::: البولونيز المظلومة :::

**keko** · 22-05-2011 05:02 AM

المشاركة الأصلية كتبت بواسطة kreka

طب انت عارف حاجه عن التعديلات دى ؟؟

وموضوع النشوفيه دا ملوش حل ؟

هحاول ارد على قدر معلوماتى
فيه حسابات لتغيير الجنط منها الاوفسيت وهى نسبة بروز الجنط للخارج ودى تقريبا بتكون مكتوبة على الجنط من جوه والحاجة التانية ان القطر الخارجى لفردة الكاوتش ميتغيرش يعنى لو غيرت الجنوط والكاوتش يكون الكاوتش الجديد نفس القطر الخارجى للقديم وبتقلل المساحة بين الجنط والحافة الخارجية للكاوتش
وموضوع العفشة بصراحة وعرفلهوش حل بس اللى بيفرق جامد انك تكون مربط العفشة كويس قدام وورا والجلب بتاعت الورق سليمة وارتفاع العربية من الامام والخلف متساوى كل ده بيفرق جامد فى النعومة والثبات

المشاركة الأصلية كتبت بواسطة kreka

ايوه كده عايزين ننشط الرابطه

بالنسبه للتسقيط ازاى يقلل سعر العربيه ؟؟ هل سعر البولونيز 1600 نفس البولونيز ال 1500 ؟

لو عايز تكون فالمضمون فالتسقيط ممكن تسقط المكنه البولونيز الإنجكشن 1600 بالتكييف والباور الفابريقه ودى مش هنعدل سم واحد لأنها كانت نازله فيها اصلا وحطلها فلتر اسبور وظبط نظام العادم ... من جوه ركب تابلوه وفرش ابواب بولونيز حديثه وسنتر وازاز كهربا ووحده رفع وفرش جلد لونين

كل دا مش هيتعدى 7 او 8 آلاف جنيه

طبعا على تمن العربيه هيكون حوالى 22 ألف ...... عشان تجيب عربيه حديثه بالإمكانيات دى والحاله دى مش أقل من 30 او 35 شفت الفرق كام ؟؟؟

لكن انا لو متوافر ليا الحديث اكيد هركبها لأن فى عيوب صعب انك تحلها فالبولونيز ... وهيا نشوفيه العفشه والهاندلينج بمعنى ان العربيه زفت فالملفات

اى حاجه تانيه فالبولونيز ممكن تتعدل وتبقى احسن من العربيات الجديده .... بمعنى اى حاجه اى حاجه

دلوقتى موتور بولونيز قول 2000ج وباور 500ج وتابلوه وفرش ابواب 1000 ولو الربع الامامى الشكل الجديد 1500 يبقى الاجمالى 5000 جنيه كدا الاحسن نصف امامى بولونيز كامل بكل حاجة فيه بيعمل فى الجملة من 3ل 4 الاف وكدا استفدت بقطمة دركسيون و ضفيرة وعفشة ورادتير وصاج وحاجات كتير بس متغيرش النص كامل علشان المرور خد منه اللى انت عايزه وركبه فى عربيتك وكدا وفرت وعندك حاجات زيادة كمان

المشاركة الأصلية كتبت بواسطة zika9909

أنا كنت عايز أحسن أداء العربية (غير تسقيط المواتير و الكلام ده لأن أنا موتوري لسه شغال و كمان الميزانية لا تسمح بتسقيط مواتير ولا عمرة حتى) ففكرت في الفلتر الرياضي و دورت كتير في المنتدى و لاقيت كلام كتير عن الفلتر الرياضي و كل واحد له رأيه، المهم إللي فهمته إن في نوعين من الفلتر واحد للعربيات الكربراتير (وده غالي شوية) و الثاني للإنجكشن (أسعاره متفاوتة في غالي و في رخيص)، طبعًا البولونيز إللي معايا كربراتير، مش عارف هل ممكن أركب فلتر الإنجكشن (سعره أرخص) بماسورة على فتحة العمة عندي؟ و لا فيه طريقة أقدر أركبه بيها على الكربراتير على طول؟ و يا ترى هيفرق قد إيه في أقصى سرعة العربية تقدر توصلها (العربية آخرها 70ك/س و أنا متضايق من الحكاية دي)؟

أرجو الإفادة.

الفلتر مش هيفرق فرق اسطورى يعنى طالما الحالة وحشة سواء طقم دبرياج او حالة موتور الخ لو كده اصبر وشد العربية كده واحدة احسن صدقنى

**masterww1** · 22-05-2011 11:07 AM

المشاركة الأصلية كتبت بواسطة kreka

تقريبا مش هتلاقى الحجات دى الا فعزبه شلبى

اسعار الإكصدام والرفرف والكبوت والشبكه ارجع صفحتين ورا وهتلاقى كل اللى تحتاجه

واحنا فالخدمه برضو

السلام عليكم
يا باشا اولا شكرا على الاهتمام والرد
العملية كدا شكلها انى حضطر انزل عزبة شلبى بقى وامرى الى الله علشان اشوف الاسعار على الطبيعة
وربنا يستر وادعيلى بقى الاقى الاسعار كويسة

