الموضوع: ::: البولونيز المظلومة :::

يجماعة انا عندي بولونيز بفككها وبيع منها المحتاج حاجة يتصل علي الرقم ده 01117873577

السلام عليكم
يا جماعة انا معايا بولونيز 87 ولسة عامل ليها عمرة شكلها الخارجي والصالون زي الزفت كنت عايز اظبطها فى حد معروف فى تظبيط البولنيز

المشاركة الأصلية كتبت بواسطة hanyelswify

السلام عليكم
يا جماعة انا معايا بولونيز 87 ولسة عامل ليها عمرة شكلها الخارجي والصالون زي الزفت كنت عايز اظبطها فى حد معروف فى تظبيط البولنيز

الشكل الداخلى هات كسوف من التوفيقيه واى سروجى يركبها الكسوه بتبداء من 150 جنيه وانت طالع بس لازم تعرفه انها بلونيز عشان اختلاف جحم الكراسى البلونيز اكبر كرسى .. والسروجى بيركبه من 80 الى 120 جنيه انت وشطارتك ..

المشاركة الأصلية كتبت بواسطة احمد السباك

يجماعة انا عندي بولونيز بفككها وبيع منها المحتاج حاجة يتصل علي الرقم ده 01117873577

ممكن اسال الكارونه اخبارها ايه وهيا زيت ولا شحم وبتاعت العربيه ولا متوفقه ... وعامله كام

واخبار الكربراتير كان كويس ولا لا انت قولت قبل كده ان حضرتك كان تاعبك هل هوا دا نفسه ولا متغير او متصلح ..

والجنوط كمان ممكن تصورهالى

وعموما يا جماعه الخير بسال على اسعار الكارونه فى العزبه لو حد يعرف وهل بتاعت التيوتا تركب عليها ولا لا وبكام برضو .. عشان سامع صوت ونه كده خفيفه وانا عارف ان الكارونه بتاعتى مكبوسه شحم على زيت ومفتحتهاش من 4 سنين ..





وبعد اذن الادمن انا لاقيت جروب ع الفيس بتاع ملاك عربيه بلونيز يا ريت كلنا نتجمع فيه انا عارف ان بنستخدم الفيس اكتر من الموقع بس الفيس للحالات الطارئه والتعارف اكتر

polonez Egyptian lovers


https://www.facebook.com/groups/1535938306676355/

المشاركة الأصلية كتبت بواسطة الصبر حلو

السلام عليكم ورحمة الله وبركاته
اعضاء الرابطة الكرام هذا تقريري عن الكربراتير السلوكس باب واحد بعد التجربة ولكن أحب أشكر العضو shatodef
من أسوان هنا في الرابطة لأنه شجعني على تركيب السلوكس
سأبدا بمشاكل الكربراتير القديم بصراحة تعبني كتير وصلحتو اكتر من مرة عند اكتر من واحد يتظبط شوية ويرجع تاني وكل شوية يتسد وعايز يتنظف المهم رحت سألت على الكربراتير الجديد الصيني ب 700 جنيه طبعا غالي شوية وصيني كمان
المهم في مرة صممت اني اركب السلوكس الصيني برضو اهو من باب التجربة المهم الميكانيكي قالي هيخنق العربية وبتاع قطع الغيار قالي هيخنق العربية وصاحبي قالي هيخنق العربية
قلتلهم مش مشكلة أحسن ما يخنقني انا
نزلت التوفيقية واشتريت الكربراتير والقاعدة وسلك الواير رحت للميكانيكي هو بصراحة شاطر وبثق فيه جدااااا
المهم عمل حاجة بسيطة جدا في القاعدة شال منها شوية بسيطة عند الحداد وجبتلو كام جوان وركبهم وركب السلوكس مكان القديم بالظبط
طبعا الكربراتير جي من غير عمة انت بتولفلو عمة لكن انا اكمني غاوي تجارب عملتلو عمة من اختراعي زهى اني اشتريت علبة كانز وشربتها كلها هههههه
ثم قصيتها نصين بالظبط وشلت الغطل من الناحيتين ودخلت النصين في بعض وجبت شاشة بيضاء وممكن اي قطعة قماش عملتها فلتر
طيب النتيجة اييييييييه ؟؟؟؟
أولا انا عربيتي موديل 95 الشكل الحديث والموتور 1600 سي سي
ولاحظت الاتي :-
1 - السلانسيه تمام لا بيعلى ولا بيوطي
2 - العربية بقت انعم من الاول بنسبة كويسة
3 – استهلاك البنزين الصفيحة عملت تقريبا من 140 – 150 داخل البلد وكنت بدوس على العربية شوية مجربتش السفر لسة
القديم كان بيعمل 120 بالعافية
5 - العربية في بداية اليوم لما بتكون باردة بتقطع وتخطف شوية لحد ما تسخن وبتتظبط لوحدها زي الفل
6 - السحب وهي باردة مش حلو لكن لما بتسخن بتبأه تمااااام
7 - السرعات محستش بفرق كبير نفس السرعة تقريبا بس طبعا مسافرتش لسة بيها عشان اشوف اقصى سرعة
8 - انصح بتركيبه لأنه مش غالي أوي كل الحاجات اتكلفت تقريبا 260 جنيه غير التركيب يعني ممكن 300 جنيه وتريح دماغك

