها ممكن تعمل خامسة لوحدها .
السمكرى قعد 3 ساعات يشد بالزرجينه وفى الاخر ماعرفش يظبطهالى صح.
فهل اروح عند سمكرى تانى يعدلهالى ولا اقص فردة الشاسية (والناس بيخوفونى من الحوار دا جامد) واركب واحدة تانية.
ارجوكم افيدونى علشان انا لسة ماتهنتش بالعربية وحصل فيها كدا؟
معايا بولونيز مو 87