**masterww1** · 22-05-2011 11:22 AM

المشاركة الأصلية كتبت بواسطة a_kamel

السلام عليكم يا جماعة

بالنسبة لفرش الباب اللي انا جبته تقريبا هو طقم باب كامل لأن معاه المخادع و اكر الزجاج و الجيوب اللي تحت

بالنسبة للأكصدام الامامي ب 150 جنيه اللي هو في الصورة دي

لو عايز الاكصدام و الشبكة و الستارة و الربع الامامي اللي في الصورة في عزبة شلبي عند المحمدي بيقول ب 1000 جنيه قبل الفصال طبعا

الاكصدام الامامي اللي زي بتاعي في الصورة دي ب 300 جنيه رغم انه اقدم لكن بيقولو ان مش موجود خالص

يارب اكون افدت :b4_611:

السلام عليكم
اكيد يا باشا طبعا افدت افادة كبيرة لو على الاسعار دى يبقى الواحد يستنى شويه بالاككصدام المكسور اللى عندى واجيب بقى الاكصدام و الشبكة و الستارة و الربع الامامي كله على بعضه وخلاص وربنا يسهل
وشاطرين افضالك ياباشا وربنا يخليلك عربيتك ويبعد عنها عربيات النص نقل

**kreka** · 22-05-2011 04:34 PM

المشاركة الأصلية كتبت بواسطة zika9909

بالنسبة لتعديل نظام العادم: هل في حاجة سهلة و رخيصة أقدر أزود بيها أداء الموتور؟ ولا الموضوع معقد و هيدخلني في متاهات؟
أنا مش عايز أصرف كتير، أي تعديل على معقول و يوصل لنتائج كويسة يكفي.

شوف انا اللى اعرفه على تعديل انظمه العادم وهو الديفيل الاصلى والهايدر الحجات دى ممكن تعدى ال 2000 وممكن 3000 كمان

فطبعا فحاله انك هتدفع المبلغ دا الأفضل انك تسقط موتور 1600 انجكشن مع فيلتر رياضى وطبعاً الفرق رهيب

**kreka** · 22-05-2011 04:40 PM

المشاركة الأصلية كتبت بواسطة keko

هحاول ارد على قدر معلوماتى

دلوقتى موتور بولونيز قول 2000ج وباور 500ج وتابلوه وفرش ابواب 1000 ولو الربع الامامى الشكل الجديد 1500 يبقى الاجمالى 5000 جنيه كدا الاحسن نصف امامى بولونيز كامل بكل حاجة فيه بيعمل فى الجملة من 3ل 4 الاف وكدا استفدت بقطمة دركسيون و ضفيرة وعفشة ورادتير وصاج وحاجات كتير بس متغيرش النص كامل علشان المرور خد منه اللى انت عايزه وركبه فى عربيتك وكدا وفرت وعندك حاجات زيادة كمان

الفلتر مش هيفرق فرق اسطورى يعنى طالما الحالة وحشة سواء طقم دبرياج او حالة موتور الخ لو كده اصبر وشد العربية كده واحدة احسن صدقنى

الموتور الكويس هيبدأ من 2000 جنيه اللى هو 1600 انجكشن
الربع امامى هتجيبه بحوالى 700 ولو حاله الربع بتاعك كويس هتبيعه بحوالى 200 او 300
النص قدام كامل ب 5000 جنيه وهيكون فيه مشكله انك ممكن تلاقى حاجه فيه سليمه وغيرها لأ
التابلوه اللى كلنا بندور عليه دا نادر وصعب تلقيه
طبعا الفلتر فالكربيراتير ملوش لزمه ... اما فالانجكشن بيفرق بس مش جامد ... بيفرق جامد مع المواتير الكبيره
يعنى موتور زى البولونيز لو 95 هور باور اخره يخليه 100 ودا كمان صعب

**Zika9909** · 23-05-2011 12:55 AM

المشاركة الأصلية كتبت بواسطة keko

الفلتر مش هيفرق فرق اسطورى يعنى طالما الحالة وحشة سواء طقم دبرياج او حالة موتور الخ لو كده اصبر وشد العربية كده واحدة احسن صدقنى

المشاركة الأصلية كتبت بواسطة kreka

طبعا الفلتر فالكربيراتير ملوش لزمه ... اما فالانجكشن بيفرق بس مش جامد ... بيفرق جامد مع المواتير الكبيره
يعنى موتور زى البولونيز لو 95 هور باور اخره يخليه 100 ودا كمان صعب

شكرًا على ردودكم، بس أنا عايز حل، الموتور عندي صوته معقول (لا عالي أوي و لا منخفض و بيقطع) و مش بيطلع دخنة خالص، الفتيس كويس و مش بيطلع صوت حشرجة عند النقل ولا بينطر من مكانه، دواسة الدبرياج كويسة، زيت الفرامل و الدبرياج مش بينقص تقريبًا، العربية كانت مركونة مدة طويلة و لما شغلتها غيرت البوجيهات و نضفت الكربراتير، البطارية سليمة، بحط لها بنزين 80.