ده رأيي

ودي صور الكربراتير والفلتر والعمة من اختراعي
ارجو ان يكون الشرح بسيط
ودمتم بكل خير
1 - رابط مباشر
http://www.arab4load.info/uploads201...٣٤٥٣٢.jpg

رابط اخر


2 - رابط مباشر
http://www.arab4load.info/uploads201...٣٤٥٣٩.jpg

رابط اخر



3 - رابط مباشر
http://www.arab4load.info/uploads201...٣٤٥٤٣.jpg

رابط اخر

عزيزى الصبر حلو
أشكر حضرتك على المعلومات الجميله دى وأيضاً أشكر العضو ة shatodef صاحب الفكرة وعندى كام سؤال لحضراتكم

1- الكربرتير لهة خط راجع أم لا ؟
2- واير الأكسرتير بيركب بدون تعديل ولا بيحتاج تعديل من عند الدواسه ؟
3- الأخ الصبر حلو يرجى توضيح أسعار القطع على حدا ومكان الشراء ؟
4- الأخ shatodef ما رأيك فى الملاحظات رقم 5 ، 6 أعلاه وهل ظهرت عندك ايضاً أم لا ؟

مع الشكر

وجزاكم الله عنا كل خير

السلام عليكم وحشاتوني جميعا الحمد لله تجربه السيلوكس ناجحه وانا اخدت سنه كامله ذي االفل وانصح كل الاعضاء بتركيبه طبعا انا مش هقول عن تركيبه غير حاجه وخده كفايه معروف عن اسوان ان فيها مطاله تقدر تختبر فيها اتخن عربيه وهما مطلع قبل خزان اسوان ارتفاع مفاجئ 35 مت ده مش موجود علي مستوي الجمهوري االارتفاع ده راسى في مسافه طوليه 100 متر ولو مكتنش العربيه ومكنتها 1000% مش هتطلع او الدخانه هتفضح المتور انا لسه طالح من اسبوعين ب6 افراد واي حد من اسوان يعرف كلامي وكنا رايحين جزيرة التمساح يعني مطلع قبل وواحد تاني زيه بعد طلعنا ذي الهوا مع عدم وجود سخونه او صوت عالي المكنه مظبوطه واتحدي اي عربيه حديثه تسد معايا وانا عايز اتعرف علي الناس في اسوان وفي القاهره

مع الاعتزار انا صاحب فكره السيلوكس من سنه وهي ناجه واسوان تتمني لكم صياما مقبولا

المشاركة الأصلية كتبت بواسطة m.z

عزيزى الصبر حلو
أشكر حضرتك على المعلومات الجميله دى وأيضاً أشكر العضو ة shatodef صاحب الفكرة وعندى كام سؤال لحضراتكم

1- الكربرتير لهة خط راجع أم لا ؟
2- واير الأكسرتير بيركب بدون تعديل ولا بيحتاج تعديل من عند الدواسه ؟
3- الأخ الصبر حلو يرجى توضيح أسعار القطع على حدا ومكان الشراء ؟
4- الأخ shatodef ما رأيك فى الملاحظات رقم 5 ، 6 أعلاه وهل ظهرت عندك ايضاً أم لا ؟

مع الشكر

وجزاكم الله عنا كل خير

السلام عليكم صديقى العزيز

اولا : الكرقبراتير ليس به راجع هتلغيه وخلاص
ثانيا : واير الاكسراتير بيركب عادى من غير تعديل
ثالثا : القطع الكربراتير + القاعدة + الواير
تكلفتهم تقريبا 260 على ما اتذكر بس مش فاكر التفصيل كل حاجة كام من التوفيقية اسأل والناس هيدلوك
رابعا : بالنسبة لملاحظات 4 .6 بدأت تختفي بعد تاخير الكهرباء سنة والسحب كويس بس وهي باردة فيها كتمة لكن لما تسخن بتبقا تمام

وبالتوفيق

وبشكل عام التجربة ناجحة توكل على الله