::: البولونيز المظلومة :::

**Youssef.Awad** · 17-01-2010 06:21 PM

المشاركة الأصلية كتبت بواسطة asaeed

أنا قبل ما أشتري هذه السيارة التي أُطْلِقَ عليها (المدرعة الملاكي) سألت الكثير من المالكين لها ولم يتكلم أحد بكلمة سيئة لها وبإجماع الآراء (أنها سيارة جميلة وكَفَانَا شَرفاً أننا امتلكناها، عفشة، وقوة صاج، وثبات على الطريق فوق الوصف) ده كلام ناس امتلكت هذه السيارة على مدار 15 سنة وأكثر.

فعلا كلامك صحيح 100%
وشهادة الجميع من ركبوها ومن لم يركبها تؤكد كلامنا هنا
وأقرب مثال لى زوج خالتى يمتلكها من عام 1988 زيرو وحتى يومنا هذا دون أن يقبل بغيرها بديلا ويقول فيها قصائد شعر وغزل ونثر كمان

**samcar** · 18-01-2010 10:18 PM

المشاركة الأصلية كتبت بواسطة asaeed

أنا آسف أني أقول لحضرتك أن كلامك كله على هذه السيارة العظيمة خطأ وطوال مدة امتلاكي لهذه السيارة لم يحدث لي مع أي ميكانيكي أو سمكري أو أي من العاملين القائمين بإصلاحها أي موقف مثل ما ذكرته.
أخي الكريم
أذكر لك أني جربت من السيارات موديلات الثمانينات الكثير والكثير ولم يعجبني إلا هذه السيارة القوية التي تتحمل الصعاب والطرق الوعرة، ولو كان في حد ماعرفش يسوقها أو يتعامل معها يبقى ده عيب سائق وليس عيب سيارة.
أنا قبل ما أشتري هذه السيارة التي أُطْلِقَ عليها (المدرعة الملاكي) سألت الكثير من المالكين لها ولم يتكلم أحد بكلمة سيئة لها وبإجماع الآراء (أنها سيارة جميلة وكَفَانَا شَرفاً أننا امتلكناها، عفشة، وقوة صاج، وثبات على الطريق فوق الوصف) ده كلام ناس امتلكت هذه السيارة على مدار 15 سنة وأكثر.
وأرجوا أن تقبل كلامي بصدر رحب

يا سيدى الفاضل انا ايه اللى حيزعلنى- انا مستغرب ان عربيه خلاص حتى ما عدتش فى السوق واخده الاهتمام ده كله وبرضه ارجع اقول لو هى كويسه ما كنش السوق المصرى حكم عليها بالاعدام. عموما فعلا الناس امزجه ومدام مريحاك ربنا يبارك لك فيها

**sobhysm** · 19-01-2010 04:38 PM

يا جماعة أنا كتبت عن مشكلة الفرامل لما بفرمل العربية بتحدف شمال وأنا ماشى بالصدفة قلت أضبط هو العجل وفعلا لقيت الكاوتش الشمال الأمامى 10 بس ولما الراجل ضبط الهو كلة على 30 وأنا ماش لاحظت إن الحدفة ناحية الشمال راحت ومبقتش موجودة والمشكلة إتحلت والحمد لله

يا ريت لو حد عارف عفشجى للبولونيز يقولى عليه علشان عاوز أضبط عفشة العربية

وكنت سمعت قبل كدة من عفشجى أن العفشة الأمامية بتاعة البلولونيز هيا هيا بتاعة ال132 فكنت عاوز أعرف علبة دركسيون ال132 تمشى على البولونيز ولا إية
وأسف على الإطالة

**samcar** · 19-01-2010 09:40 PM

المشاركة الأصلية كتبت بواسطة asaeed

معلهش أنا عايز أسأل سؤال؟
إيه رأيك في السيارات الفولفو والرينو؟
العربيات دي مش واخده حقها في مصر مع أنها في الدول الأخرى لها شعبية عظيمة جداً، وده طبعاً بسبب جهل الفنيين القائمين بإصلاحها، هما مش فاهمينها كويس، لكن العربيات دي جميلة جدااااااا.
خلاصة القول أن هنا في مصر في ماركات عربيات جميلة جداً بس مش واخده حقها
تحياتي لك سيدي الفاضل

العربيات دى ما خدتش حقها علشان التوكيل وقتها كان تعبببان جدا وقطع غيار غاليه والعربيات نفسها غاليه - لكن البولينيز كانت فى سعر ال 128 تقريبا- يبقى الناس هى اللى حكمت

**sobhysm** · 28-01-2010 10:32 PM

أنتو رحتو فين يا رجالة البولونيز
عاوزين نعمل موضوع عن قطع غيار البولونيز أسعارها وأماكن بيعها

**eg_falcon** · 30-01-2010 12:50 AM

المشاركة الأصلية كتبت بواسطة sobhysm

أنتو رحتو فين يا رجالة البولونيز
عاوزين نعمل موضوع عن قطع غيار البولونيز أسعارها وأماكن بيعها

هو مش المفروض قطع غيار البولونيز هيا نفس الفيات و نفس الشغل بتاع الفيات هو بتاع البولونيز

**thechemist** · 06-02-2010 03:04 AM

[justify]
أنا من فترة نويت أشترى بولونيز وكنت عايز أعرف هل قطع الغيار متوفرة ولا لأ وهل فى فرق بين موديلاتها ولا لأ سعرها يتراوح من كام لكام
[/justify]

**sobhysm** · 16-02-2010 02:46 PM

أنا حت أضبط زوايا بتاع الزوايا قاللى بيض المقصات مبوش وعاوز يتغير وقاللى اللى راكب فيها هو بيض الفبريكا فلازم تروح تفورة وتخرم المقص 3 أخرام وأجيب بيض ال132 وأركبة وأغير جلب المقص تحت وفوق
أنا رحت سألت على أسعار بيض المقصات لاقيت الأتى الألمانى الطقم 4 بيضات السعر 200 جنية الأسبانى الطقم 170 جنية الايرلندى ب170 جنية الإيطالى 135 جنية
وأسعر جلب المقصات الألمانى 130 جنية والإيطالى 65 جنية وفية نوع صينى تقريباً 35 جنية
ورحت أسال على مصنعية العفشجى قالى 140 جنية علشان هيفور العفشة الأمامية بالكامل وينزل المقصات
يا ترى الأسعار دية كويسة ولا فيها كلام (أنا سألت فى التوفيقية) والمصنعية عالية ولا هى كدة كويسة ويا ريت اللى يعرف فشجى كويس للبولونيز قريب من ميت عقبة أو إمبابة أو بولاق يقوللى علية ولكم جزيل الشكر