شاكوش التفصيل

**samirayad** · 20-05-2009 01:17 AM

يا بشمهندس هو يقصد ان في العربيات الجديده لما توصل للريد زون والله اعلم اسمه صح ولا لا الكنترول يوينت بيدى اشاره ان الماتور يفصل او يفاصل

النظريه دى متاحه فعلا فى دواير الحقن الألكترونى لبعض أنواع السيارات الحديثه المزوده بحساس كامه .......وعند الرد زون .....الحساس بيبلغ وحدة التحكم بأن السرعه حرجه .....وبكده الوحده بتقطع البنزين عن الرشاشات والشراره عن البوجيهات ......كده تمام

فهل في حاجه زاى كده للعربيات القديمه عشان يحمي الماتور لان لو دوست علي دواسه البنزين الماتور مش حيفصل

ماهى دى أنا مقريتش عنها ولا أحتكيت بيها ....وأحتمال كبير أوى ...ده بيتم بنفس النظريه اللى فاتت بس عن طريق الأسبراتير .........والشاكوش ده (بتاع التفصيل هههههههههه ) هو اللى بيلغى توزيع الشراره للبوجيهات (على أساس بيكون عندنا فى الحاله دى أسبراتير ميكانيكى ....والشاكوش بتاع التفصيل ده بيلغى عملية التوزيع للشراره ).................هذا والله أعلم

**hamedo0** · 20-05-2009 01:19 AM

المشاركة الأصلية كتبت بواسطة samirayad

النظريه دى متاحه فعلا فى دواير الحقن الألكترونى لبعض أنواع السيارات الحديثه المزوده بحساس كامه .......وعند الرد زون .....الحساس بيبلغ وحدة التحكم بأن السرعه حرجه .....وبكده الوحده بتقطع البنزين عن الرشاشات والشراره عن البوجيهات ......كده تمام ماهى دى أنا مقريتش عنها ولا أحتكيت بيها ....وأحتمال كبير أوى ...ده بيتم بنفس النظريه اللى فاتت بس عن طريق الأسبراتير .........والشاكوش ده (بتاع التفصيل هههههههههه ) هو اللى بيلغى توزيع الشراره للبوجيهات (على أساس بيكون عندنا فى الحاله دى أسبراتير ميكانيكى ....والشاكوش بتاع التفصيل ده بيلغى عملية التوزيع للشراره .................هذا والله أعلم

شكرا" ليك علي الشرح يا بشمهندس

**hamedo0** · 20-05-2009 01:17 AM

يا tam عين شمس مليانه عباقره طب ما تسائل حد من اصحابك جايبه منين

**mohamed_mohsen** · 20-05-2009 01:19 AM

هو يقصد الrev limiter
و هو بيفصل الشراره عن الموتور ليمنعه من الوصول للريد زون
بس انت عايز تركبه ليه؟
ركب ار بي ام و قبل ماتوصل للريد زون انقل و خلاص

**samirayad** · 20-05-2009 01:26 AM

المشاركة الأصلية كتبت بواسطة mohamed_mohsen

هو يقصد الrev limiter
و هو بيفصل الشراره عن الموتور ليمنعه من الوصول للريد زون
بس انت عايز تركبه ليه؟
ركب ار بي ام و قبل ماتوصل للريد زون انقل و خلاص

كده صح يامحمد باشا ....وكده طلع فعلا متعلق بالأسبراتير وده أنا قريت عنه من زمان فعلا.....

المشاركة الأصلية كتبت بواسطة hamedo0

شكرا" ليك علي الشرح يا بشمهندس

الله يخليك ......الحمد لله .....أصل موضوع شاكوش التفصيل ده (فكرت فيه كتير فعلا.......وهو كده فعلا ال rev limiter اللى راكب جوه الأسبراتير .....وليه تصميم معين كنت قريت عنه فعلا )

**Tam** · 20-05-2009 02:08 AM

المشاركة الأصلية كتبت بواسطة hamedo0

يا tam عين شمس مليانه عباقره طب ما تسائل حد من اصحابك جايبه منين

تقريبا هو دة اللي هيحصل وهابقى أقول لكم إيه النتيجة إن شاء الله وفعلا هنا مليانة مخترعين

