ربنا يكرمك يا باشا المدافع ديه ممكن تكون من الابلاتين (الخلوص عاوز يتضبط)والكوندنسر خلى الميكانيكى يبص عليهم
عرض للطباعة
أنا الحقيقة آثرت السلامة ولم أستخدم السيارة في ذلك اليوم ، خصوصاً وأن ردياتير السيارة غير مضبوط والمياه تقل منه في كل مشوار
وبالمناسبة أنا رحت لواحد بتاع ردياتير قاللي إني الردياتير لازم يتغير ، وهيركبلي ردياتير البولونيز 3 ماسورة لأن اللي راكب في عربيتي بتاع البيجو إيه رأيكم هو ردياتير البولونيز الـ 3 ماسورة ده كويس للسيارة ، والا أقله يركب حاجة معينة شكراً
على فكرة رداتير البولونيز اللى بينزل مع العربية 2 ماسورة ولكن علشان الجو الحر بتاع مصر لازم تعدله ل3 ماسورة واللى موجود فى السوق أشهرهم نوعين رداتيرالشيخ وردياتير البستانى. ويقال البستانى أنضف وأحسن
ويا ترى قالك السعر كام علشان أنا عندى نفس المشكلة ورحت لبتاع الرداتير قاللى ال3 ماسورة دراتير البستانى ب350 جنية وممكن ينزل شوية
يا جماعة أنا عملت نصف عمرة للسيارة البولونيز بتاعتى ودية أسعار قطع الغيار اللى جبتها
1- طقم شنبر سعره 90 جنية من عند ملك الشنبر فى التوفيقية
2- أسطوانة دبرياج 75 جنية من محل الفتح بالتوفيقية
3- طقم صبابات 115جنية من محل مجاور لنا
4- طلمبة ميه 100 جنية من نفس المحل
5- طقم بوجيهات بوش روسى الصنع 25 جنية من الفتح بالتوفيقية
6- طقم جوانات 55 جنية + جوان وش سليندر 15 جنية + طقم كاوتش صباب 15 جنية من محل الفتح بالتوفيقية
وأجرة الخراط 65 جنية وأجرة الميكانيكى 200 جنية والميكانيكى معرفة
إية رايكم فى هذه الأسعار
هو قاللي التكلفة 300 جنيه ، بس مقليش نوعه كل اللي قاله إنه 3 ماسورة
ولي سؤال: واحد قريبي كان قاللي إني أركب ردياتير نحاس ، هما دول بيبقو نحاس
السؤال التاني: إزاي أتأكد إن الردياتير بتاعي فعلاً عايز يتغير وإن العامل مش يبضحك عليا (هو قاللي إن فيه مزيل صدأ اتحط في الردياتير وكله وفعلاً فيه آثار بيضاء وخضراء على الردياتير من بره) فكده يبقى عايز يتغير؟؟
أصل أنا بعد كده لقيت المياه بتسرب من أسفل القربة ومش عارف كده يبقى المياه بتقل من القربة والا الردياتير بيهرب المياه برضه
أرجو المشورة
1- لازم تسأله على النوع وتسأل أكثر من واحد علشان توصل للسعر المعقول
2- النحاس أفضل علشان التبادل الحرارى أعلى من الحديد فبيبرد بسرعة
3- الرداتير بيبقى عاوز يتغير لما تلاقى درجة حرارة العربية (مؤشر الحرارة) بيعلى بسرعة والماتور بيسخن أكثر من اللازم والرداتير بينقص ميه كثير بس إتأكد أن السخونة مش من طرمبة الميه ولا من تاكيهات محملة
4- المفروض الأول يسلك الرداتير ويلحم الأخرام الموجودة أما لو كانت السربنتينه بتاعة الرداتير متأكله فلا بد من التغيير لأن اللحام مش هينفع وهيسد المواسير الموجودة فى السربنتينة
ممكن سعر كارونة البولونيز دلوقتي كام تقريبا
السلام عليكم إخواني مالكي المدرعة الملاكي
والله أنا بقالي كتير مادخلتش على الموقع لكن لما دخلت دلوقتي لاقيت مواضيع كويسة والرابطة عمالة بتقوم على حيلها وتتماسك تاني
عايز أحيكلكم مآساتي في سوق الجمعة بالأمس
بصراحة كان يوم سيء بكل المقاييس
الجو كان حااااااااار جداً وطبعاً أنا رايح من الصبح علشان أدخل بعربيتي أبيعها، والحمد لله وقفت في ساحة بيع السيارات، وكان كل إللي بيشوف العربية معظمهم تجار وطبعاً عايزين يموتو السعر علشان يطلعوا بمصلحة وكل ما يقلل في سعر العربية يبقى ده فائدة مادية كبيرة للتاجر وطبعاً فضلوا يحومو ويلفو ويدورو عليا أكثر من مرة علشان يقنعوني أبيعها بالسعر إللي هما عايزينه لكن أنا فضلت ثابت على موقفي، إللي يقوللي 13500، وإللي يقوللي 14000، وإللي يقوللي 15000، وطبعاً هما عارفين قيمة العربية كويس بعد مافحصوها من الألف للياء، وعذبوني جنبهم.
