الصنى 118 حصان خدعه ام حقيقة
بسم الله الرحمن الرحيم
الاول ححكى تجربتى مع موتور النوبيرا عربيتى السابقة حسب ما اسمع انه 106 حصان كان بيدينى سحب جبار مع كل نقلة كنت بحس بقوته و ياما ساعدنى انى اطلع من عربيات كتير فيرنا النترا 2005 اوكتافيا حتى المرسيدس 84 2000 cc ما سبهاش الا وعلم عليها
حصل اللى حصل و اتبعات وجه القرار اللى بيحير ملايين الناس العربية الجديده نوعها و امكانيتها انا طبعا كنت حاطط فى بالى اهم حاجه الموتور لانى بحس انه اهم قطعه فى العربيه كانت الميزانيه لحد 110 قلت
اجيب النترااو اوبترا قلت ابعد عن الكورى بعد ما طلع عينى مع النوبيرا فى العفشة دورت على اليابانى لاقيت كله شاطح فوق الا الاموره الصنى
دخلت على المنتدى ادور عى كل حاجه عنها لاقيت كل زى الفل الا شويت حاجات كراسى و موايع خايبه رحت منزل الملف بتاعها من الموقع و شفت الامكانيات حاجه تفرح مرايات ضم كهربه و جنوط شكلها عاجبنى و خصوصا القطعه الاهم الموتور لاقيته 118 حصان و تسارع لحد 100 9.5 ثانية
المهم اشتريت السوبر صالون عدينا اول الف بهدوء تام اول فترة تعدى عليا من غير حرق وجرى اول ما عديت الالف و الصيانه خلصت قلت بس جه الوقت اللى اربى فى الموتور على ايدى طلعت احرقلها الاول لحد 60 و التانى 100 والتالت 150 و الرابع اخره 160 و rpm على 4 مش راضى يتحرك رحت دايس على الO/D راح RPM رافع لحد 6 و السرعه عماله تزيد بس دخل على الريد لين رحت قالفه رحعت تانى و قفت مش راضيه تزود المهم بعد جدال طويل معاها وعمال ابوس فى طارتها مش راضيه تعدى ال175 فقلت يمكن عشان اوتوماتيك بس اكيد تسارعها حلو
نزلت بيها وقلت لازم اجرب جريها اول شدة كانت مع الالنترا 2005 جرينا الاول فى التانى مع بعض التالت طلع منى طيب ازاى ده 106 بس
قلت يبقى فى حاجه من 2 يا اما الموتور ده خدعه وكلام فى الهوا يا اما انى سمعت فى حاجه اسمها SPEED LIMITER
نسيت اقول ان الاستاذ سبعاوى من اكتر الناس اللى حببنى فى العربيه دى حتى قلتلهم فى البيت دا الاستاذ سبعاوى بيشكر فيها و ده راجل مش بيغلط
كنت مره قريت له ان RPM لما بيكون على 4 ده نظريا فقط انما هوه على 6 طيب لما بيكون على 6 بيكون على 8 مثلا و ما اظنش ان فى موتور 1600 يوصل للرقم ده و ليه السرعه بتزيد لما بدوس على O/D مع ان فى عربيات زى التيوتا بتجيب اخرها على 190 مثلا من غير الزرار ده
شكرا