السلام عليكم
كيف الحال ؟؟
أقوم الأن بتعديل و شد عربيتى البولونيز موديل 86 ! و لدى بعض الأسئلة إذا سمحتم
1) أريد أن أركب عفشة أمامية كاملة جديدة بس من غير مساعدين ، أريد واحد متخصص لأنى غيرتها قبل كدة و بعد إسبوع إبتدت تعك ؟
2) بالنسبة لتغيير مكنة الدريكسيون لباور هل لذلك علاقة بالعفشة ؟؟ ..أو بمعنى أصح هل أنتظر و لا أصلح العفشة حتى أشترى و أركب علبة الدريكسيون ؟؟ ..و هل يوجد تعارض مع علبة الدريكسيون الباور و الموتور الأصلى للبولونيز ؟؟ ...ما هى علبة الدريكسيون الباور المتوافقة التى يجب أن أبحث عنها للبولونيز؟
لقد أرسلت الأسئلة اليوم لأ/ أيمن أيضا بعد ما رأيت من الشغل الرائع فى عربيته ما شاء الله ، و لكن أتركها هنا أيضا لأنى مزنوق فى الوقت فلو أحد من الأعضاء الكرام يعطينى الإجابات عن هذه أكون شاكرا له
بالنسبة للعفشة روح لحد شاطر يفك العفشة كلها ويكشف عليها و البايظ يغيرة
مكنة الباور بتركب على اى موتور بس بتغير طمبورة الكرنك وتجيب طمبورة 2 سير وتعملها قاعدة عند الخراط
بالنسبة للعفشة روح لحد شاطر يفك العفشة كلها ويكشف عليها و البايظ يغيرة
مكنة الباور بتركب على اى موتور بس بتغير طمبورة الكرنك وتجيب طمبورة 2 سير وتعملها قاعدة عند الخراط
مشكور للرد أنا إن شاء الله رايح لواحد عفشجى بكرة الصبح فعلا،
بالنسبة للباور الموضوع مفيد فعلا ..بس أنا سألت واحد على علبة الباور قالى لى إنها لازم سير الكاتينة يكون كاوتش و أنا إللى عندى جنزير حديد ، إنت كان إللى فى عربيتك كاوتش ؟؟؟
أنا شايف إن السير بتاع الباور راكب من برة مش عارف هو إيه علاقته بسير الكاتينة
لو كان إللى عندك كاوتش يبقى يا ريت مشكورا تبعت لى رقم الميكانيكى و مكانه
بعد السلام عليكم ورحمة الله ارجو من حضراتكم المساعده
اولا انا عايز اجيب موتور استيراد ونزلت انهارده شلبى وكانت الاسعار كالتالى
موتور شورت بلوك 1600 ب 1700
موتور شورت بلوك انجيكشن بدون الدفيره +التكييف2200 والدفيره بتاعة الانجيكشن هى هى بتاعة الدايو
الفتيس فى جميع الاحوال من 600 الى 800
الموتور كامل بالفتيس وادوات التغذيه 3500 والكلام ده كله بدون فصال
لو فى حد من بورسعيد او نزل بورسعيد قريب ممكن يقولنا على الاسعار هناك
وهل موضوع الموتور المكيف ده حد جربه وكان كويس ولا ايه
وياريت حد يفهمنى موضوع العلبه الباور واسعارها عشان انا مسألتش عليها لانى لسه قاريها حالا
وشكرا واسف للطاله
اولا شكرا للمتابعه
ثانيا الساندن ده سعره كام
ثالثا واخيرا الانجيكشن متعب فى ايه
اسف للاطاله
تقريبا بيكون فحدود ال 4000
المشاركة الأصلية كتبت بواسطة utopianmeego
أنا إبتديت أول خطوات فى المشوار الطويل بتاع شد البولونبز :d
عفشة و كاوتش و دلوقتى عايز أغير الجنوط بتاعتها و خصوصا إنهم فعلا حالتهم سيئة
الأول هل الجنط له مقاس معين ، زى سمك مثلا ؟؟ غير القطر إللى هو 13 إنش ؟
أنا كنت بسمع إن فى حاجة إسمها 4/100 تقريبا للفيات بس معرفش دى مقصود بيها إيه
ثانيا أبن يمكن شراء جنوط 13 حديد بس جديد مش إستيراد ؟؟
و غدا بإذن الله أنا هاروح لشركة النصر فى وادى حوف لو حد عايز أسئل له على حاجة يتفضل :)
و شكرا لكم أصدقاء الكفاح :d
انا اشتريت جنطين حديد من عزبه شلبى بس حاجه نضيفه جدا جدا بتوع شاهين ب 250 جنيه
وخلى بالك ان الجنط لازم يكون فيه خرمين جنب اخرام المسامير عشان الزنبتين اللى فالطنبوره
ال 100/4 و 114/4 دى المسافه بين المسامير وعددهم ودا على حسب العربيه
انا معايا بولونيز 91 عربية حمالة قاسية وجامدة و شديدة وعافية انا معاكم حاجه فاخيمة
بس مطلعه عينى انا مركبلها ماتور32 ال 2000CC العربية لسه طالعة من عامرة كامله المصيبة انها ما بتعديش ال 110 و بتاكل بنزين بطريقة زى الزفت بتعمل فى ال 20 لتر 60 ك حد يقولى اعمل ايه يا جدعان مع العلم انها كانت بتعمل 140 ك فى ال 20 لتر ايه اللى حصل مش عارف و بالنسبة للسحب حد يقولى اعمل ايه ولا اروح لمين
المفضلات