السلام عليكم
أنا معايا بولونيز 89 ظبط فيها كل شئ تكيهات وموتور وأصبحت بعد ذاللك بتأكل بنزين بعد ما نظفت بك السلانسية ياترى ما السبب
وشكراممكن أد من زوى الخبرة يرد على
عرض للطباعة
السلام عليكم
أنا معايا بولونيز 89 ظبط فيها كل شئ تكيهات وموتور وأصبحت بعد ذاللك بتأكل بنزين بعد ما نظفت بك السلانسية ياترى ما السبب
وشكراممكن أد من زوى الخبرة يرد على
ياترى فى اى حد معة كاتلوج العربية ممكن يرفعة علشان نتعرف اكتر على العربية
بعد ما قريت ال40 صفحة واستفادت فعلا وشكرا ليكم
عرفت ليه ولدى مش عايز يسيب العربية دى رغم انى انا مش بحبها
لكن انا حسيت فعلا اننا عندنا وحش مش سرعة دا وحش عضم وحديد
حبيت اوريكوا صورتين ليها وشوفوا التعدلات بس دى عربية فى اوربا
http://img138.imageshack.us/img138/9929/polonez23.jpg
http://img341.imageshack.us/img341/6906/polonez2.jpg
http://img10.imageshack.us/img10/7920/polonez24.jpg
http://img532.imageshack.us/img532/7738/polonez.jpg
لو حد عايز يبيع بولونيز تكون فابريقة دواخل و تكون بحالة ممتازة يقولى ضرورى.
بس أوعى تنظف الكربراتير عند ورشة مش محترمة وأياك أن تغتر بالشهرة
أديك مثال لورشة معندهاش ضمير وبسببها حصل مشاكل كتيييييييير في عربيتي بعد ما عملت هندهم الكربراتير وهي (ورشة الحاج إبراهيم الموجودة نواحي شارع الترعة البولاقية بشبرا) الشارع إللي هو أمام عمر أفندي (حسبنا الله ونعم الوكيل في هذه الورشة) لأنهم ليس أهلاً للثقة والأمانة ومعانهمش مانع أنهم يسرقوا إللي في جيبك كله
الآن أصبحت عضواً في الرابطة ببولونيز موديل 90
تحية لكل أعضاء الرابطة
ولي سؤال: كيف أحافظ على تابلوه السيارة من التشقق ﻷنه سليم ، هل استخدم الاسبراي الملمع أم أنها تفسد التابلوه
شكراً
انا كمان جبت بلونيز 90 يوم الجمعة اللى فات
انا عربية فابريكة دواخل والتابلوة فابريكة والصالون جيد جدا والموتور بحالة ممتاز
والحمد لله العربية مش محتاجة اى مصاريف انا العربية معى من اسبوع باركب وامشى على دور
وكمان السعر خاص جدا 16000
انا لسة شايف عربية موديل 88 والعربية كلها بارومة من تحت صاحبها عاوز 17500
الحمد لله انا ربنا كرمنى جدا بصراحة مش انا السبب انا مش بفهم فى العربيات خالص بس زوج اختى هو اللى كان بيدور على العربية
كنت عايز أعرف إزاي أحافظ على التابلوه من التشقق
ممكن حد يقلنا طريقة مناسبة
ألف مبروك ومرحبا بيك معانا
بالنسبة للتابلوة انصحك بلاش الاسبراى لأنى اعتقد انه ممكن يخليه يشقق وينشفه.
كان فى زميل معانا ف المنتدى نصح بإستخدام الفازلين الطبى ، يعنى تحط طبقة من الفازلين على التابلوه وتسيب العربية فى الشمس ساعتين كده وبعدها تمسح الباقى بفوطه نضيفة ، على فكرة أنا جربت الطريقة دى وجميلة جدا وخلت التابلوه يلمع قوى ، وفى طريقة تانية باستخدام زيت البرافين بتحط نقطة أو اتنين على قطنه وتمسح هتخلى التابلوه يلمع جدااااااااا.
اعتقد العضو اسمه أشرف فتحى وهو انسان محترم جدا ( أحسبه كذلك ولا ازكى على الله احد ).
وربنا يوفقك ومبروك مرة تانية.
