هبيع الاوبترا واجيبـ سيفيك 97

**dr_abooody** · 20-05-2009 04:15 PM

اياك و المستعمل في مصر بالذااااااااااات

هتلاقية مقلب دايما

**khaled_rafea** · 21-05-2009 12:09 PM

سبحان الله, طب ما الجديد فى مصر بعد سنة ولا سنتين بالكتير برده بيبقى مستعمل,و بيخسر كتير اوى, الفكرة مش مستعمل او جديد, المهم الميزانية و حالة العربية تكون ممتازة و تكون بتعرف تقيم صح العربية المستعملة اللى قدامك من حيث الحالة و الكفائة و السعر

**M_Nabil** · 21-05-2009 04:21 PM

المشاركة الأصلية كتبت بواسطة dr_abooody

اياك و المستعمل في مصر بالذااااااااااات

هتلاقية مقلب دايما

لو كل الناس على المبدأ ده يبقى نادر اللى هيركب سيارات في مصر ، ومش معنا ان حد خد مقلب في عربية مستعملة اشترها يبقى ده الاصل ونعممه على جميع السيارات المستعملة ولا ايه يا دكتور

**wael_adel31** · 21-05-2009 04:42 PM

أنا مش متحيز للأوبترا أبدا , وعلى فكرة أنا بحب السيفك مووت فى كل حاجة ( ماتور,ثبات,شكل....)
وفكرت ساعات فى انى أبيع عربيتى وأجيب سيفك أو أوبل 97 2000سى سى أو بى ام 318 بس صدقنى برجع وأقول أنا راكب زيرو أنزل منها وأركب عربية أقدم عشان خاطر ماتور أو تظبيط أو ثبات.... ليــــــــــــــــــــه؟؟ ؟ دا الواحد دلوقتى مبيعرفش حتى يجيب 60 فى الشارع من كتر الزحمة وقرف المرور.وكمان العربية أنا عرفت فيها كل حاجة يعنى لو حصلت أى مشكلة ببقى عارف سببها وايه علاجهاوفين, اما أنى أبدأ من الأول وأقعد أغير فى كل حاجة فى العربية عشان أبقى متأكد من كفائتهاوأقعد ألف حوالين نفسى ... فعدلت فكرتى وقلت لو ركبت أركب كسر زيرو أو حاجة استخدام سنتين لأن التكنولجيا اتغيرت أكيد فى خلال ال 12 سنة الفرق دول . أو أخلينى فى عربيتى وأعمل فيها اللى أنا عايزوه من أى عربية تانية.

**M_Nabil** · 21-05-2009 08:59 PM

المشاركة الأصلية كتبت بواسطة wael_adel31

أنا مش متحيز للأوبترا أبدا , وعلى فكرة أنا بحب السيفك مووت فى كل حاجة ( ماتور,ثبات,شكل....)
وفكرت ساعات فى انى أبيع عربيتى وأجيب سيفك أو أوبل 97 2000سى سى أو بى ام 318 بس صدقنى برجع وأقول أنا راكب زيرو أنزل منها وأركب عربية أقدم عشان خاطر ماتور أو تظبيط أو ثبات.... ليــــــــــــــــــــه؟؟ ؟ دا الواحد دلوقتى مبيعرفش حتى يجيب 60 فى الشارع من كتر الزحمة وقرف المرور.وكمان العربية أنا عرفت فيها كل حاجة يعنى لو حصلت أى مشكلة ببقى عارف سببها وايه علاجهاوفين, اما أنى أبدأ من الأول وأقعد أغير فى كل حاجة فى العربية عشان أبقى متأكد من كفائتهاوأقعد ألف حوالين نفسى ... فعدلت فكرتى وقلت لو ركبت أركب كسر زيرو أو حاجة استخدام سنتين لأن التكنولجيا اتغيرت أكيد فى خلال ال 12 سنة الفرق دول . أو أخلينى فى عربيتى وأعمل فيها اللى أنا عايزوه من أى عربية تانية.

منور يا وائل باشا كلام سليم اتفق معك فيه .. وبعدين الواحد بيسمع اسعار غريبة قوى الايام دى

