الموضوع: ::: البولونيز المظلومة :::

المشاركة الأصلية كتبت بواسطة amruzo

اولا شكرا للمتابعه
ثانيا الساندن ده سعره كام
ثالثا واخيرا الانجيكشن متعب فى ايه
اسف للاطاله

تقريبا بيكون فحدود ال 4000

المشاركة الأصلية كتبت بواسطة utopianmeego

أنا إبتديت أول خطوات فى المشوار الطويل بتاع شد البولونبز :d
عفشة و كاوتش و دلوقتى عايز أغير الجنوط بتاعتها و خصوصا إنهم فعلا حالتهم سيئة

الأول هل الجنط له مقاس معين ، زى سمك مثلا ؟؟ غير القطر إللى هو 13 إنش ؟
أنا كنت بسمع إن فى حاجة إسمها 4/100 تقريبا للفيات بس معرفش دى مقصود بيها إيه

ثانيا أبن يمكن شراء جنوط 13 حديد بس جديد مش إستيراد ؟؟

و غدا بإذن الله أنا هاروح لشركة النصر فى وادى حوف لو حد عايز أسئل له على حاجة يتفضل :)

و شكرا لكم أصدقاء الكفاح :d

انا اشتريت جنطين حديد من عزبه شلبى بس حاجه نضيفه جدا جدا بتوع شاهين ب 250 جنيه
وخلى بالك ان الجنط لازم يكون فيه خرمين جنب اخرام المسامير عشان الزنبتين اللى فالطنبوره

ال 100/4 و 114/4 دى المسافه بين المسامير وعددهم ودا على حسب العربيه

انا معايا بولونيز 91 عربية حمالة قاسية وجامدة و شديدة وعافية انا معاكم حاجه فاخيمة

بس مطلعه عينى انا مركبلها ماتور32 ال 2000CC العربية لسه طالعة من عامرة كامله المصيبة انها ما بتعديش ال 110 و بتاكل بنزين بطريقة زى الزفت بتعمل فى ال 20 لتر 60 ك حد يقولى اعمل ايه يا جدعان مع العلم انها كانت بتعمل 140 ك فى ال 20 لتر ايه اللى حصل مش عارف و بالنسبة للسحب حد يقولى اعمل ايه ولا اروح لمين

يا رجال البولنيز -----------بالله عليكم كلكم انا دلوقتى حابب بولنيز والناس كرهتنى فيها من صنيعيه للى راكبها بجد سمعتها زفت خالص وسعر فى اعاده البيع زى الزفتين انا ادامى عربيه 89 من المالك دكتور ومش مخليها عايزه اى حاجه خالص مالص وبجد شفتها وشفت وسعها وخالى نصحنى بيها لانه راكب العربيه ديه بس الناس مخوفانى وبتقولى لادا احسن مش عارف اعمل ايه وخايف العربيه تروح منى اوانطه انا مش من هواه البيع تانى المهم العربيه تكون اصيله معايا

المشاركة الأصلية كتبت بواسطة saged2012

يا رجال البولنيز -----------بالله عليكم كلكم انا دلوقتى حابب بولنيز والناس كرهتنى فيها من صنيعيه للى راكبها بجد سمعتها زفت خالص وسعر فى اعاده البيع زى الزفتين انا ادامى عربيه 89 من المالك دكتور ومش مخليها عايزه اى حاجه خالص مالص وبجد شفتها وشفت وسعها وخالى نصحنى بيها لانه راكب العربيه ديه بس الناس مخوفانى وبتقولى لادا احسن مش عارف اعمل ايه وخايف العربيه تروح منى اوانطه انا مش من هواه البيع تانى المهم العربيه تكون اصيله معايا

السلام عليكم ورحمه الله وبركاته

اخى الفاضل توكل على الله اللى حيدور على كلام الناس مش حيخلص

البلونيز عربية حلوة ومحترمة اى نعم امكانياتها قليلة بس اصيلة ومشاكلها بقرش اهم حاجة اختار عربية تكون كويسة وماتدبش فى سعر عالى علشان لما تحب تبيع ماتخسرش كتيير

وربنا يوفقك لمل فيه الصالح ان شاء الله

السلام عليكم ..اخواتى فالله

انا اتصلت بشركة النصر اللى فى وادى حوف .. قالولى معندهمش قطع غيار بولونيز ...
فهل حد عنده معلومه عن سعر الكربراتير الجديد بكام ..
والدينمو سواء استيراد او جديد وانهى الاصلح ..
ولو حد نزل عزبه شلبى هل من الممكن يعرف سعر الكرسي الاستيراد بكام كرسى السواق والكبوت .. وهكون شاكر ليكم جدا .. عشان بظبط العربيه واحده واحده

المشاركة الأصلية كتبت بواسطة amruzo

السلام عليكم انا لسه كنت فى شلبى من كام يوم بص يا سيدى الكبوت سعره فى حدود 400الى 600 ج الموديلات القديمه انا اشتريت ربع امامى حديث كامل 2 رفرف وكبوت وفوانيس وشبكه والاكصدام بالشبوره بسعر 1800 ج طبعا بالعضم بتاعهم وعندى الكبوت يعتبر سليم لو عايزه وكمان الشبكه والفوانيس
بالنسبه للكاربتير سعره تقريبا 400 استيراد والدينامو البولونيز نفس السعر انا مركب بتاع الشاهين وشغال معايا كويس جدا وسعره اقل ممكن يكون فى حدود 300
برضه فى موضوع الكاربتير انا عندى واحد بس محتاج اكس وباب
بالنسبه للكراسى احسنلك بلاش كراسى البولونيز بس برضه هسألك عليهم كمان كام يوم عشان انا لسه هشترى موتور واحتمال اغير الابواب بظبط كده على الهادى
اتمنى ان اكون افدتك

كلام جميل ياريت اسالى معاك بالمرة على الابواب اللى بزجاج كهربا بتعمل كام وياريت كمان لو فيه الطابلوه الجديد يعمل كام واخيرا بما انك رحت هناك ياريت توصفلى اروح ازاى علشان انا مش من القاهرة والف شكر مقدما على تعبك

المشاركة الأصلية كتبت بواسطة amruzo

السلام عليكم انا لسه كنت فى شلبى من كام يوم بص يا سيدى الكبوت سعره فى حدود 400الى 600 ج الموديلات القديمه انا اشتريت ربع امامى حديث كامل 2 رفرف وكبوت وفوانيس وشبكه والاكصدام بالشبوره بسعر 1800 ج طبعا بالعضم بتاعهم وعندى الكبوت يعتبر سليم لو عايزه وكمان الشبكه والفوانيس
بالنسبه للكاربتير سعره تقريبا 400 استيراد والدينامو البولونيز نفس السعر انا مركب بتاع الشاهين وشغال معايا كويس جدا وسعره اقل ممكن يكون فى حدود 300
برضه فى موضوع الكاربتير انا عندى واحد بس محتاج اكس وباب
بالنسبه للكراسى احسنلك بلاش كراسى البولونيز بس برضه هسألك عليهم كمان كام يوم عشان انا لسه هشترى موتور واحتمال اغير الابواب بظبط كده على الهادى
اتمنى ان اكون افدتك

اشكرك جدا أخى العزيز .. على معلوماتك وبالتوفيق فالعربيه ..
انا الكربراتير قررت اشترى جديد لان انا عملت كل حاجه مع الكربراتير بتاعى كل ما تتخيله .. وروحت بيه عند اكتر من بتاع كربراتير .. حتى لابراهيم عرفه فشبرا .. لكن انا زهقت من تصليحه وبصرف عليه كل شويه .. فقولت اجيب جدييد .. بس عايز اعرف سعره فالمصنع قالو مفيش
وبالفعل انا كنت اشتريت شبكه وطقم فوانيس وطقم كارتيرات روسى .. وةانصحك لو هما عندك نضاف شيلهم لوقت عوزه محدش عارف بكره فيه ايه .. الرفارف انا سالت فالتوفيقيه لاقيت الرفرف من 170 الى 200 فمش عارف كدده غالى ولا ايه الجديد اخف طبعا من الاستيراد

ومنتظر اعرف منك سعر الكرسى والباب مشكووور

السلام عليكم انا بلونيزي حتي النخاع ان باسئل علي مكنة السرغه اللي بتركب في الفتيس هي الترس بتاعها 11 سن وانا دخت عليها في اسوان مفيش اي حد يدلني علي مكان بيعها جديده او استيراد اكون شاكر وان هتصرف واوصل لها بطريقتي بس دلوني علي المكان وشكرااااااااااااااااااااا اااا