وطبعاً أنا راسي وألف جزمة أبيعها بـ 15500 لأني والله العربية دي قيمتها عندي غالية جداً، المهم فضلت واقف حتى الساعة 5 مساءاً فلما لاقيت الجو كله تجار في تجار وممكن الموضوع يتحول إلى نصب لأني أنا ماليش في البيع والشراء بدرجة كبيرة أخذت عربيتي ومشيت.
بس سبحان الله والله العربية أول ما طلعت من السوق كأنها مبسوطة أنها ماتبعتش وحسيت أن العربية بتجري مني عن غير الطبيعي كأنها عايزة تروح البيت.
حبيت أحكيلكم مأساتي مع سوق الجمعة لأخواني عاشقي البولونيز
و الله انا انصح اي حد عاوز يبيع ميروحش السوق بهدله
انا كام معايا بولنيز 88 و كانت مرفوعه 18 سنه العداد كان 28 الف و كنت بجيب بيها 140 و الله العظيم دى دبايه مش عربيه مره خبط عربيه 127 على الزراعى نسفتو و انا و لا حاجه حصلتلى بمعنى ولا حاجه فعلا و هوا اتنسف العربيه بغض النظر عن مشاكلها اول عربيه ليا و اول عربيه كنت اسوقها و بحبه اواى
فعلا السوق بهدلة وقرف
ولا بيع ولا شراء
والداخل مفقود والخارج منه مولود
خليك فى اعلانات الوسيط احسن او المنتديات
هتلاقيلها مشترى باذن الله
ممكن سعر كارونة البولونيز دلوقتي كام تقريبا
واحد صاحبي عايز يعرف سعرها ممكن حد يدلني لو سمحتم
الأخوة الأفاضل
سألت امبارح على ماستر الفرامل للعجل الخلفي جديد ، البائع سألني هو الماستر ده صغير والا الكبير اللي بيسموه دبشة وأنا مش عارف ممكن حد يقللي ماستر البولونيز موديل 90 صغير والا الكبير (الدبشة)
شكراً
فين الناس الى في الرابطه دي انا كلت نفسي سؤال :dontudear::dontudear::dontudear::dontudear::dontu dear::dontudear::dontudear::dontudear::dontudear:: dontudear::dontudear::dontudear::dontudear::dontud ear::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]:
انتو فين ىىىىىىىىىىىىىىىىىىىىىىىىى ى
انا عايز انضم الى الرابطة
على فكرة لو راكب عربية غالية جدا ومش مهتم بيها برضة هتزقها
وهتفوت موتورها
البولونيز سيارة لا يعلى عليها
بس نصيحة كل قطعة غيار تحطها فيها تكون اصلية وليست صينى
ثابتة وقوية وسريعة .
هذبت بنفسي الى عزبة شلبي وعرفت الاسعار وهي
1- الدفرنس كامل ب600 جنيه
2- كارونه فقط 300 جنيه
والكلام ده من التاجر لسه بدون فصال
تحياتي للجميع
ممكن تقللي عزية شلبي دي فين بالضبط
شكراً
انا بس حابب اضيف معلومه ليك.....
