الموضوع: ::: البولونيز المظلومة :::

المشاركة الأصلية كتبت بواسطة masterww1

السلام عليكم يا اهل البولونيز " الرجالة اوى "
انا لسه جايب بولونيز موديل 90 من شهر تقريبا
وانا مكتبتش فى المنتدى ده الا لما قرأته من الاول الى الاخر وعجبنى كل ما فيه من مشاركات ومعلومات وحميمية
اتمنى ان تقبلونى معكم
master

أهلاً و سهلاً بيك معانا في رابطة مالكي البولونيز

المشاركة الأصلية كتبت بواسطة masterww1

ايه يا شباب انتوا بردانين ولا ايه

ههههههههههههههههههههههههه
لأ إحنا مش بردانين و لا حاجة
تقريبًا الناس مشغولة أو مش لاقيين حاجة يقولوها
أنا شخصيًا مش بدخل كتير عشان عندي امتحانات
على العموم إيد لوحدها ما تسقفش، و كويس إن في حد دخل الرابطة و عايز يشارك فيها عشان أنا كنت فقدت الأمل فيها خلاص

المشاركة الأصلية كتبت بواسطة masterww1

ياباشا الاول ربنا يوفقك فى الامتحانات
وبعدين اوعى تفقد الامل ابدا فى هذه الرابطة الجامدة اوى لان اللى يحارب الناس كلها ويجيب بولونيز يبقى اكيد قلبه ميت وعنده ولاء شديد اوى وده حد مش ممكن تيأس منه هههههههههههههه
وربنا معاك فى الامتحانات

ههههههههههههههه أكيد طبعًا مش ممكن أيأس منه، أنا كنت بدخل على الرابطة كل فترة كده يمكن ألاقيها صحيت لحد ما لاقيتك بتشتكي من إللي بشتكي منه "الرابطة نايمة"، ياريت نقدر نصحيها تاني.

السلام عليكم ورحمة الله وبركاته
اﻷخوة اﻷفاضل منذ زمن لم أدخل إلى المنتدى العزيز لظروف العمل والدراسة تحية إلى كل اﻷخوة القدامى والجدد وأرجو أن تستمر الرابطة
لي بعض الاستفسارات:
- قفل شنطة السيارة بدأ في التعليق ، حيث أنه عند شد الذراع الخاص بالشنطة لا تفتح ويجب أن أجذبها بقوة كيف أقوم بتزييت القفل وما هي المادة المستخدمة
- السيارة عند الانتقال من سرعة لأخرى لا تستجيب بسرعة للضغط على دواسة البنزين لفترة بسيطة ثم تبدأ السيارة في اﻹسراع والاستجابة للضغط على دواسة البنزين ، ولا أعلم أين المشكلة
- الفتيس يعلق معي في الثاني والخامس ولا أستطيع أن أعود للأول عندما أبطء السيارة طالما السيارة ما زالت تسير فيجب أن أقف تماماً لأستطيع العودة للأول

آسف للإطالة