الموضوع: ::: البولونيز المظلومة :::

المشاركة الأصلية كتبت بواسطة elhelaly

شباب عاوز استشارة
دلوقتى انا ببيع عربيتى هي موديل 89 , وفيه واحد جاري وحبيبى عاوز يشتريها منى , وأنا بقول له انا جبتها بكذا وصرفت عليها كذا فقال ﻷ , نشوف هي تعمل كام ف السوق ونشوف فيقول له العربية حاله والكلام اللى انتو عارفينه ده فبيقول لى نروح لميكانيكى نفصلها
المهم انا هروح ان شاء الله فى نهاية الاسبوع بس عاوز رأيكم
انا العربيه كنت جايبها ب 12500 وعملت عمرة للمكنه وحليت الفتيس وظبطته وسمكرتها ورشتها بره فقط , الحمد لله العربية فبريكة دواخل , المهم وشوية تظبيطات كده العربيه صرفت معايا حوالى 6000 جنيه

انتو رأيكوا ايه , ايه السعر اللى مرضاش بأقل منه وجزاكم الله خيرا

لو الموتور وآلات الجر والعفشه 90 % يبقى العربيه متقلش عن 15 الف والله اعلم

المشاركة الأصلية كتبت بواسطة acc.eslam arif

[overline]السلام عليكم
انا عضو قديم جدا معاكوا بس للاسف مشاركاتى ضعيفة
ومعايا البولونيز 83 هى بتاعة ولدى الصراحة وانتوا عارفين الناس القديمة بيبقى صعب تفرط فى اى حاجة عشرة عمر لدرجة تخيلت ان ولدى يبعنى انا وميبعهاش :copy of majd(4): وحبتها غصب عنى وبعد كده اقتنعت لما خبرتى بالعربيات زادت شوية انها رغم انها قديمة لكنها الانسب لبلادنا الحلوة ومطبتها اللى مش موجودة والسواقين البروفيشنال اللى عندنا :_alshmokh08[1]:
بس لزم تديها عشان تديك زى اى عربية تانية

المهم حب يشدها تانى .... وفتحت بؤها
عملنا عمرة للموتور 131 1600
سمكرة فى العربية كلها
تظبيط العفشة
رش العربية خارجى
وطبعا فيضان مصاريف تقريبا داخلة فى سبعة وشوية ولسه مقفلتش بؤها ومتلمش ربنا يتمها على خير
نزلت عزبة شلبى انهارده وقولت اقولكوا على شوية اسعار لقطع الغيار وانا كنت نازل اسأل على حاجات معينة شنب امامى اكصدامات تابلوه 90 الشكل الجديد
اولا الاكصدامات
اول وحد قالى عندى اللى اللى قدام ووره مع بعض على 1200 ج وده ماشفتوش لانه كان فى المخزن
وحد تانى امامى بس وده كان لقطة كاكصدام فبريكة مفهوش خدش وده كان قال 600 ج
طيب ياعم الشنب بكام قالى 400 ج قولتله نعم ! قالى يابيه الشنب ده بالذات هيبوظلى الربع اللى ركب فيه قولتله هلف واشوف ولما عديت عليه تانى ربنا كرمه وكان بيبيع الاكصدام ومرديش ينزل فى سعر الشنب برضه !
رحت لوحد اسمه مصطفى بولونيز زى ما مسمينه فى المنطقة مستخبى فى حارة جوه بس مشهور
قالى لسه بيع اخر حتة عندى من الشنب وره وقدام ومعاهم شبكة على 450 تقريبا وورهملى لان اللى اشترى لسه ماخدهمش
طيب ياحاج الشنب الامامى كام قالى يعمل من 100 لحد 200 حسب الحالة !
طيب انا لفيت ومش لقيه وقالولى بره مش هلقيه غير عندك قالى ممكن اشفلك حتة على اخر الاسبوع قولت يارب
المهم لقيت عنده الاتى
بيبان كتير جدا حاجات نضيفة الصراحة 80 و90 لولا انى ظبط سمكرة اللى عندى كنت خدتلى 4 بيبان على كام ياحاج قالى 1100 ج للاربع بيبان بس بجد حاجة نضيفة اوى
المرايات استيراد بتاعة البولونيز ب130
التابلوه 90 الشكل الجديد انا سالت عليه اللى ب300 ج وطقم الفيش 150 ج
موتور 131 1600 سى سى من 4.5 لحد 6 تلاف و موتور البولونيز نفسه بيلعب من 3 ل4
الشبكة 150 ج
طقم جرايد اللى على جنبين العربية 120 ج

وبعد الف ده كله ملقتش الشنب اللى بدور عليه للاسف ولما لقيت بالغ فى السعر زى متقولوا احتكار ناس قالولى اطلع على السكرى بيبيع جديد فى اول الكابلات رحت للسكرى ده قالى للاسف مش موجود دلوقتى طيب يعمل كام حضرتك قال 130 ج وخدت الكارت على امل يوفرهولى ... مش عارف ده نحاس منى ولا ده سوء تقيم لسوق من الاخرين

ده مختصر الاسعار اللى فكرها طبعا بدون فصال ولا كلام فى الاسعار لانى كنت نازل اعرف اسعار وادور على الشنب
واغلب الردود كانت هتلقى كل حاجة للبولونيز الا الشنب ده وره وقدام وفعلا الاجزاء الميكانيكية فى كل حتة والصاج موجود برضه هى المشكلة فى الاكصدامات والشنب ده

دى كانت اول رحلة ليا فى عزبة شلبى وطبعا حاسس بمبالغ فى الاسعار مش عارف بقى الفصال بيجيب نتيجة ولا بيتنحوا دماغهم لما انزل اشترى :n_no[1]:

ياريت ياجماعة لوحد يدلنى على مكان ممكن اشترى منه الشنب ده جديد او استيراد وهو سعره يعمل كام فعلا اكون شاكرا جدا[/overline]

يا باشا الف مبروك وربنا يسترها معاك وعلى العربيه

مدام مفيش نيه للبيع يبقى قرار سليم انك تشد العربيه

بس تقريبا سعر كبوت ورفرفين بالستاره والاكصدام بتاع بولونيز الشكل الجديد كنت ممكن تجبهم بسعر رخيص .... لأن التجار بيستغلوا ندره اكصدامات البولونيز الشكل القديم

تسلم على الاسعار وشكلى هنزل اشيل 4 بيبان الشكل الجديد وتابلوه تسعينات :b4_095:

بس البيبان دى بالفرش بقى ولا منغير ؟