انا شاري كرونه قبل كده من عزبه شلبي لعربيتي النيفا (انا معايا بولونيز برضه)
سيبك من السعر اهم حاجه الضمان و انك تجربها كويس هما بيدوا ضمان اسبوعين.....
اهم حاجه في الموضوع انك ينزل معاك ميكانيكي بيفهم.....
انا لدى بلونيز 89 وليس فيها مشكله الا انى لا اجد الاكصدام الامامى
1- عزبة شلبي في المطرية مكن تدخلها شمال من عند الاميرية تحديدا من عند شركات الادويه وبعد كده طوالي ثم شمال.
2-الاكصدام ياباشا هتلاقيه متوفر في الوكاله عند بتوع الفيات وممكن تجيبه ب 120 جنيه بس تفاصل معاهم كويس
السلام عليكم ورحمة الله وبركاته
أنا حبيت أشكر أخوتي الزملاء وكل من شارك بالإفاده أو النصيحة لأني فعلا أستفدت كتير من خبراتكم
مع خالص شكري وتقديري وجزاكم الله عنا خير أخوتي أعضاء المنتدى الكرام
معتز محمد
ممكن حد يقول فين عفشجى كويس علشان العربية محتاجة شوية ظبط
كان فى احد الاعضاء بيتكلم عن عفشجى كويس ممكن يقول هو مكانة فين
وشكرا
يا جماعة حد عارف مواتير البولونيز الاستيراد سعرها كام
بالنسبة لتقل الدركسيون بتاع البولنيز انا كندى تقيل جدا ولما اقريت الكتالوج بتاع العربية عرفت حكايته
حكايته بالظبط انه محتاج اتحط زيت فى علبة الدركسيون ولما تروح لمكانيكى هيضحك من ان انت بتقوله عاوز ازود زيت الدركسيون هايقولك هو باور اقوله لأ بس بص عليه
علشان مكانه ضيق جدا انا لما خليت الماكنيكى يبص عليه كانت الدنيا نشفه على الاخر
جربوا وادعولى
فعلا كلامك صحيح
عارف المشكلة فى ايه
ان مكان علبة الدركسيون صعب شوية على الصنايعية
فلما تيجى تقول لحد اكشف عليه يقولك لا يا بيه ده تمام وكويس
لحد لما لقيت ميكانيكى رايق شوية
وبص على علبة الدركسيون لقاها مفيهاش نقطة زيت واحدة
قام قاللى انت ماشى بيها ازاى
وفعلا حط زيت فى علبة الدركسيون
ودلوقت فعلا ما شاء الله
الدركسيون بقى خفيف الى حد ما
واحسن من الأول بكتير
تقبل تحياتى
السلام عليكم ورحمة الله وبركاتة
اولا انا عصو جديد معكم هنا وقد وجدت هذا الموضوع الشيق عن البولونيز وبما اننى متعب بولونيزاوى قديم حببت ان اشارككم بموضوع كنت قد وضعتة من فترة فى منتدى اخر
طبعا كلنا نعرف الشكل المعتاد للبولونيز
http://www.electroegypt.com/pages/im...425c25be4d.jpg
ومن الخلف
http://www.electroegypt.com/pages/im...olonez_sle.jpg
التابلوة الداخلى
http://www.electroegypt.com/pages/im...lonez_77db.jpg
نأتى للتعديلات
اولا احب ان اقول انها لن تغير بنسبة 100 % من شكل السيارة ولاكن ستغير الشكل المعتاد هنا فى مصر
كل شىء سوف اوضحة بالصور يمكن شراؤة من عزبة شلبى وكلة بالفصال
اولا الواجهة الامامية
تشترى كاربع امامى بالرفارف وغطاء الكابوت فى حدود من 400 الى 600 جنية وايضا الشبكة بالفوانيس فى حدود 250 جنية لتصبح هكذا
http://www.electroegypt.com/pages/im...ges/544312.jpg
او هكذا
http://www.electroegypt.com/pages/im...611a46613b.jpg
----------------------------------------------------------------------------------------------------------------------
الواجهة الخلفية
