جزاكم الله كل خير ....أنا نويت عليها بإذن الله....وهاجيبلكو الصور بعد انضمامي للرابطة قريبا ان شاء الله...
عرض للطباعة
جزاكم الله كل خير ....أنا نويت عليها بإذن الله....وهاجيبلكو الصور بعد انضمامي للرابطة قريبا ان شاء الله...
متشكر استاذ محمد على الترحيب الجميل دا ، بالنسبه للعربيه هي موديل 86 و الموتور 1500 صاحبها بيقول مش معموله عمره خالص ، الحاله العامه جيده جدا من ناحيه الفرش و العفشه و الموتور و مافيهاش بارومه تقريبا هو لسه مغيرلها بيبان و رفارف ، انا اشتريتها ب 16000 ، بالنسبه للاسبراتير عادي مش الكتروني ، انما مش حاسس ان سحبها كويس اوي يعني حاسس انه ممكن يتحسن و جبت واحد صاحب والدي عنده بولونيز برضه ساقها و قالي ان هي سحبها كده و فيه ناس قالتلي ممكن تركبلها اسبراتير الكتروني و مشط و دا ممكن يحسن سحبها و ناس تانيه قالت مالوش علاقه و ناس تانيه قالت غير الجيربوكس خليه 5 غيار بدل 4 و انا مش عارف الصح فين لاني اول مره اجيب عربيه و حاسس ان الناس كلها بتفتي بغير علم ، ياريت تدلوني انتو على الصح لاني شايف ان معظم الناس هنا فاهمه كويس و عندها خبره كبيره و شكرا
هي حضرتك بالفعل بتفرق و دا عن تجربه لاثنين العاده و الالكتروني.الالكتروني بيوفر في البنزين و بيحسن سحب العربيه بطريقه ملحوظه دا غير انك بتشتري دماغك من ابلاتين و كوندنسر...
بس عيبه التكلفه كمان مش اي حد يركبه لانه لو مظبطش هيخليك تكره اليوم اللي اشتريت العربيه فيه و اللي يقولك وفق بتوع الشاهين تركب ابعد لان دا حل بديل بس غير مستحب نهائي هي ليها طقم مخصوص بس هو قليل ...
يا رب اكون افدت
انا هقولك على نصيحه بخصوص موضوع الفتيس ال 4 و ال 5 سرعات....
هو الخمس سرعات نسب التخفيض فيه اعلي يعني هتفرق معاك فقط في السرعات العليا فقط و ليس لها علاقه بالسحب كمان الفتيس ال 5 غيار في منه موديلين (دول انا جربتهم فعلياً) فى بيركبوا على كرونه سريعه و القديم قبلموديل 89 كرونه بطيئه و لو ركبت ال 5 غيار السريع على الكرونه البطيئه هتضر الكرونه عندك....
الخللاصه من الكلام دا لو دا فتيس الفابريكه و كرونه الفابريكه و شغالين تمام لا بيونوا ولا فيه مشاكل متلعبش فيها و هتريحك من وجع الدماغ لان موضوع الفتيس و الكرونه موال مقرف و مكلف ....
يا رب اكون افدت
بالنسبه للموتور فيستحمل عادى خالص ومن غير اى مشكله لأن ماتورها عفى قوى وخصوصا انه لسه معموله عمره
انت نفسك هتستغرب لما تلاقيه بيحرك عربيه بالحجم والتقل ده وبيسحب جامد
وبالنسبه للعفشه فانت مش هتلاقى عربيه تانيه تستحمل ده غير الجيب والهامر والبولونيز :vctry:
اعتقد وسعت منى شويه :U_thin1[1]: بس مش مشكله متقلقش من العفشه بس لاااااازم تبص على الركب كل فتره لأن دى هى نقطه ضعفها
لأنها لو لاقدر الله واتكسرت وانت ماشى هاتبقى العواقب مش كويسه:B4_556:
وبعدين ايه رأيكوا يا جماعه تدخلوا ال 125 معاكوا فى الرابطه لأن العربيتين من نفس المصنع ونفس العفشه ونفس الموتور
بس البولونيز تعتبر الهاتش باك بتاع ال 125 :C_laugh[1]:
وبعدين انا بأحب البولونيز وبأموت فيها اصلا لأنها كانت معايا قبل ال 125 وكانت تحفه بس بعتها وجبت ال 25
الى خبراء البولونيز انا بسمع صوت تزيق فى البيض اللى قدام هل هو بيتشحم ولو بيتشحم انهى الافضل فى البنزينة ولا عند الميكانيكى
وجزاكم اله خيرا
هو عامه البيض بتاع البولونيز مش زي الادا بعض الموديلات فيه بيبقي فيه مشحمه و عامه هو التزييق في العفشه دا له اسباب كتير....