انا بصراحة كنت فاكر ان انا بس الي بحب البولونيز لكن الحمد لله لقيت جروب انا من امبارح بشوف ف 42 صفحة كلهم اجمد من بعض انا معايا بولونيز موديل 1987 كانت مركونة من سنة 90 وعاملة 60.000ك/م بس فابريكة بره وجوه واشتريتها شهر 7/2009 صراحة ممتازة ومصرفتش كتير لكن مشكلتي فالسخونية
ولكن عملت فيها تعديلات للافادة لأصحاب المدرعة الملاكي بالنسبة للسخونة جبت ريداتير اماراتي 3 ماسورة و غيرت طرمبة المياه و حطيت بتاعت فيات 131 و شلت الترموستات اللي عامل زي الغطا فالطرنبة لأن ده معمول انه يسخن العربية بالنسبة لتصيم بلادها و كمان شلت مروحة الريداتير و حطيتها على سير الدينامو و بقت ممتازة
ده غير اني عملت عمرة كاملة لأن الركنة كان ليها اثر على البساتم
صراحة العربية بتجري و شديت مع فيرنا وكانت الفيرنا بتسرخ وانا محافظ عليها صراحة بحطلها بنزين 92 و بغير زيت شل كل 3000ك والعربية ممتازة وانا معجب بيعا عن اجدعها عربية فالسوق
وياريت تقبلوني عضو فرابطة (البلونيز)
سؤال لأهل الخبرة قبل مروح للميكانيكي
العربية اللي اشتريتها لقيت الفتيس بتاعها بعلق معايا في الثاني ، يعني لما أجيب الثاني وأحب أغير للأول أو الثالث ألاقيها معلق وبعد محاولات ينقل
حد عارف المشكلة دي ممكن تكون من إيه
ملحوظة بقية السرعات مفهياش أي مشاكل
روح فضي زيت الفيتيس مش تزوده فضي بالكامل واملاه من الأول بعد ما يتصفى هتحس بفرق شاسع حصلت معايا قبل كده
ولو مظبطتش شوف الغويشة بتاعت التاني عند اخصائي فتيس ولو عايز حد اوديك
على فكرة زيت الفتيس ممكن يكون السبب وتكلفته 40 جنيه
ياجماعة انا عضو جديد معكم وولسة بايع عربيتى 128 وعاوز اجيب بولونيز
بس عاوز اعرف اسعار اليومين دول بالنسبة لموديلات 88:90 كام لوحالة العربية معقولة و لو الكرونة فيها شغل هو ممكن الكرونة تتغير وسعرها كام
معلش سؤال تانى بالنسبة لو استعملت بنزين 80 دة حيأثر على السحب بتعها بشكل ظاهر مع العلم اننا فى ال128 عمرى ماستعملت بنزين 80
بالنسبة لسؤالك عن أسعار اليومين دول مش هأقدر أفيدك ، وأنصحك لما تجيب عربية تكون الكرونة بتاعتها كويسه علشان تريح دماغك ومتكرهش العربية من أول ما تجيبها.
اما بالنسبة للبنزين فأنا مش بستعمل غير بنزين 80 ويوم ما بحطلها بنزين 90 بحسها عايزة تزغرد من الفرحة ، فى رأيى بلاش تدلعها وتعودها على الدلع 80 حلو قوى معاها بس ابقى غير فلتر البنزين بأستمرار علشان الشوائب اللى ف بنزين 80 كتير .
اه نسيت أقولك أهلا بيك معانا فى المنتدى عضو جدي وغالى وإن شاء الله تبقى معانا فى رابطة البولونيز.
أنا كنت جايبها ب15 ألف وكان طالب 18
مشكورا على رد الاعضاء وجزاكم الله كل خير
اسفسار الى خبراء البولونيز
هو في فرق بين البولونيز البولندي و المحلي انتاج شركة النصر سواء في السعر او الجودة
لا اكيد مفيش فرق ولا حاجة وحتي لو في بعض الفروق في التجميع مثلا فاعتقد بعد عشرين سنة شغل واكتر فالعربية اتغير فيها كل حاجة وبقت تقفيل وكالة البلح
سؤال للأخوة اﻷفاضل
عايز أطمئن إن الردياتير سالك ومش مسدود ، أروح لواحد بتاع ردياتير واﻻ أروح للبنزينة أفضل
وهل نظام تنظيف الردياتير في البنزينة بيسلك الردياتير لو فيه بعض اﻻنسداد
شكراً
أنا لسه شاري عربيتي من أسبوعين موديل 90 فابريكة برة وجوة وحالتها كويسة جداً بـ 18250
اﻷسعار اللي شفتها وأنا بشتري بتتراوح من 16000 موديل 88 لحد 20000 موديل 90 وده السعر اللي معروض
ممكن تجيب حاجة كويسة من 15000 بس هتبقى محتاجة لبعض الشغل مثل توضيب الصالون أو الدهان الخارجي وطبعاً لازم تفحص العربية كويسة علشان تتأكد إن الموتور والعفشة والكرونة
بالتوفيق إن شاء الله
ياجماعة أنا عايز أشتري بولونيز موديل قريب من التسعين .. يعني 88 ماشي ... 89 ياجمالو ... 90 رائع .... حد ممكن ينصحني بحاجة ألاحظها في العربية معينه قبل ما أشتري ... أو أكشف على أيه بالظبط ؟؟؟ غير طبعاً البارومة والحاجات العادية ... أنا قصدي الحاجات المميزة للبولونيز ..وهل ممكن يركب لها تكييف والا مافيش أمل ؟؟؟ لأني بصراحة عايزها تبقى عربية العمر.. أرجو الرد مع خالص شكري ... وإن شاء الله أكون عضو في الرابطة قريب
فكرة التكييف في البولونيز دي مستحيل لأن السيارة أصلا مصممة لدول متجمده و عمر ما الماتور بتاعها او بتاع الفيات يصمد مع التكييف والتكييف أصلا محتاج تبريد للموتور بدرجات عالية جدا ولو كان ينفع يركبلها تكييف مكانش الخواجة البولندي بخل علينا بيه لكن هي عربية شغل مش رفاهية وبعدين كمان بولندا دي من دول الكتلة الشيوعية يعني الرفاهية بنسبة 30% أو 40% فالعربية :36_7_7[1]::Y_hi_3[1]:
انا معي بولونيز 91 سياره رائعه محتاجه شغل تعديلات و وتبقى افضل سياره في السوق المصري
انا عندي اقتراح يا جماعه ليه ما نتجمع في مكان ونتقابل ونشوف عربيات بعض ونحاول نظبط مع اماكن محدده نصلح فيها كلنا وناخد تخفيضاتا كويسه يعني نعمل رابطه ولو الفكره ما عجبتكمش ياريت لو نفكر ازاي نستفيد بتعارفنا ببعض
انا قدامى بولونيز موديل 1988 بس الكارونة عاوزة تتغير على 12000 اية رأيكو