ايضا فى عزبة شلبى وتباع فى حدود 500 جنية وانت وشطارتك فى الفصال
وتصبح هكذا
http://www.electroegypt.com/pages/im...7591754dg4.jpg
ملحوظة
يجب تغيير غطاء الشنطة ويستبدل ب 150 جنية لو كان سليم
---------------------------------------------------------------------------------------------------------------------------------------------
التابلوة الداخلى
يباع فى عزبة شلبى بإسم تابلوة بولونيز تسعينات ويحتاج الى طقم فيش تأخذها هدية وسعرة 350 جنية
وهذة بعض الصور لة
http://www.electroegypt.com/pages/im...4509196hq1.jpg
http://www.electroegypt.com/pages/im...caro_instr.jpg
http://www.electroegypt.com/pages/im...s/48665014.jpg
ارجو ان اكون وفقت وتحت امركم
يا جماعة يا ريت حد يقول لنا اسعار قطع الغيار الاساسية للبولونيز زي الفوانيس و الكربيتيرات و غيرها و اماكن توافرها و هل هي قطع غيار الفيات ولا في اختلاف ان دورت في الصفحات السابقة بس ملقتش غير حاجات بسيطة و يفضل السؤال هي قطع غيارها هي نفسها بتاعت الفيات ولا فيه اختلاف
مش كل حاجة ياباشا
يعنى الفانوس الاصلى الزجاج بتاعها ب 150 جنية الواحد فى التوفيقية بس لو عايز فانوس زجاج يركب وبس هتلاقى فى ب 15 جنية
الكاربراتير لو بتاع موديلات 89 وانت طالع اللى فية راجع للبنزين يعنى من النوعية اللى مش بتشرق دة زيرو فى التوفيقية ب 375
ومش كل حاجة بتاعت الفيات تركب عليها لان البوبونيز اساسا مش فيات انما كتلة شرقية تصنيع بولندى
واى خدمة ياباشا
السلام عليكم شباب مالكي المدرعة الملاكي
بقالي كتير مادخلتش على المنتدى بس بسم الله ما شاء الله الرابطة تزود معجبين تاني
أنا أي نعم لسة بايع العربية البولونيز بتاعتي لكن طبعاً مازلت بأفتخر أني كنت مالك للمدرعة الملاكي
وهي بالفعل عربية أنا شخصياً معجب بقوة تحملها للطرق الوعرة
شويه اسعار من واقع غزبه شلبي من كام يوم كده....
اكصدام امامي 500 جنيه (كان مش موجود لفيت عليه و الراجل قالي بالسانه انت بتدور على بودره!!! و قالي في 40 عربيه جاييبن متقطعين)0 و دا كان عند اولاد المحمدي...
الفانوس الواحد ب 8 جنيه و جبته من واحد في شارع الكابلات......
الشبكه ب 80 جنيه جديده (بش خامه قرف)
الاكصدام الخلفي ب 250 جنيه....
موتور انجكشن كامل بدون كونترول ب 2500 جنيه و لما سألت قالولي نفس كنترول الدايو والله اعلم.....
العربيه دي بجد تحفه عيبها القاتل قله قطع الغيار (قعدت ادور على مساعدين 4 ايام و اجزاء العفشه ).....
يا رب اكون افدت
اه فى حاجه تانية كمان كنت عايز اعرفها لو سمحت
هو الموتور ده متوفر ولا كان صعب تلاقيه بردو زى الاكصدام والمساعدين.
هو هو نفس المكنه و البلوك بتاع ال 1500 بس راكب عاليه مانيفولد انجكشن و بوابه و رشاشات دا زي ما شفت....
الراجل كان عنده بتاع 20 متور قدامه بس موضوع الكونترول دا والله مش هعرف افيدك فيه العهده على الراجل اللي قالي انها نفس كنترول الدايو (للامانه الموتور كان مكتوب عليه daewoo -fso ) بس هل بالفعل هيبقي متوافق معاه دي ولا معرفش...
يا رب اكون افدت