هو عشات تعرف هي منين بالظبط بتغسل العربيه من قدام بالجاز و بعدين يغسل تاني من تحت بجاز مخلط زيت لو راح الصوت تبقي مشكله تشحيم عاديه و مش محتاج حاجه لان الجلب ممكن تكون نشفت مثلا...
هتروح لميكانيكي ممكن يفتحلك قتحه و يقعد يقولك فيها و فيها جرب الاول البنزينه 7 جنيه يشحملك العفشه و تطمن لو منفعتش روح لعفشجي يبصلك عليها و اهم حاجه يكون بيفهم و امين...
و ان شاء الله بسيطه ...
يا رب اكون افدت
لا بيتشححم جررب انت روح لمركز من بتوع الغسيل والتشحيم يكون كويس واسئله وخليه يغسل ويشححم ويزيت وان شاء الله تروح
أنا عملت كشف على العفشة عندى وغير جلب المقصات وبيض المقص ناحية واحدة فقط مع إضافة زيت لعلبة الدركسيون بعد ما اكتشفت انها مفيهاش نقطة زيت والغريب انها كانت ماشية (زى السكينة فى الحلاوة) على رأى اللمبى مع تشحيم أجزاء العفشة وبعدها عملت ظبط زوايا والتكلفة النهائية كانت حوالى 200 جنيه فقط !!!
بما فيها أجرة الميكانيكى اللى عمل الشغل ده ( أخد منى 50 جنيه فقط ) وعشرين ظبط زوايا.
النصيحة بقى بلاش تشحم البيض غيره لأن مهما كان الجديد أفضل. على فكرة عربيتى موديل 89 زى اللى معاك بصراحة ده رائيى وتجربتى المتواضعة ومش عارف رأى الخبراء إيه.
طلب بسيط من أخوك ياريت تاخد بالك من لفظ الجلالة بصورته الصحيحة.
وتقبل تحياتى
السلام عليكم إخواني أعضاء رابطة السيارة المدرعة (بولونيز)
يسعدني أن أنضم إلى هذه الرابطة باعتبار أني لسة شاري عربية بولونيز موديل 1987 إنبارح وللعلم أني كنت أملك قبل ذلك السيارة الشعبية 128 موديل 1980 ومن كتر ما قرأت من مواضيع عن السيارة البولونيز (المدرعة) في هذه الرابطة فقررت واستعنت بالله أن أبيع السيارة الـ 128 وأشتري بولونيز وده طبعاً بسبب أني ساكن في منطقة مدغدغة والمطبات صعبة جداً وكانت العربية الـ 128 مش مساعدة في هذه المطبات.