**SAMEH_FOUAD** · 21-05-2009 09:45 PM

بعد اذنكوا بقى يارجالة كلام من الاخر:
دلوقتى الجديد مابيكملش كام شهر وتلاقية دخل التوكيل وفية عيوب كتير جدا وتلاقى العربية عطلانة ولسة معداش عليها سنة طيب لو قعدت كام سنة كمان هاتعمل اية
النقطة التانية :ان الزيرو بيخسر مع اول تدويرة مفتاح 10,000 جنية او اقل بنسبة بسيطة ,طيب لو قعدت سنتين هاتبيعها بكام وهاتكون صرفت عليها قد اية اكيد هاتبقى خسارة فادحة وعن تجربة والله بس مش ليا لواحد صاحبى
نيجى بقى للهوندا : اكيد كلنا متفقين ان السيارات موديل التسعينات هى اعظم سيارات حتى الان,ونتكلم عن الهوندا بالتحديد
سيارة مابعدها سيارة والله اتحدى بيها عربية من نفس الفئة موديل 2008 من قوة ماتور وثبات لحد 180 مش موجود فى اى عربية دلوقتى فخامة ,رحابة ,اعتمادية ودية اهم حاجة فى ظل الظروف اللى احنا بنواجهها الان ,يابانى مليون *100 مافيش حتة معمولة خارج اليابان قطع غيار متوافرة وبتركبها وبتنساها بس مش غالية اوى ومش رخيصة اوى زى اى عربية جديدة حاليا ,كماليات كتير اوى كل حاجة حتى فيها فتحة السقف وكلة دة بالكهرباء وطبعا ايرباج وabs,ebd دية الاوبشن اللى عندى على فكرة بس sir واكيد موجودة فى الvti دة غير النعومة فى القيادة وصوت الماتور الهادى والشكل الجامد جدا اللى احسن من موديلات كتير جدا واى حاجة بتركبها بتبان عليها مع انها يكفيها بس الجنوط واتفرج عليها
فمحدش يقول زيرو عشان انا جيت اشترى زيرو مافيش عربية عجبتنى وكنت عايز اجيب عربية ماتعديش 100,000 عشان اعمل حساب للشقة كمان وفعلا مالقتش غير الهوندا راضية كل طموحاتى من اولها لاخرها ولو كان معايا اكتر كنت جيبت السيفيك الvti واستغنيت عن ال50 حصان الزيادة فى مقابل انى راكب بردة هوندا
اهم حاجة لو انت صممت على الهوندا اهم حاجة تجيب اساسياتها سليمة يعنى مش رشة جوة ومافيهاش شرخ فى الشاسية او لحامات واى حاجة بعد كدة تتظبط وصدقنى مش هتلاقيها تعبانة الهوندا سيارة اصيلة جدا جدا جدا وكفاية ان الناس كلها لحد دلوقتى بتبيعها بسعر اقل من الجديد بحوالى 10,000 بس طبعا الجديد المستعمل ومش عارفين يطلعوا فيها عيوب ابدا غير انها واطية ودة مش عيب العربية دة عيب الشوارع وربنا يوفقك
انا بس حبيت اوضح الجديد دة اية عشان فية ناس فرحانة بية وبترجع تشتم فى العربية بعديها بتلات تلاف كيلو بس بالذمة لو حد كان راكب الهوندا دية من اول ماطلعت احتمال يقولك انا مافكرتش انى اغير فيها غير بعد خمس سنين ولا حاجة شوفوا الفرق وحاجات تانية كتير وهات كل اللى راكب هوندا هنا فى القسم دة ويقولك عاملة ازاى ولو حد اشتكى منها يقول من اية
دة انا معايا sir وعارف انا بقول اية محدش فى الدنيا لحد دلوقتى عرف يخرج 175 حصان من ماتور 1600 من غير اى حاجة او تعديل فى الماتور وثبات لحد 220 وبعد كدة تبدأ تقول العربية بدات تخف

**tarek3elmasry** · 22-05-2009 12:45 AM

يا ترى قابلت مشاكل في الأوبترا ؟

**paul_walker** · 22-05-2009 07:24 PM

المشاركة الأصلية كتبت بواسطة tarek3elmasry

يا ترى قابلت مشاكل في الأوبترا ؟

هو مفيش غير حوار علبة الدركسيون ...بسـ فى ناس اشتكت برضه من المساعدين وقالت انهم بيتغيروا كل 13 شهر وحاجات كده وبعدين مهما كانت العربيه كورى يعنى مش هتيجى زى اليابانى ..
بصراحه انا مش عارف اخد قرار من كتر وجهات النظر دى وكلها وجهات نظر مقنعه ...!!

**the_first_knight** · 25-05-2009 12:11 AM

بص هقولك حاجة .......

الهوندا ( من وجهة نظري تفوق أي عربية تانية في نفس الفئة ) حتى لو كانت ألماني ....... الحدق يفهم ...

ومع كامل احترامي ( للأوبترا ) لا تضاهي السيفيك

لكن المهم حضرتك عايز إيه من العربية ( إنت ممكن تعدل الأوبترا وهتبقى تحفة ... جنوط - بودي كت - فوانيس ضباب - كاوتش عريض - جناح خلفي - طقم صوت - كاسيت Dvd ......... هتبقى تحفة .

وربنا يوفقك في قرارك