المشاركة الأصلية كتبت بواسطة mohamed_mohsen

هو يقصد الrev limiter
و هو بيفصل الشراره عن الموتور ليمنعه من الوصول للريد زون
بس انت عايز تركبه ليه؟
ركب ار بي ام و قبل ماتوصل للريد زون انقل و خلاص

أنا already عندي RPM في التابلوه بس كنت عايزها زيادة أمان مش أكتر..شكرا ليكم جميعا ولو حد عرف حاجة جديدة قبل ما أعرف ياريت يقول لنا

**nabaster** · 20-05-2009 01:21 PM

طيب انا اول مره اشوف الموضوع ده

ازيك يا باشمهندس سمير عامل ايه يا كبير؟؟؟

ازيك يا تام وازيكم كلكم واحشني موت علي فكره

اسمحولي بعد اذنكم اقول فكرتي عن موضوع شاكوش التفصيل ده

اولا ايه هوا التفصيل؟؟

يعني ايه العربيه تفصل (بتشديييييييييييييد الصاد)

ادخل اي عربيه جديده (انجكشن) وبراحه شويه بشويه هات اخر الدواسه (الاكسراتير)

هتلاقي الموتور في الاخر بدا يقطع ويعمل عن عن عن عن عن

ده الي اسمه في الميكانيكا تفصيل

بيحصل ازاي؟؟؟

ده لما بيوصل الموتور لار بي ام معين بيبدا الشاكوش ده يشتغل بيبدا يدي شراره متقطعه لاسلاك البوجيهات الي بالتالي بتوصل للبوجيهات ومنه لغرف الاحتراق في المحرك فبالتالي الاحتراق بيكون بصوره متقطعه ويمنع المحرك من خطر الانفجار وبيدي الصوت ده

بعض الشباب الي حابب يعمل منظر بالعربيه بيجيب شاكوش التفصيل ده ويحطه في عربيته الكربراتير

والي بيبقي غالبا بتاع البي ام

اشمعني البي ام لان في موديلات في االبي ام نزل منها شاكوش التفصيل ده منفصل عن الاسبراتير مع امكانية ظبطه وتركيبه في اي اسبراتير اخر

ودي صوره ليه

واي حد ليه استفسار انا في الخدمه

وشكرا

ملحوظه : الصوره منقوله من موضوع قديم للبشمهندس محمد ممدوح

**mohamed_rhem** · 20-05-2009 02:35 PM

المشاركة الأصلية كتبت بواسطة nabaster

[gdwl]هتلاقي الموتور في الاخر بدا يقطع ويعمل عن عن عن عن عن

ده الي اسمه في الميكانيكا تفصيل[/gdwl]

بيحصل ازاي؟؟؟

ده لما بيوصل الموتور لار بي ام معين بيبدا [gdwl]الشاكوش ده يشتغل بيبدا يدي شراره متقطعه لاسلاك البوجيهات[/gdwl] الي بالتالي بتوصل للبوجيهات ومنه لغرف الاحتراق في المحرك فبالتالي الاحتراق بيكون بصوره متقطعه ويمنع المحرك من خطر الانفجار وبيدي الصوت ده

بعض الشباب الي حابب يعمل منظر بالعربيه بيجيب شاكوش التفصيل ده ويحطه في عربيته الكربراتير

شكرا علي التوضيح يا باشمهندس
واسف للمشاركه السابقه لادلائي برايي انه بيفصل الحركه عن الفتيس
لان ده فعلا اللي كنت بحسه بحس ان مفيش قدره وصوت الموتور عالي وبيقطع

-

-

الموضوع: شاكوش التفصيل

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

التفصيل يابشمهندسين!!!

شاكوش التفصيل ياريت تفاصيل

التفصيل

التفصيل

كيفية تركيب شاكوش تفصيل لسيارتك

الكلمات الدلالية لهذا الموضوع

المفضلات

المفضلات

ضوابط المشاركة