الموضوع: ::: البولونيز المظلومة :::

المشاركة الأصلية كتبت بواسطة kreka

مشكله العفشه كمان فالملفات العربيه بحس انها بتحدف من ورا جامد

دا تقريبا نظام التعليق بس هل ليه حل

موضوع انى اجنط 17 بيحتاج تعديل ولا لأ ؟؟ عشان واحد قريبى قالى بتتجنط على طول

مشكلة الحدفة لان العفشة ناشفة قوى من ورا انت تهتم بيها كويس وتتاكد ان العربية ارتفاع ورا وقدام واحد بس اكتر من كده مش هاتفرق
لا طبعا مش بتجنط على طول ده فيه حسابات كتير علشان التجنيط يكون مفيد مش مضر

المشاركة الأصلية كتبت بواسطة lovelymido25

أنا معايا بولونيز 88 العربيه والله محترمه جدا وحمالة قسيه بس المشكله ان الموتور بتاعهادخل عمرة مرتين ومش عارف اعمل ايه تانى

عمرة كاملة مرتين !! لو كدا فعلا يبقى غالبا ميكانيكى معندوش ضمير

المشاركة الأصلية كتبت بواسطة keko

مشكلة الحدفة لان العفشة ناشفة قوى من ورا انت تهتم بيها كويس وتتاكد ان العربية ارتفاع ورا وقدام واحد بس اكتر من كده مش هاتفرق
لا طبعا مش بتجنط على طول ده فيه حسابات كتير علشان التجنيط يكون مفيد مش مضر

طب انت عارف حاجه عن التعديلات دى ؟؟

وموضوع النشوفيه دا ملوش حل ؟

سهل نميز الموتور الأول عن الثاني و الثالث لأنه الأقدم و كمان هو 1.6 مش 1.6s.
احتمال يكون الموتورين إللي أنت سألت عليهم هما الموتورين الثاني و الثالث على اعتبار إن الـ80 حصان هو الأبيض و الـ92 حصان هو الأسود عشان كده الأسود أغلى من الأبيض بألف جنيه بحالهم.

أتمنى إني أكون وضحت الفكرة، بس بردو اتأكد لأن كل إللي أنا قلته مجرد تخمينات بناءً على إللي بلاقيه قدامي.[/QUOTE]


تسلم يا باشا ع المعلومات القيمة

السلام عليكم

الأخوة الاعزاء
kreka keko Zika9909 و باقي مالكي البولونيز اشكر جدا تفاعلكم و تحليلاتكم و نصائحكم الغاليه

و ياريت ياجماعة لو حد يعرف حد عنده بولونيز مسقط لها اي نوع موتور ايا كان يقولنا ايه خبرته معاها

لاني و الله بفكر اسقط موتور تاني غير اللي فيها بس مقلق و رجعت للميكانيكي بتاعي قولت له بفكر اسقط موتور كان هيضربني ( طبعا هو جارنا و في مقام ابويا )
هو بس راجل دوغري ما يعجبوش حوارات التسقيط و التغيير

قاللي بمنتهي البساطه ما تلعبش في اساسيات العربية طالما ان الموتور فابريقة ما تغيروش عشان ما توقعش سعر العربية

طبعا عنده حق و لكن ايه المانع ان العربية تفوق شويه بموتور 1600 و لا 2000 سي سي و تتظبط و ياريت تكييف و صالون جامد من جوه .....

حاجه تانية برضه عرفتها انك لو جبت موتور و سقطه بعض اصحاب المحلات بيديك ضمان 10 ايام بحالهم من تاريخ الشراء و طبعا انت و حظك

طبعا كل ما تسأل حد يقولك يابني دماغك لم لك قرشين و اقلب اللي معاك و هات لك حاجه جديده بتكييف و حركات ( شرا العبد و لا تربيته )

بس كل ما ابتدي افكر كده ما الاقيش عربية تستحمل

فياريت لو حد عنده تجربه عمليه يحكي لنا يمكن ناس كتير تستفيد

تقبلوا كامل احترامي

المشاركة الأصلية كتبت بواسطة a_kamel

السلام عليكم

الأخوة الاعزاء
kreka keko zika9909 و باقي مالكي البولونيز اشكر جدا تفاعلكم و تحليلاتكم و نصائحكم الغاليه