إيه الحل؟؟؟؟؟؟؟؟

**keko** · 23-05-2011 06:34 AM

المشاركة الأصلية كتبت بواسطة kreka

الموتور الكويس هيبدأ من 2000 جنيه اللى هو 1600 انجكشن
الربع امامى هتجيبه بحوالى 700 ولو حاله الربع بتاعك كويس هتبيعه بحوالى 200 او 300
النص قدام كامل ب 5000 جنيه وهيكون فيه مشكله انك ممكن تلاقى حاجه فيه سليمه وغيرها لأ
التابلوه اللى كلنا بندور عليه دا نادر وصعب تلقيه
طبعا الفلتر فالكربيراتير ملوش لزمه ... اما فالانجكشن بيفرق بس مش جامد ... بيفرق جامد مع المواتير الكبيره
يعنى موتور زى البولونيز لو 95 هور باور اخره يخليه 100 ودا كمان صعب

على فكرة النص الامامى مش ب 5 ده من 3000 ل 4000 بالكتير قوى وموديلات عالية كمان لحد 2001 بس السعر ده فى الجملة يعنى لو رحت زى مانا عملت وافتكرنى افندى قاللى 8000 ولما واحد قريبى مسكه طلع عينه وصله 3500 ج والراجل كان عنده عربيات بالهبل نصين تنقى منها وتجرب وتعيش

المشاركة الأصلية كتبت بواسطة zika9909

شكرًا على ردودكم، بس أنا عايز حل، الموتور عندي صوته معقول (لا عالي أوي و لا منخفض و بيقطع) و مش بيطلع دخنة خالص، الفتيس كويس و مش بيطلع صوت حشرجة عند النقل ولا بينطر من مكانه، دواسة الدبرياج كويسة، زيت الفرامل و الدبرياج مش بينقص تقريبًا، العربية كانت مركونة مدة طويلة و لما شغلتها غيرت البوجيهات و نضفت الكربراتير، البطارية سليمة، بحط لها بنزين 80.

إيه الحل؟؟؟؟؟؟؟؟

اولا صوت التقطيع لو فيه تكتكة يبقى التاكيهات مش مظبوطة لو من غير تكتكة يبقى البنزين والكهرباء مش مظبوطين كويس من الكاربراتير وبرضه الاسطوانة والديسك بياثروا طبعا فى السرعه القصوى

**Zika9909** · 23-05-2011 12:46 PM

المشاركة الأصلية كتبت بواسطة keko

اولا صوت التقطيع لو فيه تكتكة يبقى التاكيهات مش مظبوطة لو من غير تكتكة يبقى البنزين والكهرباء مش مظبوطين كويس من الكاربراتير وبرضه الاسطوانة والديسك بياثروا طبعا فى السرعه القصوى

العربية مش بتقطع.
أنا مش عارف المشكلة منين.

**kreka** · 23-05-2011 08:22 PM

المشاركة الأصلية كتبت بواسطة keko

على فكرة النص الامامى مش ب 5 ده من 3000 ل 4000 بالكتير قوى وموديلات عالية كمان لحد 2001 بس السعر ده فى الجملة يعنى لو رحت زى مانا عملت وافتكرنى افندى قاللى 8000 ولما واحد قريبى مسكه طلع عينه وصله 3500 ج والراجل كان عنده عربيات بالهبل نصين تنقى منها وتجرب وتعيش

اولا صوت التقطيع لو فيه تكتكة يبقى التاكيهات مش مظبوطة لو من غير تكتكة يبقى البنزين والكهرباء مش مظبوطين كويس من الكاربراتير وبرضه الاسطوانة والديسك بياثروا طبعا فى السرعه القصوى

لو السعر دا فعلا 4000 وتاخود نص حاله الموتور بتاعه كويسه ويكون ال1600 الانجكشن ومعاه بور وتكييف (معرفش اصلا العربيه بتكون مكيفه ولا لأ ) وعفشه سليمه دا يبقى تمام غير انك بتاخود الشكل الجديد

بس فى سؤال ... هو الرفرف والاكصدام بيركبوا لحام ولا مسامير ؟؟؟؟؟؟؟؟؟

صوت التقطيع دا غالبا هيكون من الهوا والبنزين خلى الميكانيكى يظبط المسمار
وروح اكشف على الشكمان

**keko** · 24-05-2011 08:33 AM

المشاركة الأصلية كتبت بواسطة kreka

لو السعر دا فعلا 4000 وتاخود نص حاله الموتور بتاعه كويسه ويكون ال1600 الانجكشن ومعاه بور وتكييف (معرفش اصلا العربيه بتكون مكيفه ولا لأ ) وعفشه سليمه دا يبقى تمام غير انك بتاخود الشكل الجديد

بس فى سؤال ... هو الرفرف والاكصدام بيركبوا لحام ولا مسامير ؟؟؟؟؟؟؟؟؟

صوت التقطيع دا غالبا هيكون من الهوا والبنزين خلى الميكانيكى يظبط المسمار
وروح اكشف على الشكمان

ان شاء الله السعر اقل من 4000 وبالنسبة للرفرف تقريبا مسامير مش متاكد اما الاكصدام اكيد مسامير