شاكوش التفصيل

**Tam** · 18-05-2009 04:36 AM

السلام عليكم..
يا ريت يا جماعة لو حد عنده فكرة عن شاكوش التفصيل يقول لنا
وبالنسبة للي مايعرفوش دة بيركب للعربيات العادية عشان تفصل
وبالنسبة للتفصيل دة مش منظرة دة المفترض إنه بيحمي الموتور
ياريت لو حد يعرف لو ليه أضرار أو سعره..بيتباع فين والحاجات دي
شكرا
السلام عليكم

**Tam** · 19-05-2009 03:07 AM

طيب..كالعادة..هاسأل برة إن شاء الله وأبقى أقول لكم إيه الأخبار
السلام عليكم

**samirayad** · 19-05-2009 07:33 AM

لا ما تفقدش الأمل فينا كده ......أصل الصراحه أول مره أسمع عنه ويمكن زملاء كتير برضه أول مره يسمعوا عنه زى حلاتى........[gdwl]أنما لو حكيت لنا مكانه ووظيفته وصفا دقيقا[/gdwl] ....وماقصدك بهذا الأسم ......أكيد حنفكر ونشوف الوضع منطقى ولا لا ....( [gdwl]أصلها مش كيمياء ياعنى[/gdwl] )

وبالنسبة للي مايعرفوش دة بيركب للعربيات العادية عشان تفصل

وواضح أنك عارفه ......يبقى هو أيه .....

**mohamed_rhem** · 19-05-2009 05:00 PM

باشمهندس سمير
لما الموتور بيوصل لحد عدد لفات معين طبعا لما بتقرص علي العربيه وتجيب اخرها
المفروض ان في حمايه علشان الموتور ميبوظش (الموتور بيفصل الحركه)عن الفتيس
ولما تشبل رجلك عن البنزين ترجع القدرة تاني

ارجو اكون افدت

**samirayad** · 19-05-2009 05:33 PM

أولا بأشكرك ......وأنا عاوز أقولك أنه مش منطقى أن أفصل الفتيس عن المكنه مع السرعات العاليه قوى دى .....لأن الحمل بيروح مره واحده وبكده ممكن المكنه تنسرع .......لأن الحمل حيهرب فجأه وهنا الخطوره ..................منتظر تعليقك يمكن أكون مفهمتش قصدك

ليست مشكلتي إن لم يفهم البعض ما اعنيه ؟

وهى دى اللى مخوفانى .....انى أكون مفهمتش قصدك

**samirayad** · 19-05-2009 10:51 PM

من شغلى فى محركات الديزل بيكون فيه دواير حمايه للمحركات

وده بيكون أما ضد أرتفاع الحراره ووصولها الى مستويات حرجه

أو لحماية المحرك ضد الهبوط المفاجىء فى ضغط دورة تزييت المحرك

أو لحماية المحرك ضد السرعات العاليه الحرجه over speed

ودى بتصمم من خلال دواير كهربيه وألكترونيه

وفيه بعض الطرازت بيتم فعلا تنفيذ ذلك بطريقه ميكانيكيه (بنقول فيها حاكم السرعه أو الجفرنر بيسك على الجاز .....يعنى بيقفل على السولار ....علشان المكنه تبطل ......

أحتمال يكون ده قصدك .....من وجود وسيله بتتركب على الكربوراتير ....وبتقفل بابه مع الظروف الحرجه ( بس لازم من وجود وسائل أستشعار تنقل أشاره للوسيله دى ....بخصوص تعرض المحرك لظروف حرجه)...........

_ والله الواحد يامه حيشوف .....بيقولوا يموت المعلم ولا يتعلم ............

........أنا على طول مع نفسى ( عمال أقول عروستى على الموضوع ده ......والصراحه عاوز أعرفه )............

**samirayad** · 19-05-2009 11:01 PM

ويمكن قصدك على حاجه بتركب على الأسبراتير .....بحيث مع سرعة الكامه الزايده .......بتخللى الأسبراتير مايوزعش شراره للبوجيهات ( وأعتقد ده الأقرب منطقيا معى حاليا )..........._ فعلا ده أقرب تصور ....حاجه بتركب مع الأسبراتير .....ومع سرعة الكامه الحرجه ....بتخليه مايوزعش شراره للبوجيهات ....وكده قطعنا الشراره عن غرف الحريق .....وكده المكنه بطلت .....