و ياريت ياجماعة لو حد يعرف حد عنده بولونيز مسقط لها اي نوع موتور ايا كان يقولنا ايه خبرته معاها

لاني و الله بفكر اسقط موتور تاني غير اللي فيها بس مقلق و رجعت للميكانيكي بتاعي قولت له بفكر اسقط موتور كان هيضربني ( طبعا هو جارنا و في مقام ابويا )
هو بس راجل دوغري ما يعجبوش حوارات التسقيط و التغيير

قاللي بمنتهي البساطه ما تلعبش في اساسيات العربية طالما ان الموتور فابريقة ما تغيروش عشان ما توقعش سعر العربية

طبعا عنده حق و لكن ايه المانع ان العربية تفوق شويه بموتور 1600 و لا 2000 سي سي و تتظبط و ياريت تكييف و صالون جامد من جوه .....

حاجه تانية برضه عرفتها انك لو جبت موتور و سقطه بعض اصحاب المحلات بيديك ضمان 10 ايام بحالهم من تاريخ الشراء و طبعا انت و حظك

طبعا كل ما تسأل حد يقولك يابني دماغك لم لك قرشين و اقلب اللي معاك و هات لك حاجه جديده بتكييف و حركات ( شرا العبد و لا تربيته )

بس كل ما ابتدي افكر كده ما الاقيش عربية تستحمل

فياريت لو حد عنده تجربه عمليه يحكي لنا يمكن ناس كتير تستفيد

تقبلوا كامل احترامي

ايوه كده عايزين ننشط الرابطه

بالنسبه للتسقيط ازاى يقلل سعر العربيه ؟؟ هل سعر البولونيز 1600 نفس البولونيز ال 1500 ؟

لو عايز تكون فالمضمون فالتسقيط ممكن تسقط المكنه البولونيز الإنجكشن 1600 بالتكييف والباور الفابريقه ودى مش هنعدل سم واحد لأنها كانت نازله فيها اصلا وحطلها فلتر اسبور وظبط نظام العادم ... من جوه ركب تابلوه وفرش ابواب بولونيز حديثه وسنتر وازاز كهربا ووحده رفع وفرش جلد لونين

كل دا مش هيتعدى 7 او 8 آلاف جنيه

طبعا على تمن العربيه هيكون حوالى 22 ألف ...... عشان تجيب عربيه حديثه بالإمكانيات دى والحاله دى مش أقل من 30 او 35 شفت الفرق كام ؟؟؟

لكن انا لو متوافر ليا الحديث اكيد هركبها لأن فى عيوب صعب انك تحلها فالبولونيز ... وهيا نشوفيه العفشه والهاندلينج بمعنى ان العربيه زفت فالملفات

اى حاجه تانيه فالبولونيز ممكن تتعدل وتبقى احسن من العربيات الجديده .... بمعنى اى حاجه اى حاجه

المشاركة الأصلية كتبت بواسطة a_kamel

السلام عليكم

الأخوة الاعزاء
kreka keko zika9909 و باقي مالكي البولونيز اشكر جدا تفاعلكم و تحليلاتكم و نصائحكم الغاليه

العفو يا باشا، أنت تؤمر بس.

أنا كنت عايز أحسن أداء العربية (غير تسقيط المواتير و الكلام ده لأن أنا موتوري لسه شغال و كمان الميزانية لا تسمح بتسقيط مواتير ولا عمرة حتى) ففكرت في الفلتر الرياضي و دورت كتير في المنتدى و لاقيت كلام كتير عن الفلتر الرياضي و كل واحد له رأيه، المهم إللي فهمته إن في نوعين من الفلتر واحد للعربيات الكربراتير (وده غالي شوية) و الثاني للإنجكشن (أسعاره متفاوتة في غالي و في رخيص)، طبعًا البولونيز إللي معايا كربراتير، مش عارف هل ممكن أركب فلتر الإنجكشن (سعره أرخص) بماسورة على فتحة العمة عندي؟ و لا فيه طريقة أقدر أركبه بيها على الكربراتير على طول؟ و يا ترى هيفرق قد إيه في أقصى سرعة العربية تقدر توصلها (العربية آخرها 70ك/س و أنا متضايق من الحكاية دي)؟

أرجو الإفادة.