لكن لكل عربية مزايا وعيوب فمثلاً السيارة الـ 128 كل الميكانيكية بيحبوا يشتغلوا فيها وقطع غيارها رخيصة جداً وموجودة بكثرة وبعدين خفيفة جداً بمعني أنك لما تمشي على الأول تحس أن طلعة العربية الـ 128 أسرع من طلعة البولونيز وده علشان ثقل العربية البولونيز لكن إن جيت على طريق طوالي طبعاً البولونيز تكسح الـ 128 وده اعتقادي إن لم أكن معتقد خطأ
آه نسيت أقول لكم أن الموتور مش بتاعها والراجل إللي أنا اشتريت منه العربية مسقط موتور عربية 132 سعة 1600 سي سي 2 كامة وده كان من 6 سنوات ولما سألته عن السبب قال لي أن السيارة دي ثقيلة جداً وعايزة موتور أقوى ففي بعض من الناس نصحوه أنه يركب موتور 1600 علشان يدي قوة أكثر للعربية، ولكن صاحب العربية أخبرني في البداية قبل ما أشتري العربية أن الموتور محتاج نصف عمرة، ولما مشيت بالعربية على سرعة 90 سمعت صوت ونه وبسيطة جداً في الكرونة ومش مؤثرة لي في حاجة دلوقتي بس عموماً هي بسم الله ما شاء الله مشيها كويس معايا
بس أنا أول حاجة هعملها بإذن الله أني هرفعها في بنزينة وأغسلها من تحت بحمام زيت وجاز وأغسلها كويس من جوه وبرة، وهشوف الميكانيكي علشان يشغلي فرامل اليد لأني لاحظت أنها مابتمسكش، وكمان هروح عند كهربائي علشان يظبط لي نور الطابلوه علشان هو ضعيف جداً يكاد يكون غير مرئي بالليل
وأخيراً أنا اتشرف أني ملكت هذه السيارة الجميلة
آه نسيت أقول لكم أن في دخان بيطلع من عند غرفة الحريق وده أعتقد أنها محتاجه جوانات لغرفة الحريق بالشكمان وده برده بإذن الله سوف أقوم بعمله عاجلاً وطبعاً تغيير جميع الزيوت
الف مبروك عليك ياباشا العربية ظبطها واقولنا اية الاخبا بس انا اطمنك مقدما انها عربية جميلة وقوية وبخصوص مسئلة نور التابلوه في الباغة اللي في التابلوة اللي وراها العدادات دي هتلاقي زي عصايتين صغيرين كدة واحدة منهم لما بتلفها بتعلي اضائة التابلوة فد ممكن تكون مهزوزة فوطت الاضائة ودي بتحصل كتير
[QUOTE=asaeed;3872056333]السلام عليكم إخواني أعضاء رابطة السيارة المدرعة (بولونيز)
يسعدني أن أنضم إلى هذه الرابطة باعتبار أني لسة شاري عربية بولونيز موديل 1987 إنبارح
الف مبروك يا زعيم وحلوة حكاية المدرعة دى على اساس اننا بنحارب على الطرق المصرية
واهلا بيك فى رابطة محبى البولونيز
[QUOTE=asaeed;3872056333]
بس أنا أول حاجة هعملها بإذن الله أني هرفعها في بنزينة وأغسلها من تحت بحمام زيت وجاز وأغسلها كويس من جوه وبرة، وهشوف الميكانيكي علشان يشغلي فرامل اليد لأني لاحظت أنها مابتمسكش
ممكن يكون رجلاش فرامل اليد عاوز يتزبط او هاتحتاج تغير تيل خلفى لأن فرامل اليد مع فرامل ديسكات العجلات الخلفية ومتوفرين استيراد
[QUOTE=asaeed;3872056333]
وكمان هروح عند كهربائي علشان يظبط لي نور الطابلوه علشان هو ضعيف جداً يكاد يكون غير مرئي بالليل
وفر على نفسك مشوار الكهربائى لحاجة اكبر لأنه غالبا هاتعلى نور التابلوه من ابرة هتلاقيها طالعة من وسط العدادت وده اوبشن حصرى للبولونيز بحيث كل سائق يزبط اضاءة التابلوه على مزاجه ... شوفت الدلع
واتأكد انك مش هاتنسى الايام اللى هاتركب فيها العربية دى طول حياتك
الف الف مبروك تانى
[QUOTE=y2y1500;3872057012][QUOTE=asaeed;3872056333]السلام عليكم إخواني أعضاء رابطة السيارة المدرعة (بولونيز)
يسعدني أن أنضم إلى هذه الرابطة باعتبار أني لسة شاري عربية بولونيز موديل 1987 إنبارح
الف مبروك يا زعيم وحلوة حكاية المدرعة دى على اساس اننا بنحارب على الطرق المصرية
واهلا بيك فى رابطة محبى البولونيز
[QUOTE=asaeed;3872056333]
بس أنا أول حاجة هعملها بإذن الله أني هرفعها في بنزينة وأغسلها من تحت بحمام زيت وجاز وأغسلها كويس من جوه وبرة، وهشوف الميكانيكي علشان يشغلي فرامل اليد لأني لاحظت أنها مابتمسكش
ممكن يكون رجلاش فرامل اليد عاوز يتزبط او هاتحتاج تغير تيل خلفى لأن فرامل اليد مع فرامل ديسكات العجلات الخلفية ومتوفرين استيراد
ماشاء الله عليك موسوعة بولونيز
الله يبارك فيكم يا شباب
وفعلاً أن الأبرة دي لما لفتها الطابلوه اشتغل بس أنا مجربتش أعلي وأوطي منها النور بس بإذن الله هجرب لكن برده أعتقد ان في بعض اللمض محروقة وده اعتقاد بس هسيبها شوية دلوقتي لأني في حاجات أهم فعلاً.
