الموضوع: سؤال عن افضل طريقة لنسخ الاسطوانات لأفضل اداء

---

#dd00ffانا أعرف ان اللي بيبوظ الاسطوانه الـMP3 هو ان الخربوش فيها بيجيب فايلات كتيره
انت تشتري CD Protector و تلزقه هاتعيش اكتر

بس ممكن يكون في طريقة في النسخ افضل الله أعلم

حاول تنسخ علي اقل سرعه ممكن و شيلها في مكان بعيد عن الشمس و الرطوبه

انا متشكر لاهتمامكم ومروركم ياجماعة اصله موضوع بايخ بصراحة وبيشكك الواحد في الكاسيت لكن انا اكتشفت انها مشكلة عامة وزي ماقلتلكم هي قبل كل حاجة بتكون نوعية الاسطوانة بتفرق كتير يعني اللي مجرب نوع كويس يقول

بالنسبة يااحمد انا معرفش CD Protector دة تقصد بيه ايه بالظبط .. لكن انا بتكلم في انك تنسخ الاسطوانة تنزل تشغلها ممكن انت وحظك من الاول اساسا تقطع وتخربط وممكن بعد اول تشغيل او تاني مرة او تاني يوم !
انا اغلب نسخي كله بالويندوز من غير برامج عشان موضوع السرعة دة وجربت كذه سرعة بالنيرو ومفيش فايده مشكلة بايخة بجد بس عايز اتاكد من سرعة معينة عشان اجرب انواع الاسطوانات عليها لان كدة الكاسيت ابو شرايط اوفرلي بصراحة ههههههههه

powerofhelll
ياريت تقولي سرعه معينة انت مجربها والاسطوانة بتعيش معاك وتلحق تسمعها.. ولو في نوع معين ياريت تقولي لان في انواع ملهاش لازمة اطلاقا ً

علي فكره انا بجد اعرف اكتر من 10 صحابي عندهم نفس الموضوع وجايبين اجهزة نضيفه اوي ومكلفين نفسيهم وللاسف بيشتغلوا با mp3 ولاعة !!
فالموضوع موضوع ان كل واحد مجرب حاجه يقولها وبرضه موضوع اسطوانة التنضيف بتاعت الكمبيوتر دي تستخدم للكاسيت السى دى كويسة ولا لا

انا بستعمل CD نوعة Philips وهو نوع الحمد لله كويس جدا معايا وبستعمل برنامج Nero version 6.3.1.6 هو قديم شوية بس انا بنسخ بية لانى كنت جبيت Nero version 9 معرفتش انسخ بية ، وعلى فكرة انا بنسخ على اقل سرعة x32 علشان ال CD بيتحرق على x42 , x52 .
انت ممكن تستخدم CD Cleaner علشان ممكن الكاسيت بتاعك يكون مليان تراب والتراب دة هو اللى بيجرح الCD ويبوظة ويخلية يقطع .

الف شكر يا هيثم علي اهتمامك
السوني المقفول دة حلو بس مبقاش منتشر كله بيبيع في التاني التعبان ودة ملوش لازمة واعتقد الجيجا ماكس كويس مش وحش وعلي رايك فعلا هجرب انسخ علي سرعة قليلة هي الفكرة اني جربتهم كلهم لكن الواحد دايخ مابين السرعات وانواع الاسطوانات فميعرفش العيب فين وبجد الواحد خلص علب علي الفاضى لما زهق

اميرة شكرا علي اهتمامك انا مجربتش الفيليبس قبل كدة بس هحاول ادور عليها واجرب النسخ عليها مع سرعه قليلة زي ما هيثم قال وموضوع الحرق ده حصل معايا كتير بسبب الاسطوانات التعبانة اكتر من اي سبب تاني منهم لله الواحد بيدخل محلات يفضل يسال علي احسن نوع واغلاهم وبرضه بيترموا هي كل الاسطوانات حلوة داتا انما لكاسيت عربيه بيظهر الكلام الي انا قلته عشان كدة كتبت الموضوع
وموضوع التراب دة مشكله رخمة فعلا الCD Cleaner دة الي هو اسطوانة التنضيف بتاعت الكمبيوتر العادي صح ؟

ومتشكر بجد علي اهتمامكم بس اكيد كل واحد صدع من السف والتقطيع و رمي الاسطوانات فبتبقي بايخة اوي .
والي عنده حاجه تانية او يعرف انواع اسطوانات يشاركنا بيها ياجماعة وجزاكم الله كل خير

الجيجا ماكس كويسه انا مجربها كتير وبنسخ على 32× نيرو
اختار نوع الاسطوانة MP3 مش Data
اهم حاجة تحافظ على الاسطوانة من الخرابيش زى ما الناس قالت

بس المشكلة لو فضلت موجودة يبقى العيب كده مش فى الاسطوانات
فى العدسة عندك عايزة تنظيف