::: البولونيز المظلومة :::

**Mr.R** · 25-12-2014 02:31 PM

استفسار بقى انا عايز اخلى نور العربيه عالى وابيض اعمل ايه عشان النور بتاعها الاصفر تاعبنى وبحس انه شمعه د

**Mostafa5900** · 26-12-2014 05:54 PM

المشاركة الأصلية كتبت بواسطة mr.r

انا دايخ ومحتار على كربراتير اصلى للعربيه وسمعت ارقام خرافيه ولكنن شكرا ليك انا اخر مره اتصلت بمصنع النصر قفل نفسيتى لما قالى مفيش غير شاهين ولكن الكلام دا من حوالى اربع شهور بس هروح المرادى اسال وان شاء الله اسال عن اسعر كل حاجه وارجع اقولكم ...

ربنا يباركلك إسألنا على كل حاجة لازمة للعربية وإسألنا كمان على الريدياتير عامل كام دلوقتى

**Mostafa5900** · 26-12-2014 06:00 PM

المشاركة الأصلية كتبت بواسطة mr.r

استفسار بقى انا عايز اخلى نور العربيه عالى وابيض اعمل ايه عشان النور بتاعها الاصفر تاعبنى وبحس انه شمعه د

نفس الحوار عندى بس أنا ركبت كشافين صغيريين تحت الفوانيس بيسلعدوا شوية
وهحاول أجيب لمض ألمانى وربنا يسهل والنور ينطق شوية
بالنسبة للإضاءة البيضا أعتقد انها زينون بس الجوز بيعمل 600 جنيه بالجهاز بتاعه

**Mostafa_hassan** · 28-12-2014 03:59 PM

فك الفوانيس و اغسلهم بالماء و الصابون من الداخل و الخارج و هات لمبات 260/200 هيعملو معاك اداء جامد

حد عنده فكرة عن سعر شبكة البولونيز انا سالت عليها لقيتها ب 120 جنيه بس مش عارف ده كده كويس ولا لا

**amro_ahameed** · 29-12-2014 08:28 PM

المشاركة الأصلية كتبت بواسطة mostafa_hassan

فك الفوانيس و اغسلهم بالماء و الصابون من الداخل و الخارج و هات لمبات 260/200 هيعملو معاك اداء جامد

حد عنده فكرة عن سعر شبكة البولونيز انا سالت عليها لقيتها ب 120 جنيه بس مش عارف ده كده كويس ولا لا

الشبكة سعرها فعلاً 120 في التوفيقية نوعها اسمه الصباحي وكمان الجرايد بردة تقريباً بنفس السعر في التوفيقية .. بس حاول تنزل معاهم اي حاجه 5 - 10 جنيه عشان مش هايرضوا ينزلوا اكتر من كده.

وسؤال بالنسبة للمبات 200/260 دول نوعهم ايه وسعرهم كام ولون الاضاءه وهل هايحتاج تغيير كتاوت نور او اي حاجه تانية ولا هاتركب على طول؟؟

**Mostafa_hassan** · 31-12-2014 03:10 PM

انا ركبتها من غير اي حاجة هى لمبه المانى نورها اصفر و الراجل بعهالى ب 30 جنيه بس عرفت بعد كده انها غالية بس بصراحة النور بقي حلو و بقيت اشوف كويس

و لسه جايب ستيكر سيلفر هعمل بيه الفوانيس الي ورا علشان تنور كويس جربته علي نور الصالون عمل فرق كبير

**Mostafa5900** · 02-01-2015 12:15 AM

اللمض فعلا غالية تقريبا الواحدة بعشرين جنيه
بالنسبة للشبكة انتوا تقصدوا الشبكه اللى بتركب فوق العربية ولا الشبكة اللى قدام؟
سؤال تانى فين التوفيقية دى ويرحوها ازاى من على الدائرى طلعت الزراعى؟

**Mr.R** · 04-01-2015 10:51 AM

المشاركة الأصلية كتبت بواسطة Mostafa5900

ربنا يباركلك إسألنا على كل حاجة لازمة للعربية وإسألنا كمان على الريدياتير عامل كام دلوقتى

بالنسبه للريداتير معروف سعره .. من 350 الى 400 نحاس 3 ماسورة المانى

وارخص واحد بيبيعه واحد اسمه الحج حسن دا المستورد ومكانه فى المنيب بعد سوق السمك ناحيه الدائري بس طبعا للناس البعيده مشوار عشان توفر 50 جنيه هتصرفهم بنزين ..

بالنسبه للفوانيس انا اصلا جايبهم جداد الهندى واللمبات جديده بس صفرا وبحس ان واحد مولع شمعه سبوع قدامى .. انا شوفت لمبات نور ابيض بس مش زينون ..

الشبكه بتكون الشبكه الاماميه السوده ودى فالتوفيقيه فى بـ 60 جنيه ( اى كلام )
وفى بـ 120 كويسه شغاله .. التوفيقيه بعد محطه معروف اللى قبل رمسيس امام سنترال رمسيس مباشره

وكنت فى بورسعيد يوم الجمعه بس الحمد لله قدر الله وماشاء فعل طلع بتوع قطع الغيار والاستيراد اجازه الجمعه وكانوا قافلين .. لذلك لو حد رايح عشان قطع الغيار يروح اى يوم غير الجمعه .. ومتفكرش تشتري اى حاجه تانيه عشان زى اسعار مصر بالظبط فى كل حاجه ويمكن اغلى فى بعض الحاجات ( اللبس وما الى ذلك )

فمضطر انى اسال فى العزبه او اشوف المصنع تانى ...

**Mostafa5900** · 05-01-2015 11:25 PM

المشاركة الأصلية كتبت بواسطة mr.r

بالنسبه للريداتير معروف سعره .. من 350 الى 400 نحاس 3 ماسورة المانى

وارخص واحد بيبيعه واحد اسمه الحج حسن دا المستورد ومكانه فى المنيب بعد سوق السمك ناحيه الدائري بس طبعا للناس البعيده مشوار عشان توفر 50 جنيه هتصرفهم بنزين ..

بالنسبه للفوانيس انا اصلا جايبهم جداد الهندى واللمبات جديده بس صفرا وبحس ان واحد مولع شمعه سبوع قدامى .. انا شوفت لمبات نور ابيض بس مش زينون ..

الشبكه بتكون الشبكه الاماميه السوده ودى فالتوفيقيه فى بـ 60 جنيه ( اى كلام )
وفى بـ 120 كويسه شغاله .. التوفيقيه بعد محطه معروف اللى قبل رمسيس امام سنترال رمسيس مباشره

وكنت فى بورسعيد يوم الجمعه بس الحمد لله قدر الله وماشاء فعل طلع بتوع قطع الغيار والاستيراد اجازه الجمعه وكانوا قافلين .. لذلك لو حد رايح عشان قطع الغيار يروح اى يوم غير الجمعه .. ومتفكرش تشتري اى حاجه تانيه عشان زى اسعار مصر بالظبط فى كل حاجه ويمكن اغلى فى بعض الحاجات ( اللبس وما الى ذلك )

فمضطر انى اسال فى العزبه او اشوف المصنع تانى ...

ألف شكر ياباشا على الاهتمام وربنا يسهلك أمورك كلها

**ميدو محمد** · 06-01-2015 05:52 AM

السلام عليكم ورحمه الله وبركاته
بعض اسعار قطع الغيار التى وجدتها بمصنع النصر للسيارات بولندى (بدون ضريبة المبيعات)
1- كشاف امامى 16 جنيه
2- دينامو 220 جنيه
3- اسبراتير الكترونى 110
4- وحده كنترول للاسبراتير والكربيراتير الالكترونى 310 جنيه
5- ثرمستات الكوعة 8.5 جنيه
6- فرش الشنطه 180 جنيه
7- فرش داخلى قطعتين, القطعة الواحده 230 جنيه
8- موتور مساحة خلفى 44.75 جنيه (بعد 60% تخفيض, يوجد بعض القطع فى المخازن داخل المصنع عليها نسبه تخفيض نتيجة للتخزين)
9- وحدة العدادات بنسبه خصم 230 جنيه بعد الخصم
10- سلك عداد السرعة (موجود بس مش فاكر سعره)
11- حشو\ فرش الابواب الخلفى القطعة ب 50 جنيها تقريبا
12- طابلوه بنسبه خصم (موجود بس مش فاكر سعره)
13- زجاج السيارة الامامى والخلفى والابواب (موجود بس الناس زهقت من الاسئلة)
14- بلوك الماتور (موجود بس الناس زهقت من الاسئلة)
15- البساتم (موجود بس الناس زهقت من الاسئلة)
16- عمه الكربراتير الالكترونى والعاده (موجوده)
17- الابواب, موجوده وتقريبا سعرها حوالى 110 جنيه بس خلى بالك وانت بتختار
18- موتور المساحات الامامى موجود.

ملحوظة: اذا كنت عايز تدخل تشترى من المخازن اللى جو المصنع روح على الساعة عشره عشان الامن يرضى يدخلك.
منفذ 1 فيه الحاجات اللى جديدة, ومنفذ 2 الحاجات اللى عليها نسبه خصم.

خلي عندك صبر فى التعامل مع الاشخاص اللى هناك لانك هتشوف العجب.

خدمة ما بعد البيع (صيانة, سمكره ودوكو ...) بفرع المصنع بغمره

وشكرا