بس أنا لاقيت أن الزيت بينقص ولما رحت أغير زيت الموتور لاقيت الزيت إللي نازل حوالي 2.5 كيلو واعتقد ان الدخنة إللي كانت بتطلع من الموتور ده كان حريق زيت وبرده أرجع وأقول الله أعلم لكن أنا عارف من صاحب العربية الأساسي أن الموتور محتاج نصف عمرة، لكن بالمنظر ده أعتقد أنه محتاج عمرة وده قدام شوية، بس أنا غيرت زيت وحطيت بترومين سوبر ديزل ثقيل شوية وده إللي نصحني به الراجل بتاع تغيير الزيوت وقال لي أن العربيات الميكروباص بتحطه للمواتير وده حلو جداً.
بس في حاجة مهمة أنا عايز أعرف عمرة الموتور هتتكلف كام مع اعتبار أن الموتور 1600 سي سي و2 كامة لأني عاجلاً أم آجلاً لازم أعمر الموتور
وعايز أعرف أن الموتور الـ 1600 الـ 2 كامة هل بستهلك بنزين عن الموتور الواحد كامة 1600، ولا الكلام ده مش مظبوط؟
علي فكرة انا علي ما اسمع ان انت ممكن تجيب ماتور استيراد افضل من العمرة والعطلة بتاعتها بعد كدة ممكن متكونش كويسة ففي ناس بتبدل الماتور اللي معاها وتاخد واحد استيراد وتدفع الفرق اللي بيكون تقريبا ما بين الف الف ونص ودة بيكون من عزبة شلبي والمواتير الاستيراد بتبقي كويسة اويييي يعني لو حافظت عليها واستخدمتها صح تفضل معاك العمر كله
العفو ياباشا مهو الفرق ان انت العربية عندك من صغرك لكن اي حد تاني ممكن يكون بياخد حكمه عنها عن طريق كلام واحد قاله عليها مش عارف اية دريكسيوها تقيل ولا شكلها مش عارف اية قال يعني عربيات الفيات اللي شبه العلبة دي هية اللي شبه البورش فالظاهر دة اللي خلاك دكتوراه فيها كدة وارتبط بيها جدا واللي ساعدك علي كدة انها بجد عربية اصيلة وتتحب للي اضي بيها فترة طويلة وجرب اي عربية تانية هيحس اد اية البولنيز عربية قوية وبتاعة خدمة شاقة يعني مصرية مية في المية
فعلا العربية اللى معايا جبتها مستعملة بس زوج خالتى بقى دكتور استاذ جامعة معاه واحدة نصر مو88 كان شاريها زيرو ولسه لحد دلوقتى معاه ومش عاوز يفرط فيها ولا بكنوز الدنيا بالرغم من أمكانياته اللى تخليه يجيب عربية اخر موديل وج الكماليات
ومطلع عينيها سفر هنا وهناك وشمال وجنوب وصحراوى على 120 ومحملها حاجات ربنا يباركله فيها والعربية دى تحديدا هى سبب حبى الشديد ليها لحد دلوقت لأنه كل اما يتكلم يقولى: كفاية صاجها ولا قضبان السكة الحديد
نقول ايه بقى: "من شب على الشىء شاب عليه"
على فكرة الدركسيون ولا تقيل ولا حاجة
بالتعود هايبقى خفيف معاك ومش هاتحس بيه خالص
انا ساعات كتير جدا بألفه بأيد واحدة ولا اجدعها باور
هى الاشاعات دى وفتى الناس اللى مودينا فى داهية
النهاردة شوفت عربية بولنيز فى معرض عربيات مستعملة روحت سالت عليها قالى انها موديل 90 وفابريكة برة وجوه وقالى ان العربية مرفوعة بقالها 15 سنة والعربية ماشية 30 الف كيلو بس
