كاربيرتير جديد

**miso8489** · 13-05-2009 10:23 PM

يا اخوانا اللى يعرف الكابيرتير اللى يركب على لادا 2107 سعره كام يقولى بالله عليكم
استهلاك البنزين هيموتنى

**M.FOUAD** · 14-05-2009 02:36 PM

العربية بتعمل معاك كام كيلو في الصفيحة .عموما مش هتلاقي كارباراتير جديد الافضل انك تصلح بتاعك في ورش تخصص كاربارتير بس لان بصراحة الاستيراد معدش مضمون زي زمان

**masrawy1441** · 14-05-2009 05:34 PM

السلام عليكم انا عضو جديد معاكم
انا عربيتى 2105 موديل 92 بصراحه هيا كانت بتعمل معايا 130 كيلو فى الصفيحة وكنت مخنوق من الاداء ده جدااااا ورحت للميكانيكى بتاعى قلتله عاوز انضف الكاربراتير حلفلى بالله انه زى الفل ونضيف قلتله انت ايه اللى عرفك ما تفكه وبعدين تفتى قالى طالما ان الفلتر بتاع البنزين نضيف يبقى الكاربراتير نضيف وبعدين سألته عن الأداء البايخ بتاع استهلاك البنزين عندى فظبطلى المكنه ( يعنى تظبيط هوا وتظبيط اسبرياتير وتظبيط بنزين ) كل ده يدوى اقصد يعنى ما استهلكش قطع غيار
تخيلوا انى اتفاجئت ان العربيه بقت بتستهلك 170 كيلو فى الصفيحه طبعا دا داخل البلد
بس بصراحه ما جربتهاش برا البلد
وشكرا

**M.FOUAD** · 14-05-2009 06:22 PM

المشاركة الأصلية كتبت بواسطة masrawy1441

السلام عليكم انا عضو جديد معاكم
انا عربيتى 2105 موديل 92 بصراحه هيا كانت بتعمل معايا 130 كيلو فى الصفيحة وكنت مخنوق من الاداء ده جدااااا ورحت للميكانيكى بتاعى قلتله عاوز انضف الكاربراتير حلفلى بالله انه زى الفل ونضيف قلتله انت ايه اللى عرفك ما تفكه وبعدين تفتى قالى طالما ان الفلتر بتاع البنزين نضيف يبقى الكاربراتير نضيف وبعدين سألته عن الأداء البايخ بتاع استهلاك البنزين عندى فظبطلى المكنه ( يعنى تظبيط هوا وتظبيط اسبرياتير وتظبيط بنزين ) كل ده يدوى اقصد يعنى ما استهلكش قطع غيار
تخيلوا انى اتفاجئت ان العربيه بقت بتستهلك 170 كيلو فى الصفيحه طبعا دا داخل البلد
بس بصراحه ما جربتهاش برا البلد
وشكرا

حضرتك انا معايا نفس العربية بس موديل 95 وبتعمل على الاقل 200كم في وسط البلد و270-260 على السريع و بعدين الادا اصلا بتنزل من غير فلتر بنزين وانا مركبلها واحد بقالة خمس سنين وعلطول نظيف لانة ملوش اي لازمة.لازم دايما تنظف الكاربراتير و تلمع البوجيهات عشان توفر فلوسك و تحس باحسن اداء للعربية

**miso8489** · 15-05-2009 08:18 AM

شكرا يا جماعه على الردود الاستاذ نور و الاستاذ مصراوى
انا العربيه عندى لادا 2107 85 روسى 1300 سىسى بتعمل من 110 الى 120 فى الصفيحه

**mohamed2002** · 20-05-2009 03:30 PM

المشاركة الأصلية كتبت بواسطة nour87

حضرتك انا معايا نفس العربية بس موديل 95 وبتعمل على الاقل 200كم في وسط البلد و270-260 على السريع و بعدين الادا اصلا بتنزل من غير فلتر بنزين وانا مركبلها واحد بقالة خمس سنين وعلطول نظيف لانة ملوش اي لازمة.لازم دايما تنظف الكاربراتير و تلمع البوجيهات عشان توفر فلوسك و تحس باحسن اداء للعربية

200 كيلو في الصفيحة,اداء ممتاز يا ريت توصف لنا الميكانيكي دة

**Shiref_mohamed** · 26-05-2009 10:46 AM

المشاركة الأصلية كتبت بواسطة miso8489

يا اخوانا اللى يعرف الكابيرتير اللى يركب على لادا 2107 سعره كام يقولى بالله عليكم
استهلاك البنزين هيموتنى
:i_angr1[1]:

الكربراتير موجود جديد اصلي الروسي عند سيد نصار في التوفيقية وجبناه بـ 550 جنيه

**a_sabeq** · 01-07-2009 01:12 PM

متغيرش الكاربيراتير.. غير بيكات الكاربيراتير لو متآكلة، أو غيرهم ببيكات أضيق، هتلاقي مكتوب على كل بك مقاسه، هات المقاس الأضيق منه، واغسل الكاربيراتير كله حتة حتة، البيكات الأضيق هتوفرلك بنزين، بس هتقلل لك السحب شوية، بس فرق بسيط.. كمان افحص كهربة العربية عند حد كويس يظبط لك الاسبراتير