الموضوع: ::: البولونيز المظلومة :::

المشاركة الأصلية كتبت بواسطة sabry7

السلام عليكم ورحمة الله وبركاته عاملين ايه بارجالة ماحدش دخل على الموقع من مدة فى عندى مشكلة العجلة الخلفية بتسخن عندى جامد وبحس بريحة شياط تيل وساعات دخان وده بعد مامليت التيل الخلفى لقيت الجاة اليمين بنسخن جامد ورحت لبتاع الفرامل كذا مرة ومافيش فايدة ورحت للميكانيكى لما حسيت ان بتاع الفرامل مش عارف يعملها غير ماستر الفرامل وجبته ب30 جنيه ورحت الشغل كانت كويسة وانا راجع عملت نفس القصة ياترى حد حصل عنده كده ولقى حل

المشكلة دي حصلت معايا في العجلة الخلفية شمال، العيب كان من بلية العجلة، غيرتها و المشكلة ماحصلتش تاني.
هتروح لعفشجي أو ميكانيكي بيشتغل في العفشة و يفك العجلة دي و يفك التيل و الطنبورة و يطلع الأكس من الكورونة، تروح بالأكس عند محل قطع الغيار و تشتري بلية زي إللي راكبة على الأكس بالضبط (أنا اشتريت البلية الياباني بـ33 جنيه و كان في صيني بـ12 جنيه)، تروح بيهم عند خراط و تخليه يطفش البلية القديمة و يركب البلية الجديدة و خد البلية القديمة معاك ماترميهاش (الخراط هياخد من 5 إلى 7 جنيه)، تروح بالأكس و راكب عليه البلية الجديدة عند العفشجي تخليه يركبهم (العفشجي هياخد 20 جنيه بالكتير).
كده التكلفة الإجمالية: 33 بلية + 7 عند الخراط + 20 مصنعية العفشجي = 60 جنيه

ملاحظات:
1- احتفظ بالبلية القديمة عشان لو حصل حاجة تاني تاخد البلية و تجيب زيها من غير ما تشيل الأكس لأنه تقييييييييييييل أوييييييييييي و هيقطم إيدك على ما تلاقي حد عنده البلية المطلوبة.
2- خد معاك حتة قماشة قديمة تمسك بيها الأكس لأنه هيبهدلك و يبهدل هدومك لو ماسكه بإيدك كده من غير قماشة.
3- لو المشكلة اتكررت يبقى المشكلة من الفرامل، بس ده احتمال ضعيف.
4- ابقى طمنا عملت إيه ، و إن شاء الله المشكلة دي مش هتكرر تاني.

المشاركة الأصلية كتبت بواسطة sabry7

السلام عليكم ورحمة الله وبركاته شكرا اخى زيكا على الرد لكن العيب طلع من الماستر وغيرتة لانه كنت لما اضرب فرامل يفتح ومايقفلش تانى والميكانيكى خف رجللاش العجل شوية

الحمد لله جات سليمة
أنا ماليش في شغل الفرامل
لكن
إزاي ميكانيكي الفرامل ماعرفهاش مع إنك روحت له أكتر من مرة؟!!
و إزاي الميكانيكي خلاك تغير ماستر من غير لازمة؟!!

و من رأيي تشوف ميكانيكي فرامل غير إللي أنت بتروح له.

الأخوة الكرام
كان عندي شغل في الفتيس والحمد لله عملته وخلصته لكن بعد تركيب الفتيس لقيت الخامس لا يعشق إلا إذا خلعت الغطاء المحيط به لأن عصا الفتيس عندما تصطدم بإطار هذا الغطاء لا يأخذ الفتيس مشواره كاملاً

ما حل تلك المشكلة؟؟؟

شكراً