انا اتفرجت على العربية العربية تحس فعلا ان هيه لسه زيرو
المهم سالت على السعر وهنا كانت المفاجاااااااااااءة بيقولى 27 الف جنيه؟؟؟؟؟؟؟؟؟؟؟؟؟
قولتله فى بولونيز دلوقتى بالسعر ده ومرضيش ينزل ولا جنيه
دة بالظبط حصل قدامي بس مكانش معرض كان شخص عادي كان عنده العربية موديل تسعين ومرفوعة من مدة كبيرة وفبريكة واتباعت بخمسة وعشرين الف المعادلة مش صعبة ولا حاجة لو لقيت عربية الموديل دة وفيها كل مميزات البولنيز من قوة وسعر قطع غيار ووسع وعلو عن الارض وكرونة و و و وو وو و ولقيتها اقل من المبلغ دة هاتها
ههههههه مش عارف لية حاسس انك بتحكي حكايتي انا بردو صاحب بابا وصديق العيلة هوة لوا عالمعاش في الجيش وكان جايبها من الزيرو ولسة معاه ومحافظ عليها جدا وهوة من النوع الحريص يعني يحب السلك يبقي في مكانه وكل حاجة وبيحبها جداااا وبيسافر بيها مطروح عنده شقة هناك كل شوية سفر وماشاء الله بيحبها جدا واقنعني بيها وخلاني جبت عربيتي موديل تمانية وتمانين مستعملة بس الحمد لله كانت فبريكة برده وحالتها كويسة
تحفة بجد عربية لقطة
بس أهم حاجة حالة الموتور وطريقة الرفع نفسها عشان لو العربية مرفوعة غلط هاتبقى عييييييييييب مش ميزة
27 كتير على البولونيز مهما كانت حالتها لأنك بعد سنة استعمال هاتقل عن العشرين عالطول وتبقى خسرت الا لو كنت ناوى تقنيها
عن نفسى اكبر سعر فى بولونيز بالحالة دى سمعته كان 25 الف والمشكلة انها بعد كام شهر بتحتاج عمرة موتور وخرط لوش السلندر عشان الركنة الكتير بتبوظ العربية والبارومة
الا لوكانت مرفوعة زى ما الكتاب بيقول واعتقد ان مافيش حد بيعمل كده او حتى عارف بتتعمل ازاى
ههههههههههه
بصرة يا دكترة والحال من بعضه
بس أهم تجمعنا هى حب البولونييييييييز
انا كان نفسى العربية دى تفضل تصنع لحد دلوقت بس نعمل ايه المصنع قفل فى بولندا والشركة فلست بس متفائل إن فيه شركة بتفهم تعيد إحياء البولونيز تانى وتكون عربية شعبية تغزو العالم كله زى ماحصل مع البتلز والمينى واخيرا فولكس الميكروباص والترابانت بتاع المانيا الشرقية وغيرها كتير
وساعتها بقى هاحقق حلمى بركوب بولونيز زيرو FSO Polonez
:biggrin2:
هل هناك بولونيز نزلت جميع الكماليات في مصر
يعني باور وتكييف و .... ؟؟؟
يمكن جت استيراد لكن غير كدة نووووو
يا باشا تسلم على ردك الجميل ده
بس أنا مش عايز أغير الموتور علشان ممكن يكون استاندر ومااتخرتش قبل كده، ولو عملت له عمرة ممكن يكون أحسن من الاستيراد بكتيييييييير وبعدين لما تعمر موتور على إيدك وتبقى عارف انت عملت فيه إيه من الألف إلى الياء ده هيكون أحسن، وعلشان كده أنا محتاج أعرف تكلفة النصف عمرة كام، وتكلفة العمرة كاملة كام
