شكرا اخى كاريكا على الرد وانت شديت العربية ولا لسة
عرض للطباعة
شكرا اخى كاريكا على الرد وانت شديت العربية ولا لسة
المشكلة دي حصلت معايا في العجلة الخلفية شمال، العيب كان من بلية العجلة، غيرتها و المشكلة ماحصلتش تاني.
هتروح لعفشجي أو ميكانيكي بيشتغل في العفشة و يفك العجلة دي و يفك التيل و الطنبورة و يطلع الأكس من الكورونة، تروح بالأكس عند محل قطع الغيار و تشتري بلية زي إللي راكبة على الأكس بالضبط (أنا اشتريت البلية الياباني بـ33 جنيه و كان في صيني بـ12 جنيه)، تروح بيهم عند خراط و تخليه يطفش البلية القديمة و يركب البلية الجديدة و خد البلية القديمة معاك ماترميهاش (الخراط هياخد من 5 إلى 7 جنيه)، تروح بالأكس و راكب عليه البلية الجديدة عند العفشجي تخليه يركبهم (العفشجي هياخد 20 جنيه بالكتير).
كده التكلفة الإجمالية: 33 بلية + 7 عند الخراط + 20 مصنعية العفشجي = 60 جنيه
ملاحظات:
1- احتفظ بالبلية القديمة عشان لو حصل حاجة تاني تاخد البلية و تجيب زيها من غير ما تشيل الأكس لأنه تقييييييييييييل أوييييييييييي و هيقطم إيدك على ما تلاقي حد عنده البلية المطلوبة.
2- خد معاك حتة قماشة قديمة تمسك بيها الأكس لأنه هيبهدلك و يبهدل هدومك لو ماسكه بإيدك كده من غير قماشة.
3- لو المشكلة اتكررت يبقى المشكلة من الفرامل، بس ده احتمال ضعيف.
4- ابقى طمنا عملت إيه :grin54: :grin54: ، و إن شاء الله المشكلة دي مش هتكرر تاني.
السلام عليكم ورحمة الله وبركاته شكرا اخى زيكا على الرد لكن العيب طلع من الماستر وغيرتة لانه كنت لما اضرب فرامل يفتح ومايقفلش تانى والميكانيكى خف رجللاش العجل شوية
لسه لأنى ملتزم الاعده فالبيت لحد ما التحاليل بتاعتى تتظبط
بس ان شاء الله والدى نازل مصر بكره .. وكمان اسبوع كده ان شاء الله هنبدأ نشدها
طقم شمبر وتغيير اى حاجه مش تمام فالموتور ... كرسى نص + صليبه كردان ورا وقدام + فلانشه ... فرش وتظبيط الكراسى
بالمناسبه انا غيرت ازاز قدام ب 170 بس وضوح ورؤيه افضل ماشاء الله
السلام عليكم ورحمة الله وبركاته ربنا يوفقك فى العربية والتحاليل تطلع جيدة باذن الله
السلام عليكم ورحمة الله وبركاته انا اشتريت امبارح كشافين ضباب اللى غطاهم ابيض ونصفه اصفر والاخر ابيض عندنا فى الزاوية ب80 جنية جبتهم من التوفيقية ب55جنية وسماعتين سيمفونى صغيرين للباب ب50 جنيه عندنا فى الزاوية مع الاكرامية 65 جنية خلى بالكو بتوع محلات الاكسسوار فى الاحياء الشعبية شماطين
الأخوة الكرام
كان عندي شغل في الفتيس والحمد لله عملته وخلصته لكن بعد تركيب الفتيس لقيت الخامس لا يعشق إلا إذا خلعت الغطاء المحيط به لأن عصا الفتيس عندما تصطدم بإطار هذا الغطاء لا يأخذ الفتيس مشواره كاملاً
ما حل تلك المشكلة؟؟؟
شكراً