::: البولونيز المظلومة :::

**ايمن الحكيم** · 21-02-2014 07:58 PM

‫عزل رفارف السياره بي البوتامين قبل التركيب‬&lrm; - YouTube

**semsem5144** · 21-02-2014 11:50 PM

تحيه كبيره لملاك العربية اللى فعلا مظلومه
كان عندي بولونيز موديل 88 1500 cc ايام الدراسه من 97 ل 2006 وبعد ماتخرجت سافرت السعوديه
العربيه دي لغاية النهارده بحبها جدا عربيتي كنت مظبطها ساوند سيستم وفرش وكنت معدل الطابلوه مع دريكسيون مومو المهم ان العربية دي ثابته جدا على الطريق وعلى الصحراوي كنت بقفل العداد 180 كل مره بسافر بيها بجد عربية مميزه كان عندي فيديو لتسارع العربية يارب الاقيه لان فيه ناس كتير مابتصدقش موضوع 180 مع ان موتورها قوي وبتعدي 90 على التاني واللى مش مصدق يجرب
بالتوفيق لكل ملاك العربية وربنا يسعدكم ويبارك لكم فيها

**ايمن الحكيم** · 22-02-2014 02:56 AM

‫تركيب الرفرفين الامامي والاكصدام بعد التعديل للبولونيز‬&lrm; - YouTube

**m.z** · 22-02-2014 11:45 AM

السلام عليكم ورحمة الله وبركاته
أنا كنت دايماً متابع كتابات الاعضاء للإستفادة منها ولكن مكنتش عضو فى الرابطة وبصراحة لما لقيت حاجة تعتبر لقطة لجميع مالكى السيارة بولونيز قلت أسجل وأعرف الجميع بيها . أنا عندى عربية بولونيز موديل 90 وكان سلك أمبير الحرارة مقطوع ومشيت على كده والحرارة عليت نتيجة عدم تواجد مياه لحد مالمتور قفش والامبير مش مبين حاجة عموماً هيا غلطتى والمتور عندى كان ياكل زيت جامد أوى وبعد ماقفش ضرب جوان وش سلندر فقلت أعمل عمرة للمتور وربنا كرمنى بواحد صاحب عمى معاه بولونيز قالى على ميكانيكى كبير فى السن بيتعامل معاه من سنين والميكنيكى عنده سيارتين بولونيز وبيحبها قوى وعلى فكرة بيشتغل فى السيارة موتور وعفشة وعملت عنده العمرة وربنا يباركلة عمرة تمام ومن ضمن العمرة فكلى المرش وفورة وعمله جلب وكمان الدينمو فورة وغيرله البلى من غير مايبعتنى للكهربائى هو عارف كل مسمار فى السيارة بولونيز وبيشتغل بإيدة رغم كبر سنه وكل ده خد منى 300 جنية مصنعية بس . حبيت أعرفكو للإستفادة . لو عوزين أرفعلكو صور الموتور أثناء العمرة والقطع إلى أتغيرت وأسعارها مفيش مانع .

**ايمن الحكيم** · 22-02-2014 01:29 PM

السلام عليكم
الف الف مليون مبروك استا ذ m.z علي عمرت الموتور انضمامك الي محبوبتنا المظلومه ياريت ترفع كل حاجه عندك عشان نفيد بعض وننصر المظلومه ومبروك

**m.z** · 23-02-2014 07:08 AM

الله يبارك فيك يأستاذ أيمن وجارى تجهيز الصور ورفعها

**kreka** · 23-02-2014 09:20 PM

المشاركة الأصلية كتبت بواسطة semsem5144

تحيه كبيره لملاك العربية اللى فعلا مظلومه
كان عندي بولونيز موديل 88 1500 cc ايام الدراسه من 97 ل 2006 وبعد ماتخرجت سافرت السعوديه
العربيه دي لغاية النهارده بحبها جدا عربيتي كنت مظبطها ساوند سيستم وفرش وكنت معدل الطابلوه مع دريكسيون مومو المهم ان العربية دي ثابته جدا على الطريق وعلى الصحراوي كنت بقفل العداد 180 كل مره بسافر بيها بجد عربية مميزه كان عندي فيديو لتسارع العربية يارب الاقيه لان فيه ناس كتير مابتصدقش موضوع 180 مع ان موتورها قوي وبتعدي 90 على التاني واللى مش مصدق يجرب
بالتوفيق لكل ملاك العربية وربنا يسعدكم ويبارك لكم فيها

منا مجرب

المشاركة الأصلية كتبت بواسطة ايمن الحكيم

الله يبارك فيك ياغالي يااستاذّ KReka
انا فعلا ركبت جنوط 14 الماني BORBET كوتش 14 65 185 الاكصدام الجلفي بيركب بدون تعديل لكن الامامي لازم تعديل وتصغيره عشان المديل بتاع الاكصدام له شنب لي الامام
اما الابواب 1500 جنيه ومش كهرباء
وشركه النصر ليس فيها كاربيراتير طقم اصلاح فقط

شكرا يا باشا

**m.z** · 24-02-2014 09:25 AM

طقم بستم 290
طقم سبيكة 110
طقم صباب 150
طقم شنبر 140
جلب بيلات 35
طقم هللات 35
طقم جوانات 85
اويل سى كرنك 25 امامى وخلفى
طقم جلب كامة 85
عمود كامة 370 تم تغيرة لوجود ركب تالفة
طلمبة زيت 230
وردة كرنك 25
فلتر زيت 19

حساب المخرطة 480
الأعمال التى تمت بالمخرطة
خرط سلندر
تجليخ الكرنك
ترظبيط الكراسى والبيلات
تركيب جلب كامة
خرط جلب بيلات
طبب كرنك
طبب مية
قواعد وش سلندر
دلايل وش سلندر
وكل ده طبعاً بالإضافة إلى 300 جنية مصنعية ميكانيكى وده بيعتبر سعر زهيد جداً وعلى فكرة انا 15 يوم كده وحروح عنده أغير العفشة الامامية كلها إنشاء الله

على فكرة أنا مش عارف ارفع الصور

**m.z** · 24-02-2014 09:56 AM

ياجماعة إلى عاوز يتعامل مع الميكانيكى إلى أنا عمرة عنده العربية يكلمنى 01110888151 وعلى فكرة يعتبر مركز متخصص فى البولونيز وأسعارة كويسه جداً وفى ميزة حلوة يفهمك وهو شغال بيعمل أيه ويعلمك كمان لو العربيه فيها مشكلة معينة تعمل ايه وده دليل على إنه راجل صنيعى فاهم مش بيجرب وخلاص زى بتوع اليومين دول . والله الموفق.