نظرية برضه
انا مع انك تعمر الموتور القديم عند ميكانيكى شاطر ولا انك تشترى واحد استيراد الله اعلم بحالته
اصل الموتور الاستيراد ده عامل زى البطيخة انت وحظك ومافيش اضرار له اوى غير فى الموديلات الغير منتشرة فى مصر او قطع غيارها غير متوفرة من بساتم ودلايل وشنابر وصبابات وغيرها
ونصيحة ليك اعمل عمرة كاملة لأن النص عمرة او طقم الشنبر ده عامل زى المسكنات مع واحد لازم تعمله عملية الزايدة (ولا ايه يا دكتور تيمو)
كده كده لازم تفتح وتشيلهاله
فهايبقى التكلفة عالية ومؤقتة بس وغالبا ما يلجأ اليها الناس اللى بتبقى عاوزة تزبط العربية وتخلص منها وتبيعها
واضرب لحضرتك مثال على كده عربيات المازدا القديمة والسوبارو وغيرها من ماركات كتييييييييير
:Lighten::Lighten::Lighten::Lighten::Lighten:
انت ايه حكايتك يا دكترة مع عزبة شلبى بالضبط؟
ياريت تقولنا ...
انت اكتر من مرة تذكرها وسط الكلام وتستشهد بيها فى اى قطع غيار استيراد او مستعمل
شكلك كده من الزباين المستديمين ليهم
ياريت تقولنا اشتريت من هناك ايه؟ وبكام؟
ههههههه اه فعلا انا شكرت فيها كزا مرة انا لو مكانك كنت شكيت اني تاجر هناك ههههه بس هوة فعلا اا بشجع الشرا من عزبة شلبي اسعارها كويسة في الاستيراد وانا اتعاملت مع ناس كويسة وبيجيبو حجات مضمونة ومش انا بس في كزا حد اعرفه جاب من هناك انا عن نفسي جبت من هناك تانك بزين عشان القديم كنت جايب العربية بيه متطبق وبايظ ومخروم كمان وجبت مارش وهجيب تابلوه بردو واسعارهم معقولة وفي بعض الاحيان الحجات الاستيراد بتبقي افضل من الجديد اللي غالبا بيبقي صيني ومش مضمون هوة بس انا مبجيبش حاجة م هناك الا لما بيكون معايا صنايعي فاهم فيها يعني التانك ميكانيكي والمارش كان الكهربائي معايا والتابلوه بردو هجيبه ومعايا الكهربائي انا سئلت عالتابلوه وهوة بميتين كامل بالزراير والعدادات الجديدة والشكل الجديد اللي باربع هوايات وناوي انزل اجيبه ان شاء الله قريبا وهصورهولكم والمارش واحد صحبي راح جاب واحد خدو منه القديم وادوله واحد استيراد ودفع ستين جنية فرق وطبعا بتاعه كان محتاج كزا حاجة جلب وشرابين ومخدات والحمد لله جايبه بقاله قرب السنة ومية مية مقالش بم وبتاعي الحمد لله بردو كويس بس انا مبدلتهوش انا جبته وخليت بتاعي عندي احتياطي وجبته بمية وخمسين والتانك كان عندهم تانكان جايالهم استيراد بس كانت زيرو جبت التانك بمية وحاجة مش فاكر بكام بالظبط
