اقتباس:
المشاركة الأصلية كتبت بواسطة x_gomgom
بالنسبه للسعر احب اقولك مثال....
اقتباس:
المشاركة الأصلية كتبت بواسطة x_gomgom
انا عربيتي موديل 1990 اول مالك(والدي كان شاريها زيرو و بالقسط ب 17,000 تصور!) ماشيه 195,000 كيلو فابيركه دواخل. و رش نضافه على مر عمرها مرتين موتور معموله عمره من 50,000 الف كيلو سليمه والله ما فيها الهوا(هي فيها خبطه في الشنب اللي فوق الفانوس للامانه) تعرف اتفصلت بكام؟؟؟؟ 13,000 فقط!!
انا و الله مش بقول كدا عشان ببيع كنت بالصدفه معدي جنب سوق السيارات لاقيت واحد شبط فيا و عايز يشتريها و فضل متشعبط في الباب والله انا ركنت بقوله عايز ايه قالي يا باشا اديلك 13000 و تبيع!!!
هي حالياً موديل 1989 و ال 1990 اخرها من 10 ل 13,500 فحبيت اقول لحضرتك عشان تعرف السوق ماشي ازاي و تحدد على الاساس دا لو ناوي تبيع هتصرف في حدود كام...
يا رب اكون افدت
أنا بس عايز أعرف الأسعار دي بتيجي منين ، ده كل اللي عارض بولونيز من 88 إلى 90 بيبقى عارضها بداية من 17000 ، وشفت واحدة بس ملحقتش أخدها اتباعت بسرعة موديل 90 وكان صاحبها طالب فيها 18000 وباعها بـ 16500 أنا مش فاهم فيه حاجة غلط ، وبعدين اللي اتشعلق في الباب ده واضح إنه تاجر وكمان باين من السعر اللي عرضه عليك إنه تاجر
عارف أنا معايا 127 موديل 73 ومن فترة كنت عارضها للبيع وعلى 13000 علشان تنزل لـ 12000 (ده وقتها طبعاً قبل ما أسعار العربيات يتخسف بيها الأرض :_Alshmokh08[1]:) وجالي واحد صنايعي وبدأ معايا بـ 10000 ووصل معايا في الآخر للـ 12000 اللي العربية كانت متمنة بيهم
نصيحة يا جماعة متخدوش أسعار التجار مقياس بالعكس لازم نزود على سعرهم شوية لأن التاجر هياخد العربية منك بالسعر اللي قاله وهيزود هو ويبيعها لحد تاني
شكراً