الموضوع: بلوف التكيهات!!!؟؟

انا كان عندى واحد من البلوف دى لما غيرت اتنين منهم لوتحبوا اخدة من شنطة العربية واصورة وارفعلكم الصورة مفيش مشاكل

باريت بعد اذنك ترفعه للزملاء .....علشان يتعرفوا عليه

بس فى ميكانيكى قالى لما تغير البلوف لما يكون فية بلف معلق لازم يتغيرو كلهم وطبعا عشان يتغيروا كلهم هيدخلوا فى مبلغ وقدرة بس الميكانيكى بتاعى قالى الكلام دة مش مظبوط طالما البلوف كلها نفس المقاس مفيش حاجة اعلى او اوطى من التانية اية رأيك فى الكلام دة يا باشا

الميكانيكى بتاعك ميكانيكى .....والتانى عجلاتى ( عاوز يخسرك وخلاص .......هى ناقصه )......أحتا عاوزين نجيب الأكسسوارات..............بدل مانرمى فلوس على الفاضى

والله أنت راجل زوق فعلا......

طبعا دى ليك ....لأنك أهلا لها

ربنا يخليك ياباشا بس مقدرش يكون بأديا حاجة اعملها واكبر دماغى وانا استفد كتير منكم وجة اليوم الى اقدر افيد بعض الاعضاء بحدود معرفتى طبعا

ربنا يكرمك وزوقك ....هو كل شىء ( أصلها مش باللى يقدم وغيره ) الزوق أهم حاجه ياسيدى

وطالما العربيه مريحاك ......كبر دماغك

برضه دى لحضرتك........وحقولك ليه مع الأقتباس القادم.................

معلش يا باشا حضرتك تقصد اية بالجملة دى يعنى موجها لصاحب الموضوع ولا ليا

أنت بتقول مغيره من فتره وكله تمام ( وده أساسا مبيجرلوش حاجه اللى فى نطاق ضيق جدا ....لأنه مش سوسته مثلا ) والميكانيكى بتاعك راجل بيفهم فعلا ......لأنه غيرلك ده ....لما لقى فيه pitting وده فى لغة الهندسه ( يعنى نقر أو تجريح وخربشه ......وخللى بالك من حتة خربشه دى .......يعنى مجرح ).........وأكيد كشف على ال15 التانيين .كويسين والا كان لفت نظرك من زمااااااااااااااااااااااا اااااااااان.....ومش معقول حتفكر فى الأتجاه ده أصلا وتتكلف يمكن أكتر من 1000.جنيه..................................... ...............

_ وأنت لسه مغير كارته ومجرب العربيه على الدولى .....والأمور عشره على عشره .........ومفيش أصوات صادره من المحرك .........يبقى نكبر دماغنا ولا لا ............مش كده ولا أيه ( الله يرحمك يافؤاد يامهندس )

يعنى ينفع الواحد يشيك على البلوف اللى فى العربية عند اى ميكانيكى والا الموضوع هيحتاج فك اجزاء كتير فى المحرك