نسيت اقولكم حاجة بخصوص المارش ان ديما لما الجلب بتبوظ وبتبقي محتاجة تتغير يقوم الكهربائية يودوه للخراط ويعمله جلبه ويدوققها ويظبطها علي مقاس العمة ودة طبعا بيوسسع مكان العمة وبتبقي ديما لازم تتعمل عند الخراط ولان الجلب نحاسها مغشوش فبتبوظ بسرعة جدا لكن بقي في جلب بتتباع جاهزة دي نحاس كربوني ما بتتئاكلش بسرعة وبتعيش بس طبعا بمقاس معين مبتركبش الا علي عمة مارش متكونش اتركبلها جلب عند الخراط ابل كدة
السلام عليكم ودى اول مشاركة ليا فى المنتدى هنا وبصراحة الموضوع دة جة بالصدفة البحتة
انا طوول عمرى وانا حاسس ان البولونيز دى الناس مش مقدرة قيمتها وكنت كل ما اقول كدة لاصحابى كانو بيتريئو عليا لغاية النهاردة كنت بالصدفة بدور فى المعارض عل عربية مستعملة فى رينج 11-12 ولاقيت نفسى محصور ودش يفهمنى غلط غى محصور دى:36_1_1[1]: بين 3 اختيارات ياما ال 28 ودى بستبعدها تماما ياما ال 127 ياما الريتمو القديمة او لادا المهم ملاقتش حاجة عجبتنى:fdsa: فكان معايا واحد صحبى قالى انت اخرتك حتجيب بولونيز كان بيتريق طبعا بس كبر الفكرة فى دماغى فقولت اعمل سيرش الاول على صورها فلاقيت صور تحفة بجد لما العربية دى تتظبط حتبقى مشكلة :colsmil:
فقولت اعمل سيرش عليها لاقيت الموضوع بتاعكو دة قعدت وقريتو كلو وفعلا بعد اللى قريتو دة انا ابقى غبى لو جبت عربية غيرها
المهم عشان مطولش عليكو انا ليا بس سؤالين
اولا هل حلاقى بولونيز فى الرينج اللى معايا دة 11-12 الف ولو موجود تبقى موديل كام ؟
ثانيا :هل ينفع اسقطلها موتور لانشيا 1600 او موتور ال 131 الاتنين كامة ولو ينفع حضطر اغير حاجات فى العربية كتير ولا لا ؟ ومعلش حتعبكو معايا هى قطع غيارها موجودة ولا حدوخ عليها ؟؟
واخيرا دى الصور الى خلتنى بجد افكر فى البولونيز وياريت تعتبرونى من النهاردة واحد منكم بولونيزاوى :Oc_sun1[1]:
http://w332.wrzuta.pl/sr/f/58aqYnm7lmC/polonez
http://lukasz007x.wrzuta.pl/sr/f/5AF...onez_caro_plus
http://i2.turboimagehost.com/b/63505/pold4.jpg
وفى البداية بئولك نورت المنتدى العزيز وان شاء الله تبئا عضو معانا على طول ومستديم
بالنسبة لانك هتلائى فأنت هتلائى فى الرينج ده بس اكيد هتبئا محتاجه شويه شغل وغالبا هتكون موديل حاجه وثمانين
سئالك التانى انا اتكلم عن عربيتى انا مركب موتور 124 سيات الاسبانى 1400 cc
الكلام ده قبل قانون المرور ميتعدل بانك لازم تغير الماتور بموتور بولنيز (مثال) ومش مهم السعه اللتريه المهم نفس ماركة الموديل بس معرفش هما مش معترفين بالبلونيز فى المرور انها ماركه لوحدها ليه
لانى فى الرخصة مكتوب عندى نصر مش بلونيز حاجه تجنن وعملت خنائه فى المرور بسبب الموضوع ده وئالو هى صناعه شركة النصر لانها مصرى ازاى مش عارف:dzey:
وبردوا احنا مستنين رأى الخبراء للبلونيز وملاكها فى موضوع المواتير ديه
واية هى افضلها للسيارة الجبارة حمالة الاسية (البلونيز):hlopaet_prv: